పాకిస్తాన్, పాక్ ఆక్రమిత కాశ్మీర్లో ఉన్న 21 ప్రసిద్ధ శిక్షణా శిబిరాల జాబితాను భారత ప్రభుత్వం, సాయుధ దళాలు బుధవారం విలేకరుల సమావేశంలో పంచుకున్నాయి. ‘‘గత మూడు దశాబ్దాలుగా పాకిస్థాన్ క్రమపద్ధతిలో ఉగ్రవాద మౌలిక సదుపాయాలను నిర్మించింది. రిక్రూట్మెంట్, బోధనా కేంద్రాలు, ప్రారంభ, రిఫ్రెషర్ కోర్సుల కోసం శిక్షణా ప్రాంతాలు, హ్యాండ్లర్ల కోసం లాంచ ప్యాడ్లతో కూడిన సంక్లిష్ట వెబ్ ఇది’’ అని భారత సాయుధ దళాలు తెలిపాయి.

ఆపరేషన్ సింధూర్

‘ఆపరేషన్ సింధూర్’ పేరుతో చేపట్టిన ఈ మిషన్ లో తొమ్మిది ఉగ్రవాద శిబిరాలను లక్ష్యంగా చేసుకున్నట్లు రక్షణ మంత్రిత్వ శాఖ ధృవీకరించింది. అయితే, పాక్, పీఓకేలలో ఉత్తరంలోని సవాయ్ నాలా నుంచి దక్షిణాన బహవల్ పూర్ వరకు 21 ప్రసిద్ధ శిక్షణా శిబిరాలు ఉన్నాయని భారతీయ ఆర్మీ అధికారులు వెల్లడించారు.

పాక్, పీఓకేల్లోని 21 ఉగ్రవాద శిబిరాలు

1. సవాయ్ నాలా
2. సయ్యద్ నా బిలాల్
3. మష్కర్ ఈ అక్సా (Maskar-E-Aqsa)
4. చేలాబంది (Chelabandi)
5. అబ్దుల్లా బిన్ మసూద్
6. దులాయి
7. గర్హి హబీబుల్లా
8. బట్రాసి
9. బాలాకోట్
10. ఓఘి (Oghi)
11. బోయి (Boi)
12. సెన్సా (Sensa)
13. గుల్పూర్
14. కోట్లి
15. బరాలీ
16. దంఘీ (Dungi)
17. బర్నాలా
18. మెహమూనా జోయా
19. సర్జల్
20. ముషిద్కే (Muridke)
21. బహవల్ పూర్

భారత్ దాడులు చేసిన 9 ఉగ్ర స్థావరాలు ఇవి

పాకిస్థాన్, పాక్ ఆక్రమిత కశ్మీర్ లోని ఈ తొమ్మిది ఉగ్రవాద స్థావరాలను భారత్ విజయవంతంగా నిర్వీర్యం చేసింది. అవి..

1. మర్కజ్ సుభాన్ అల్లా, బహవల్ పూర్ – జైషే మహ్మద్

2. మర్కజ్ తైబా, మురిడ్కే – లష్కరే తోయిబా

3. సర్జల్, తెహ్రా కలాన్ – జేఈఎం

4. మెహమూనా జోయా, సియాల్ కోట్ – హెచ్ ఎం

5. మర్కజ్ అహ్లే హదిత్, బర్నాలా – లష్కరే తోయిబా

6. మర్కజ్ అబ్బాస్, కోట్లి – జైషే మహ్మద్

7. మస్కర్ రహీల్ షాహిద్, కోట్లి – హెచ్ఎం

8. షావాయి నల్లా క్యాంప్, ముజఫరాబాద్ – లష్కరే తోయిబా

9. సయ్యద్నా బిలాల్ క్యాంప్, ముజఫరాబాద్ – జైషే మహ్మద్

25 నిమిషాలే..

భారత సాయుధ దళాలు మే 6, 7 తేదీల మధ్య రాత్రి ‘ఆపరేషన్ సింధూర్’ను ప్రారంభించాయి. అర్ధరాత్రి 1:05 గంటల నుంచి 1:30 గంటల వరకు 25 నిమిషాల పాటు ఈ ఆపరేషన్ కొనసాగిందని కల్నల్ సోఫియా ఖురేషీ తెలిపారు. ఇంటెలిజెన్స్ సమాచారం ఆధారంగా ఆపరేషన్ సింధూర్ సందర్భంగా దాడి చేసిన తొమ్మిది లక్ష్యాలను ఎంచుకున్నట్లు కల్నల్ సోఫియా ఖురేషీ తెలిపారు. ఉగ్రవాదానికి వ్యతిరేకంగా భారత దాడుల్లో ఏ సైనిక స్థావరాలను లక్ష్యంగా చేసుకోలేదని ఆమె చెప్పారు. పౌర మౌలిక సదుపాయాలు, పౌరులకు నష్టం జరగకుండా ఉండేందుకే ఈ ప్రాంతాలను ఎంచుకున్నట్లు వింగ్ కమాండర్ వ్యోమికా సింగ్ తెలిపారు. పౌరుల మరణాలపై పాకిస్తాన్ చేస్తున్న దుష్ప్రచారంపై కల్నల్ సోఫియా ఖురేషీ స్పందిస్తూ ఆపరేషన్ సింధూర్ వల్ల ఇప్పటి వరకు పాకిస్థాన్ లో పౌరుల మరణాలు సంభవించలేదని స్పష్టం చేశారు.