బ్రహ్మముడి సీరియల్‌ లేటెస్ట్ ఎపిసోడ్‌‌ ప్రోమోలో స్వప్న దగ్గర కొట్టేసిన రవ్వల నెక్లెస్‌లో ప్లేస్‌లో అనుమానం రాకుండా డూప్లికేట్‌ది పెడుతుంటాడు రాహుల్. అటు నుంచి స్వప్న వస్తుంటుంది. రాహుల్ నెక్లెస్ లోపల పెట్టేసి అక్కడే కంగారుగా నిల్చుంటాడు. ఏం చేస్తున్నావ్ అని స్వప్న అడగడంతో చూసేసిందా అని భయపడిపోతాడు రాహుల్.

రాహుల్ భయం చూసి

రాహుల్ భయం చూసి నీ వాలకం చూస్తుంటే మళ్లీ ఏదో వెధవ పని చేసినట్లున్నావ్. మళ్లీ ఏ కొంప ముంచి చచ్చావ్ అని స్వప్న నిలదీస్తుంది. నాపై నీకు నమ్మకం లేదా. ఎప్పుడు నేను ఏదోటి ఎందుకు చేస్తాను అని రాహుల్ అంటాడు. నువ్ ఏం చేయలేదంటేనే ఆశ్చర్యపోవాలి అని స్వప్న అంటుంది. దాంతో రాహుల్ వెళ్లిపోతాడు. ఇంట్లో ధాన్యలక్ష్మీ గొడవ చేస్తుంది.

కల్యాణ్ అప్పుకు ఇంకా ఫస్ట్ నైట్ కాలేదని, కొడుకును దూరం పెడుతుందని ఇంట్లోవాళ్లతో చెబుతుంది ధాన్యలక్ష్మీ. హాల్లో నానా రచ్చ చేస్తుంది ధాన్యం. దానికి తోడుగా రుద్రాణి వంతపాడుతుంది. మరింత ఆజ్యం పోస్తుంది. రుద్రాణి మాటలకు ఇంట్లోవాళ్లు చెక్ పెడతారు. కానీ, ధాన్యలక్ష్మీ నోరు ఆపలేకపోతారు. దాంతో కల్యాణ్, అప్పులకు ఫస్ట్ నైట్ చేయాలని ఫిక్స్ అవుతారు.

ప్లాన్ సక్సెస్ అయినందుకు

దాంతో రుద్రాణి వేసిన ప్లాన్ సక్సెస్ అవుతుంది. కల్యాణ్ అప్పు ఫస్ట్ నైట్ హడావిడిలో ఉంటే కావ్యకు రాజ్ లవ్ ప్రపోజ్ ఎలా చేస్తాడు అని సంతోషిస్తుంది రుద్రాణి. ఇక రుద్రాణి వల్లే తను అనుకుంది సాధించగలిగానని ధాన్యలక్ష్మీ అంటుంది. తాము మాట్లాడుకుని ప్లాన్ చేసి వర్కౌట్ అయిందని రుద్రాణి, ధాన్యలక్ష్మీ సంబరపడిపోతారు. ఇక అప్పును ఇంటికి పర్మనెంట్‌గా పరిమితం చేస్తాను అని ధాన్యలక్ష్మీ అంటుంది.

పంతులుతో మాట్లాడి ఇవాళ ముహుర్తం బాగుందని, అప్పు కల్యాణ్ శోభనం ఇవాళ జరిపిద్దామని అనుకుంటారు. దాంతో చేసేది లేక అప్పు, కల్యాణ్ ఒప్పుకుంటారు. కల్యాణ్ మాత్రం సంతోషిస్తాడు. ఇన్ని రోజులు అప్పును ముద్దులు వంటి టిఫిన్స్‌ కోసం ఆరాటపడాల్సి వచ్చింది. ఇక ఇవాళ అయితే ఏకంగా ఫుల్ మీల్స్ అంటూ సంబరపడిపోతాడు. మరోవైపు కావ్యకు లవ్ ప్రపోజ్ ఎలా చేయాల అని శతవిధాలా ఆలోచిస్తుంటాడు రాజ్.

ఏం చేయలేక

ఒకటి అనుకుని కావ్య ఇంటికి రాజ్ బయలుదేరుతుంటాడు. కానీ, యామిని రాజ్‌ను అడ్డుకుంటుంది. ఇంట్లోనే ఉండాలని, తనతోనే వచ్చేయాలని ప్రయత్నిస్తుంది. దానికి యామిని తల్లిదండ్రులు కూడా సపోర్ట్ చేస్తారు. కానీ, ఇవాళ నాకు చాలా ఇంపార్టెంట్ రోజు అని, ఓ విషయంలో పూర్తిగా క్లారిటీ వస్తుందని చెప్పి రాజ్ వెళ్లిపోతాడు. దాంతో యామిని ఏం చేయలేకపోతుంది. రాజ్‌ను ఆపలేకపోతుంది.

