ఓ వైపు యాంకరింగ్ తో ఎంటర్ టైన్ చేస్తూనే మరోవైపు హీరోగా లక్ పరీక్షించుకుంటున్నాడు ప్రదీప్ మాచిరాజు. ఆయన సెకండ్ మూవీ ‘అక్కడ అమ్మాయి ఇక్కడ అబ్బాయి’. పవన్ కల్యాణ్ ఫస్ట్ మూవీ టైటిల్ తో ప్రదీప్ ఈ మూవీ చేశాడు. ఏప్రిల్ 11న థియేటర్లలో రిలీజైన ఈ కామెడీ డ్రామా ప్రేక్షకులను బాగానే నవ్వించింది. కానీ ఓ మోస్తరు కలెక్షన్లతో సరిపెట్టుకుంది. ఇప్పుడీ మూవీ ఓటీటీలోకి వచ్చేస్తోంది.

స్ట్రీమింగ్ ఎక్కడంటే?

యాంకర్లు ప్రదీప్ మాచిరాజు, దీపిక పిల్లి హీరో హీరోయిన్లుగా వచ్చిన మూవీ ‘అక్కడ అమ్మాయి ఇక్కడ అబ్బాయి’. థియేటర్లలో రిలీజైన నెలలోపే ఓటీటీలోకి ఈ మూవీ వచ్చేస్తోంది. ఈటీవీ విన్ ఓటీటీ లో మే 8 నుంచి ఈ ఫిల్మ్ స్ట్రీమింగ్ కానుంది. ఈ మేరకు ఈటీవీ విన్ అఫీషియల్ గా అనౌన్స్ చేసింది.

జబర్దస్త్ డైరెక్టర్స్

‘అక్కడ అమ్మాయి ఇక్కడ అబ్బాయి’ మూవీని ఒకప్పటి జబర్దస్త్ డైరెక్టర్లు నితిన్, భరత్ కలిసి తెరకెక్కించారు. ఈ మూవీకి స్టోరీని సందీప్ బొల్లా అందించారు. మాంక్స్ అండ్ మంకీస్ బ్యానర్ నిర్మించిన ఈ మూవీని మైత్రీ మూవీ మేకర్స్ డిస్ట్రిబ్యూట్ చేశారు. వెన్నెల కిశోర్, సత్య, గెటప్ శ్రీను తదితరులు కీ రోల్స్ ప్లే చేశారు. ఈ మూవీ ఈటీవీ విన్ ఓటీటీలోకి రాబోతోంది.

కథ ఏమిటంటే?

హైదరాబాద్‌లోని ఓ కన్‌స్ట్రక్షన్ కంపెనీలో సివిల్ ఇంజీనిర్‌గా కృష్ణ (ప్రదీప్ మాచిరాజు) పనిచేస్తుంటాడు. ఆంధ్ర-తమిళనాడు బార్డర్‌లోని ఓ గ్రామంలో మరుగుదొడ్లు నిర్మించే కాంట్రాక్ట్ తన పనిచేస్తున్న కంపెనీకి వస్తుంది. దాంతో తన డ్రైవర్ (సత్య)తో కలిసి కృష్ణ ఆ ఊరికి వెళ్తాడు. అయితే, ఆ ఊరికి కొన్ని కట్టుబాట్లు ఉంటాయి. వాటిని బట్టి ఆ ఊరిలోకి కొత్త వాళ్లను రానివ్వరు.

60 మందికి ఒక్క అమ్మాయి

కానీ, ప్రభుత్వ పని కావడంతో కొన్ని నిబంధనల మేరకు వారిని లోపలికి రాణిస్తారు. నిజానికి ఆ ఊరిలో 60 మంది కుర్రాళ్లు పెళ్లి చేసుకోడానికి ఏకైక అమ్మాయి రాజా (దీపిక పిల్లి) ఉంటుంది. రాజాను ఆ గ్రామానికి అదృష్ట దేవతగా భావిస్తారు. ఆ 60 మంది కుర్రాళ్లలో ఎవరో ఒకరిని రాజా వివాహం చేసుకోవాలని, ఆ పెళ్లి చేసుకున్న వ్యక్తిని ప్రెసిడెంట్‌గా చేయాలని ఊరి వారంతా ముందే ఫిక్స్ అవుతారు.

ఇలాంటి సమయంలో రాజా, కృష్ణ మధ్య ప్రేమ ఎలా చిగిరించింది? వారి ప్రేమ గురించి తెలిసిన ఊరివాళ్ల రియాక్షన్ ఏంటీ? కృష్ణ, రాజా ఒక్కటయ్యారా? అనేది తెలియాలంటే ఈ సినిమా చూడాల్సిందే.