పెళ్లిచూపులు హీరోయిన్‌ రీతూవ‌ర్మ తెలుగులో ఓ రొమాంటిక్ కామెడీ వెబ్‌సిరీస్ చేస్తోంది. ఈ సిరీస్ టైటిల్‌తో పాటు స్ట్రీమింగ్ ప్లాట్‌ఫామ్ ఏద‌న్న‌ది రివీల‌య్యాయి. ఈ సిరీస్‌కు దేవిక అండ్ డానీ అనే టైటిల్‌ను ఖ‌రారు చేశారు. జియో హాట్‌స్టార్‌లో స్ట్రీమింగ్ కాబోతోంది. ఈ వెబ్ సరీస్ టైటిల్‌ను జియో హాట్‌స్టార్ గురువారం అఫీషియ‌ల్‌గా అనౌన్స్‌చేసింది. త్వ‌ర‌లోనే దేవిక అండ్ డానీ స్ట్రీమింగ్ కానున్న‌ట్లు వెల్ల‌డించింది.

శివ కందుకూరి…

దేవిక అండ్ డానీ వెబ్‌సిరీస్‌లో రీతూవ‌ర్మ‌తో పాటు శివ కందుకూరి, సూర్య‌కిర‌ణ్ కీల‌క పాత్ర‌ల్లో న‌టిస్తోన్నారు. ఈ సిరీస్‌కు బి కిషోర్ ద‌ర్శ‌క‌త్వం వ‌హిస్తున్నారు. దేవిక అండ్ డానీ అనే జంట ల‌వ్ జ‌ర్నీతో ఈ సిరీస్ సాగ‌నున్న‌ట్లు ప్ర‌చారం జ‌రుగుతోంది. రొమాన్స్‌, ఫ‌న్ క‌ల‌బోత‌గా సాగే స్వ‌చ్ఛ‌మైన ల‌వ్‌స్టోరీ ఇద‌ని వార్త‌లు వినిపిస్తున్నాయి. ఈ వెబ్‌సిరీస్‌లో రీతూవ‌ర్మ పాత్ర డిఫ‌రెంట్‌గా ఉండ‌బోతున్న‌ట్లు స‌మాచారం. దేవిక అండ్ డానీ సిరీస్‌కు జ‌య్ క్రిష్ మ్యూజిక్ అందిస్తోన్నాడు.

శ్రీకారం మూవీ…

దేవిక అండ్ డానీ వెబ్‌సిరీస్ కంటే ముందు తెలుగులో శ్రీకారం అనే సినిమాను తెర‌కెక్కించాడు ద‌ర్శ‌కుడు కిషోర్‌. వ్య‌వ‌సాయం గొప్ప‌త‌నాన్ని వివ‌రిస్తూ క‌మ‌ర్షియ‌ల్ ఎంట‌ర్‌టైన‌ర్‌గా తెర‌కెక్కిన ఈ మూవీలో ప్రియాంక అరుళ్ మోహ‌న్ హీరోయిన్‌గా న‌టించింది. శ్రీకారం త‌ర్వాత సినిమాల‌కు లాంగ్ గ్యాప్ తీసుకున్న బి కిషోర్ వెబ్‌సిరీస్‌తో రీఎంట్రీ ఇస్తోన్నాడు.

మ‌జాకా మిక్స్‌డ్ టాక్‌…

ఆరంభం నుంచి సినిమాల ఎంపిక‌లో సెలెక్టివ్‌గా అడుగులు వేస్తోంది రీతూవ‌ర్మ‌. పెళ్లిచూపులు మూవీతో తెలుగులో పెద్ద హిట్ అందుకున్న‌ది.ఆ త‌ర్వాత వ‌రుడు కావ‌లెను, ఒకే ఒక జీవితం, స్వాగ్ సినిమాల‌తో ప్రేక్ష‌కుల‌ను మెప్పించింది. రీతూవ‌ర్మ హీరోయిన్‌గా న‌టించిన మ‌జాకా మూవీ ఇటీవ‌ల రిలీజైంది. సందీప్ కిష‌న్ హీరోగా న‌టించిన ఈ మూవీ మిక్స్‌డ్ టాక్‌ను సొంతం చేసుకున్న‌ది.

త‌మిళంలో హిట్లు…

త‌మిళంలో రీతూవ‌ర్మ హీరోయిన్‌గా న‌టించిన క‌నుమ్ క‌నుమ్ కొల్లైయ‌దితాల్‌, మార్క్ ఆంటోనీ సినిమాలు బిగ్గెస్ట్ బ్లాక్‌బ‌స్ట‌ర్స్‌గా నిలిచాయి. సినిమాలే కాకుండా తెలుగులో మోడ్ర‌న్ ల‌వ్ హైద‌రాబాద్ అనే వెబ్‌సిరీస్ చేసింది.