సీబీఎస్​ఈ బోర్డు పరీక్షల ఫలితాల కోసం క్లాస్​ 10, క్లాస్​ 12 విద్యార్థులు ఉత్కంఠతో ఎదురుచూస్తున్నారి. ఇంకా ఎలాంటి అధికారిక ప్రకటన రానప్పటికీ, సీబీఎస్​ఈ 10, 12 ఫలితాలు ఈ నెలలో లాంచ్​ అవుతాయని గత ట్రెండ్స్​ సూచిస్తున్నాయి. ఈ ఏడాది పరీక్షలు రాసిన విద్యార్థులు తమ స్కోర్లను బోర్డు అధికారిక వెబ్సైట్​లలో చూసుకోవచ్చు. అధికారిక వెబ్సైట్​లు, కావాల్సిన క్రెడెన్షియల్స్​ వివరాలను ఇక్కడ తెలుసుకోండి..

సీబీఎస్​ఈ ఫలితాలను చెక్​ చేయడానికి వెబ్సైట్​లు..

సీబీఎస్​ఈ ఫలితాలను విద్యార్థులు ఈ కింద ఇచ్చిన వెబ్సైట్​లలో చెక్​ చేసుకోవచ్చు..

1. cbse.gov.in
2. results.cbse.nic.in.

results.digilocker.gov.in డిజిలాకర్ వంటి ఇతర ప్లాట్​ఫామ్స్​లో చెక్​ చేసుకోవచ్చు. లేదా umang.gov.in ఉమాంగ్ పోర్టల్లో కూడా ఫలితాలను తనిఖీ చేయవచ్చు.

ఈ క్రెడెన్షియల్స్​ దగ్గర పెట్టుకోండి..

సీబీఎస్​ఈ క్లాస్​ 10, క్లాస్​ 12 ఫలితాలు తనిఖీ చేయడానికి, విద్యార్థులకు ఈ కింద ఇచ్చిన క్రెడెన్షియల్స్​ అవసరం పడతాయి.

1. రోల్ నెంబరు
2. పుట్టిన తేది
3. అడ్మిట్ కార్డు వివరాలు

ఈ ఏడాది దాదాపు 44 లక్షల మంది విద్యార్థులు పరీక్షలకు హాజరయ్యారు. 10వ తరగతి బోర్డు పరీక్ష ఫిబ్రవరి 15న ప్రారంభమై మార్చి 18, 2025న ముగిసింది. ఇక సీబీఎస్​ఈ 12వ తరగతి బోర్డు పరీక్ష ఫిబ్రవరి 15న ప్రారంభమై ఏప్రిల్ 4, 2025న ముగిసింది.

సీబీఎస్ఈ ఫలితాలు 2025: 10, 12వ తరగతి ఫలితాలను ఎలా డౌన్​లోడ్​ చేసుకోవాలి?

1. cbse.gov.in అధికారిక వెబ్సైట్​ని సందర్శించండి.
2. హోమ్ పేజీలో విద్యార్థులు సీబీఎస్ఈ 10 లేదా 12 వ తరగతి ఫలితాలను తనిఖీ చేయడానికి కావాల్సిన లింక్​పై క్లిక్ చేయాలి.
3. మీ లాగిన్ వివరాలను ఎంటర్ చేసి సబ్మిట్​ బటన్​పై క్లిక్ చేయండి.
4. మీ సీబీఎస్ఈ 10వ తరగతి లేదా 12వ తరగతి స్కోర్​కార్డు స్క్రీన్​పై కనిపిస్తుంది. చెక్​ చేసుకోండి.
5. భవిష్యత్తు రిఫరెన్స్ కోసం డౌన్​లోడ్ చేసి ప్రింటౌట్ తీసి పెట్టుకోండి.

సీబీఎస్​ఈ ఫలితాలకు సంబంధించిన మరిన్ని వివరాలకు విద్యార్థులు అధికారిక వెబ్సైట్​ని సందర్శించాలని సూచించారు.