కావ్య ఇంటికి వచ్చిన రాజ్ తమ్ముడు కల్యాణ్, అప్పు ఫస్ట్ నైట్ అని తెలిసి ఆశ్చర్యపోతాడు. వాళ్లను ఎంకరేజ్ చేస్తాడు. కానీ, తన లవ్ ప్రపోజ్ చేసే ప్లాన్ మాత్రం క్యాన్సిల్ అయిపోతుంది. దాంతో చేసేదిలేక రేపు ప్రపోజ్ చేద్దామని రాజ్ అనుకుంటాడు. ఇక కల్యాణ్ గదిని శోభనం కోసం ఏర్పాటు చేసేందుకు హెల్ప్ చేయాలని ఫిక్స్ అవుతాడు. అలా కావ్యతో మాట్లాడొచ్చని అనుకుంటాడు.

నగలు కొట్టేయాలని

తర్వాత ఫస్ట్ నైట్ కోసం అప్పును అందంగా రెడీ చేస్తుంటుంది స్వప్న. అప్పుకు పెద్దగా నగలు లేకపోవడంతో స్వప్న నగలు ఇస్తుంది. అప్పును రెడీ చేయించడం చూసిన రాహుల్ ఈరోజు ఎలాగైనా సరే ఆ నగలను కొట్టేయాలి అని ఫిక్స్ అవుతాడు. ఆ నగలు కొట్టేసి తన గర్ల్‌ఫ్రెండ్‌కు ఇచ్చి సొంతం చేసుకోవాలని అనుకుంటాడు రాహుల్. మరోవైపు కల్యాణ్-అప్పు శోభన గదిని డెకరేట్ చేస్తుంటారు రాజ్, కావ్య.

రాజ్ మెల్లిగా మాటలు కదుపుతాడు. వాడికి ఫస్ట్ నైట్ అవబోతుంది.. నాకు మాత్రం ఇంకా బండే స్టార్ట్ కాలేదని అంటాడు రాజ్. ఏంటీ అని కావ్య అడుగుతుంది. ఏం లేదని కవర్ చేసిన రాజ్ మళ్లీ తనతో అయిన పరిచయం గురించి చెబుతాడు. తర్వాత నా మీద మీ ఒపీనియన్ ఏంటీ అని రాజ్ తీక్షణంగా అడుగుతాడు. ఏం లేదు అని తడబడుతూ చెబుతుంది కావ్య.

పోయిన ఎస్సై జాబ్

అబద్ధం.. దూరంగా ఉన్నప్పుడు కోపం చూపించే మీరు.. ఇలా దగ్గరగా ఉన్నప్పుడు తడబడే మీ మాటలకి, మీ మనసుకు ఉన్న బంధం ఏంటీ అని కావ్యను నిలదీస్తాడు రాజ్. మన మధ్య జరుగుతున్న వీటన్నింటికి పేరు పెట్టాలంటే తెలుగు భాషలో ఉన్న పదాలు సరిపోవండి. కానీ, రెండే రెండు అక్షరాలతో చెప్పాలని ఉంది. అదేంటీ చెప్పమంటారా అని బాధగా, ప్రేమగా చూస్తాడు రాజ్.

కావ్య మాత్రం ఏం మాట్లాడకుండా ఏం చేయాలా అని ఆలోచిస్తుంది. మౌనంగా ఉండిపోతుంది. మరోవైపు శోభనం గదిలో కల్యాణ్, అప్పు మాట్లాడుకుంటూ ఉంటారు. ఇంతలో అప్పుకు కాల్ వస్తుంది. 49 సార్లు తప్పించుకున్న క్రిమినల్ చార్లెస్ 50వ సారి కూడా తప్పించుకున్నాడని కానిస్టేబుల్ చెబుతాడు.

దాంతో అప్పు షాక్ అవుతుంది. అప్పుడే సీఐ చెప్పిన మాటలు గుర్తుకు తెచ్చుకున్న అప్పు తన ఎస్సై జాబ్ పోయినట్లే అని అనుకుంటుంది. అక్కడితో బ్రహ్మముడి సీరియల్ లేటెస్ట్ ఎపిసోడ్ ముగుస్తుంది.