Anupama Parameswaran Maa Andhaala Siri Song Released: టాలీవుడ్ బ్యూటిఫుల్ హీరోయిన్ అనుపమ పరమేశ్వరన్ వరుసపెట్టి సినిమాలు చేస్తూ జోరు చూపిస్తోంది. ఇటీవలే టిల్లు స్క్వేర్, డ్రాగన్ సినిమాలతో మంచి హిట్ అందుకుంది. ఇప్పుడు మరో కొత్త సినిమాతో అలరించడానికి రెడీగా ఉంది ఈ ముద్దుగుమ్మ.

మలయాళ పాపులర్ హీరోయిన్

అనుపమ పరమేశ్వరన్ నటించిన లేటెస్ట్ మూవీ పరదా. తొలి మూవీ ‘సినిమా బండి’తో ప్రశంసలు అందుకున్న దర్శకుడు ప్రవీణ్ కండ్రేగుల ఈ సినిమాకు దర్శకత్వం వహించారు. ప్రవీణ్ కండ్రేగులు రెండో చిత్రంగా వస్తున్న పరదాలో అనుపమ పరమేశ్వరన్‌తోపాటు మోస్ట్ ట్యాలెంటెడ్ మలయాళ పాపులర్ హీరోయిన్ దర్శన రాజేంద్రన్, సీనియర్ హీరోయిన్ సంగీత ప్రధాన పాత్రలు పోషించారు.

ఓటీటీ వెబ్ సిరీస్‌లతో

ఇలాంటి అద్భుతమైన తారాగణంతో తెరకెక్కిన పరదా సినిమాకు ఫ్యామిలీ మ్యాన్ సిరీస్‌‌, ఫర్జీ, సిటాడెల్ ఓటీటీ వెబ్ సిరీస్‌లతో పాపులరైన డైరెక్టర్స్ రాజ్, డీకే మద్దతు ఇస్తున్నారు. శ్రీనివాసులు పివి, శ్రీధర్ మక్కువతో కలిసి విజయ్ డొంకడ ఆనంద మీడియా బ్యానర్‌పై ఈ సినిమాని నిర్మించారు. ఇప్పటికే విడుదల పరదా ఫస్ట్ లుక్ పోస్టర్, కాన్సెప్ట్ వీడియో, సినిమా టీజర్‌‌కు అద్భుతమైన రెస్పాన్స్ వచ్చింది.

మా అందాల సిరి సాంగ్ రిలీజ్

తాజాగా ఆదివారం (మార్చి 23) పరదా నుంచి ఫస్ట్ సింగిల్ సాంగ్‌ను రిలీజ్ చేశారు. మా అందాల సిరి అంటూ సాగే ఈ పాటతో మ్యూజిక్ ప్రమోషన్స్ కిక్ స్టార్ చేశారు మేకర్స్. ఇందులో అనుమప పరమేశ్వరన్ అందాల సిరిగా ఆకట్టుకుంది. అయితే, బ్యూటిఫుల్ అయిన అనుపమ పరమేశ్వరన్ ఈ పాటలో కాస్తా డీ గ్లామర్ లుక్‌లో దర్శనం ఇచ్చింది.

భారతీయ సాంప్రదాయం ఉట్టిపడేలా

ఇక స్టార్ కంపోజర్ గోపీ సుందర్ ఈ సాంగ్‌ని క్యాచి బీట్స్‌తో బ్యూటీఫుల్ నెంబర్‌గా కంపోజ్ చేశారు. శ్రీ కృష్ణ, రమ్య బెహరా వోకల్స్ మా అందాల సిరి పాటకి మరింత ఆకర్షణ తీసుకొచ్చాయి. వనమాలి రాసిన మీనింగ్ ఫుల్ లిరిక్స్ ఆకట్టుకున్నాయి. భారతీయ సాంప్రదాయం ఉట్టిపడే ఈ సాంగ్‌లో విజువల్స్ ప్లజెంట్‌గా ఉన్నాయి.

అనుపమ పరమేశ్వరన్ డ్యాన్స్ మూమెంట్స్

అనుపమ పరమేశ్వరన్ ఎలిగెంట్ డ్యాన్స్ మూమెంట్స్ ప్రత్యేక ఆకర్షణగా నిలిచాయి. ఇన్‌స్టంట్ హిట్‌గా నిలిచిన ఈ అందాల సిరి సాంగ్ ఆల్బమ్‌కు చార్ట్ బస్టర్ స్టార్ట్‌ని అందించింది. ఇదిలా ఉంటే, ఈ చిత్రానికి మృదుల్ సుజిత్ సేన్ డీవోపీగా పని చేస్తున్నారు. ధర్మేంద్ర కాకరాల ఎడిటర్‌గా, శ్రీనివాస్ కళింగ ఆర్ట్ డైరెక్టర్‌గా వర్క్ చేస్తున్నారు. కాగా పరదా సినిమా రిలీజ్ డేట్‌ను ఇంకా ప్రకటించలేదు.

అనుపమ పరమేశ్వరన్ ఫేవరెట్ మూవీ

ఇదిలా ఉంటే, పరదా టీజర్ రిలీజ్ ఈవెంట్‌లో అనుపమ పరమేశ్వరన్ ఇంట్రెస్టింగ్ కామెంట్స్ చేసింది. తను సినీ ఇండస్ట్రీకి వచ్చి పదేళ్లు అవుతుందని, ఆ పదేళ్ల జర్నీలో తన మోస్ట్ పేవరెట్ సినిమా పరదా అని చెప్పుకొచ్చింది అనుపమ పరమేశ్వరన్. అలాగే, పరదాను అందరూ ఎంతో ఇష్టపడి చేసిన సినిమా అని, ఫ్యామిలీతో చూడాల్సిన మూవీ అని అనుపమ పరమేశ్వరన్ తెలిపింది.