OTT Action Movie: తమిళ యాక్షన్ మూవీ ఒకటి ఇప్పుడు తెలుగులో నేరుగా ఓటీటీలోకే వస్తోంది. నిహారిక కొణిదెల నటించిన ఈ సినిమా పేరు మద్రాస్కారణ్ (Madraskaaran). ఈ తమిళ యాక్షన్ మూవీ పొంగల్ సందర్భంగా జనవరి 10న థియేటర్లలో రిలీజ్ కాగా.. ఈ నెల మొదట్లో తమిళ వెర్షన్ ఓటీటీ స్ట్రీమింగ్ మొదలైంది. ఇప్పుడు తెలుగులోనూ అడుగుపెడుతోంది.

మద్రాస్కారణ్ తెలుగు ఓటీటీ రిలీజ్ డేట్

మద్రాస్కారణ్ మూవీ తెలుగు వెర్షన్ ఆహా వీడియో ఓటీటీ స్ట్రీమింగ్ చేయనుంది. ఈ సినిమా బుధవారం (ఫిబ్రవరి 26) నుంచే ఇందులో అడుగుపెట్టనుంది. ఈ విషయాన్ని ఆహా వీడియో తన ఎక్స్ అకౌంట్ ద్వారా వెల్లడించింది.

“కొత్త వ్యక్తుల మధ్య జరిగిన ఓ చిన్న వాగ్వాదం వాళ్ల జీవితాలను మార్చే సంఘర్షణకు దారి తీసింది. ఒక్క క్షణం ఎప్పటికీ మన దృక్ఫథాన్ని, పరిస్థితులను మార్చేస్తుందో చూడండి. మద్రాస్కారణ్ ఫిబ్రవరి 26 నుంచి ఆహాలో” అనే క్యాప్షన్ తో ఆ ఓటీటీ స్ట్రీమింగ్ విషయం తెలిపింది.

మద్రాస్కారణ్ మూవీ గురించి..

యాక్ష‌న్ క‌థాంశంతో తెర‌కెక్కిన మ‌ద్రాస్‌కార‌ణ్ మూవీలో షేన్ నిగ‌మ్, క‌లైయరాస‌న్‌, ఐశ్వ‌ర్య ద‌త్తా కీల‌క పాత్ర‌లు పోషించారు. రివేంజ్ యాక్ష‌న్ డ్రామాగా రూపొందిన ఈ మూవీకి వాలి మోహ‌న్ దాస్ ద‌ర్శ‌క‌త్వం వ‌హించాడు.

సంక్రాంతి కానుక‌గా జ‌న‌వ‌రి 10న మ‌ద్రాస్‌కార‌ణ్ థియేట‌ర్ల‌లోకి వ‌చ్చింది. ఔట్‌డేటెడ్ కాన్సెప్ట్‌తో పాటు రొటీన్ స్క్రీన్‌ప్లే కార‌ణంగా ఈ మూవీ ప్రేక్ష‌కుల‌ను మెప్పించ‌లేక‌పోయింది. దాదాపు ఐదు కోట్ల బ‌డ్జెట్‌తో రూపొందిన ఈ మూవీ కేవలం రూ.80 లక్షలే రాబట్టడం గమనార్హం.

ఈ సినిమాతో హీరోయిన్‌గా హిట్టు కొట్టాల‌నే నిహారిక క‌ల తీర‌లేదు. మ‌ద్రాస్కారణ్ మూవీలో మీరా అనే యువ‌తిగా గ్లామ‌ర్ రోల్‌లో నిహారిక కొణిదెల క‌నిపించింది. మ‌ల‌యాళ న‌టుడు అయినా షేన్ నిగ‌మ్ ఈ మూవీతోనే కోలీవుడ్‌లోకి హీరోగా ఎంట్రీ ఇచ్చాడు.

మద్రాస్కారణ్ మూవీ స్టోరీ ఏంటంటే?

స‌త్య‌(షేన్ నిగ‌మ్‌)తో మీరా (నిహారిక కొణిదెల‌)పెళ్లి ఫిక్స‌వుతుంది. పెళ్లి ప‌నుల్లో ఉండ‌గా స‌త్య ఓ యాక్సిడెంట్ చేస్తాడు. ఈ ప్ర‌మాదంలో క‌ళ్యాణి గాయ‌ప‌డుతుంది. స‌త్య‌పై దురైసింగం ప‌గ‌ను పెంచుకుంటాడు.

ఇద్ద‌రి మ‌ధ్య మొద‌లైన గొడ‌వ ఈగో కార‌ణంగా పెద్ద‌ది అవుతుంది. స‌త్య‌తో పాటు అత‌డి కుటుంబంపై దురైసింగం ఎటాక్ చేస్తాడు? ఆ త‌ర్వాత ఏమైంది? దురై సింగాన్ని ఎదురించి స‌త్య త‌న కుటుంబాన్ని ఎలా కాపాడుకున్నాడు అనే అంశాల‌తో ద‌ర్శ‌కుడు వాలిమోహ‌న్‌దాస్ ఈ మూవీని రూపొందించాడు.

మ‌ద్రాస్కారణ్ నిహారిక న‌టించిన రెండో త‌మిళ సినిమా . గ‌తంలో విజ‌య్ సేతుప‌తి ప్ర‌ధాన పాత్ర‌లో 2018లో వ‌చ్చిన ఒరు న‌ల్ల నాల్ పాథు సొల్రెన్ సినిమాలో ఓ కీల‌క పాత్ర పోషించింది నిహారిక‌. ఏడేళ్ల గ్యాప్ త‌ర్వాత మ‌ద్రాస్కారణ్ తో కోలీవుడ్‌లోకి రీఎంట్రీ ఇచ్చింది. ప్ర‌స్తుతం తెలుగులో యాక్ట‌ర్‌గానే కాకుండా ప్రొడ్యూస‌ర్‌గా సినిమాలు, వెబ్‌సిరీస్‌లు చేస్తోంది.