భారతదేశంలోని ప్రతి నగరానికి ప్రత్యేకత ఉంది. స్థానికంగా దొరికే ఎన్నో రకాల వంటకాలు కూడా ఉన్నాయి. మీకు ట్రావెలింగ్ అంటే ఇష్టమైతే, మీరు మంచి ఆహార ప్రియులు కూడా అయితే మీకోసమే ఇక్కడ మేము బెస్ట్ ఫుడ్ దొరికే నగరాల గురించి ఇచ్చాము.

ఇండియాలోనే ఈ అయిదు నగరాలకి వెళ్లారంటే రకరకాల ఫుడ్స్ దొరుకుతాయి. ఎంత తిన్నా ఇంకా తినాలనిపించేలా ఉంటాయి. ఈ రుచికరమైన వంటకాలను టేస్ట్ చూడాలంటే మీ పొట్టను ఖాళీ ఉంచుకునే వెళ్లారు. మీరు టేస్టీ ఫుడ్ తినేందుకు ఏ నగరాలను ఇండియాలో సందర్శించాలో తెలుసుకోండి.

అమృత్ సర్

పంజాబీ ఫుడ్ చాలా పాపులర్. మీరు అమృత్ సర్ వెళ్లారంటే అన్ని రకాల పంజాబీ స్పెషల్ ఫుడ్స్ దొరుకుతాయి. చోలే-కుల్చే, అమృత్ సర్ చేపల కూర, మలై లస్సీ కచ్చితంగా టేస్ట్ చూడాలి. గోల్డెన్ టెంపుల్ సమీపంలోని దాబాల్లో వడ్డించే పప్పు, లంగర్ ఫుడ్ కూడా చాలా రుచిగా ఉంటాయి. వీటిని టేస్ట్ చూడకుండా వెనక్కి రాకండి.

ఢిల్లీ

మీరు మొదటిసారి ఢిల్లీని సందర్శించడానికి వచ్చినట్లయితే, ఇక్కడ చాందినీ చౌక్ కు వెళ్లడం మర్చిపోవద్దు. ఈ ప్రదేశం భోజన ప్రియులకు స్వర్గధామం. పరాథా వాలీ గలీ, గోల్ గప్పాస్, దహీ భల్లాల పరాఠాలు మీకు ఎంతో నచ్చుతాయి. ఓల్డ్ ఢిల్లీ బిర్యానీ, కబాబ్ రుచి మీరు తిన్నారంటే మర్చిపోలేరు. స్నేహితులతో వెళ్లి ఇక్కడ ఎంజాయ్ చేసి రండి

లక్నో

లక్నోలోని ప్రసిద్ధ గలౌటీ కబాబ్స్, తందూరీ ముర్గ్, బిర్యానీ జీవితంలో ఒక్కసారైనా తినాల్సిందే. తుండే కబాబీ, ఇద్రిస్ బిర్యానీ ప్రతి ఆహారప్రియుడికి నచ్చడం ఖాయం. స్వీట్స్ విషయానికి వస్తే క్రీమ్ పాన్, రాయల్ పీస్ కూడా ఇక్కడ రుచి చూడొచ్చు. ఇంటికి తీసుకెళ్లీ మీ వారికి తినిపించవచ్చు.

కోల్ కతా

బెంగాలీ సంస్కృతితో ఆహారానికి ఎంతో ప్రాధాన్యత ఉంది. కోల్ కతా ఫుడ్స్ లో కోషా మంగ్షో, షోర్షే, మిష్టి దోయ్ ఎంతో అద్భుతంగా ఉంటాయి. ఇవి అన్ని చోట్ల దొరకవు. ఫ్లోరీ పేస్ట్రీ, పార్క్ స్ట్రీట్ రోల్స్ కూడా ఇక్కడ చాలా ప్రసిద్ధి చెందాయి.

హైదరాబాద్

నవాబుల నగరం హైదరాబాద్. ఇక్కడి బిర్యానీ, హలీమ్ కచ్చితంగా రుచి చూడాల్సిందే. ప్రపంచంలోనే బెస్ట్ బిర్యానీ దొరికేది ఇక్కడే. చార్మినార్ సమీపంలోని స్ట్రీట్ ఫుడ్ స్టాల్స్ లో కబాబ్ లు, పాయలు, కుర్బానీ కా స్వీట్స్ వంటివి దొరుకుతాయి. ఇవన్నీ ఎంత తిన్నా మళ్లీ మళ్లీ కావాలనిపిస్తుంది.