ఈ సంవత్సరం భారత సినీప్రేక్షకులు ఎంతో ఆసక్తిగా ఎదురు చూస్తున్న సినిమాల్లో “థగ్ లైఫ్” ఒకటి. .లోకనాయకుడు కమల్ హాసన్ హీరోగా, లెజెండరీ డైరెక్టర్ మణిరత్నం దర్శకత్వంలో తెరకెక్కిన హై-ఓక్టేన్ గ్యాంగ్‌స్టర్ డ్రామా థగ్ లైఫ్ మూవీ జూన్ 5న థియేటర్లలో విడుదలకు సిద్ధమవుతోంది.

థగ్ లైఫ్ ప్రెస్ మీట్

స్టార్ హీరోయిన్ త్రిష, శింబు, అభిరామి కీలక పాత్రల్లో నటించిన థగ్ లైఫ్ మూవీ రిలీజ్ సందర్భంగా రీసెంట్‌గా మీడియా ప్రెస్ మీట్ నిర్వహించారు. థగ్ లైఫ్ మీడియా ప్రెస్ మీట్‌లో యూనివర్సల్ హీరో కమల్ హాసన్ ఇంట్రెస్టింగ్ విశేషాలు చెబుతూ కామెంట్స్ చేశారు.

నాయకుడితో సర్‌ప్రైజ్ చేసినట్లు

థగ్ లైఫ్ మీడియా మీట్‌లో లోకనాయకుడు కమల్ హాసన్ మాట్లాడుతూ.. “అందరికీ నమస్కారం. ఒక దర్శకుడిగా మణిరత్నం గారు నాయకుడు సినిమాతో ఎలా అయితే అందరినీ సర్‌ప్రైజ్ చేశారో.. థగ్ లైఫ్‌తో కూడా ఆయన ఆడియన్స్‌ని సర్‌ప్రైజ్ చేయబోతున్నారు” అని అన్నారు.

ముందు మనం నేర్చుకోవాలి

“మణిరత్నం గారు నన్ను ద్రోణాచార్యతో పోల్చారు. కానీ, నేను ద్రోణాచార్యుని కాదు. నేను ఇంకా విద్యార్థినే. ఒకరికి నేర్పాలంటే మనం ముందు నేర్చుకోవాలి. నేను ఇంకా నేర్చుకుంటూనే ఉన్నాను. మీరు కూడా నాతో పాటు కలిసి నేర్చుకోండి. నేను మణిరత్నం గారి సినిమాలో యాక్ట్ చేయను, జస్ట్ బిహేవ్ చేస్తాను. మేమంతా సినిమా అభిమానులం. సినిమాని ఎప్పుడు కూడా భుజాలపై మోస్తాం” అని కమల్ హాసన్ తెలిపారు.

ఇంద్రుడు చంద్రుడు సినిమాకు

“నాజర్ గారు ఆల్‌రౌండర్. మేము ఎప్పటినుంచో జర్నీ చేస్తున్నాం. ఇంద్రుడు చంద్రుడు సినిమాకి తనికెళ్ల భరణి గారు రాయాల్సింది. కానీ, అది కుదరలేదు. ఆయనతో కలిసి మరింత ప్రయాణం చేయాలని ఉంది. ఆయన ఇంకా ఎక్కువ రాయాలని కోరుకుంటున్నాను” అని తనికెళ్ల భరణి గురించి కమల్ హాసన్ చెప్పారు.

ఎంతో కనెక్ట్ అయ్యాం

“శింబు చైల్డ్‌ వుడ్ నుంచి నేను తన సినిమాలు చూస్తూ ఉన్నాను. నేను కూడా చైల్డ్ యాక్టర్ నుంచి జర్నీ స్టార్ట్ చేశాను. అందుకే మేము ఎంతో కనెక్ట్ అయ్యాం. ఏదైనా సినిమానే మాకు నేర్పింది. నేను అందుకే ఒక సినిమా విద్యార్థిగానే నన్ను నేను చెప్పుకుంటాను. నేను మనసుపెట్టి చేసిన ప్రతి సినిమా గొప్ప విజయాన్ని సాధించింది. థగ్ లైఫ్ మనసుపెట్టి చేసిన సినిమా” అని కమల్ హాసన్ వెల్లడించారు.

నాయకుడు కంటే

“అభిరామి మళ్లీ ఈ సినిమాలో నటించడం ఆనందంగా ఉంది. ఇది ఒక ఫెంటాస్టిక్ టీంతో చేసిన సినిమా. గొప్పగా సెలబ్రేట్ చేసుకునే సినిమా. ఇలాంటి సినిమా మళ్లీ మళ్లీ రాదు. అందుకే సినిమాని ప్రమోట్ చేయడానికి ప్రయత్నిస్తున్నాను. ఈ సినిమా నాయకుడు కంటే పెద్ద విజయం సాధిస్తుంది. ఇది నా ప్రామిస్. ఈ సినిమా ఫస్ట్ డే షూటింగ్ అప్పటినుంచి చాలా ఎగ్జైట్‌మెంట్ ఉంది. ఇప్పటికే కంటిన్యూ అవుతుంది” అని కమల్ హాసన్ పేర్కొన్నారు.