తిరుపతి గోవిందరాజస్వామి వార్షిక బ్రహ్మోత్సవాలు జూన్ 02 నుండి జూన్ 10వ తేదీ వరకు జరుగనున్న నేపథ్యంలో పోస్టర్ ను టీటీడీ ఈవో జె. శ్యామల రావు ఆవిష్కరించారు. టీటీడీ పరిపాలనా భవనంలోని ఈవో ఛాంబర్ లో మంగళవారం ఆయన పోస్టర్ ను ఆవిష్కరించారు.

విస్తృత ఏర్పాట్లు

టీటీడీ ఈవో మాట్లాడుతూ, వేసవి నేపథ్యంలో శ్రీగోవిందరాజ స్వామి వారి వార్షిక బ్రహ్మోత్సవాలకు విస్తృత ఏర్పాట్లు చేపట్టాలని అధికారులను ఆదేశించారు. భక్తులకు సౌకర్యవంతంగా ఏర్పాట్లు చేపట్టాలని సూచించారు.

ఆలయంలో చలువ పందిళ్లు, వైట్ పెయింట్, ఆకట్టుకునేలా రంగోలీలు, విద్యుత్ అలంకరణలు, పెయింటింగ్స్, పుష్పలంకరణలు తదితర ఏర్పాట్లు చేపట్టాలన్నారు.

బ్రహ్మోత్సవాల్లో ప్రతిరోజూ ఉదయం 7 నుండి 9 గంటల వరకు, రాత్రి 7 నుండి 9 గంటల వరకు జరుగనున్న వాహనసేవలకు ముందస్తు ఏర్పాట్లు చేపట్టాలని అధికారులను ఆదేశించారు.

జూన్ 01వ తేదీ సాయంత్రం 5.30 గం.ల నుండి 8.00 గం.ల వరకు అంకురార్పణంతో బ్రహ్మోత్సవాలు ప్రారంభం కానున్నాయి. 02వ తేదీ ఉదయం 07.02 నుండి 07.20 గం.ల వరకు మిథున లగ్నంలో ధ్వజారోహణము జరుగనుంది. రాత్రి 07 గం.లకు పెద్ద శేష వాహనంపై స్వామివారు భక్తులను అనుగ్రహించనున్నారు.

వాహన సేవలు

• 03.06. 2025 – ఉదయం చిన్నశేష వాహనం, రాత్రి హంస వాహనం
• 04.06. 2025 – ఉదయం సింహ వాహనం, రాత్రి ముత్యపుపందిరి వాహనం
• 05.06. 2025 – ఉదయం కల్పవృక్ష వాహనం, రాత్రి సర్వభూపాల వాహనం
• 06.06. 2025 – ఉదయం మోహినీ అవతారం, రాత్రి గరుడ వాహనం
• 07.06. 2025 – ఉదయం హనుమంత వాహనం, రాత్రి గజ వాహనం
• 08.06. 2025 – ఉదయం సూర్యప్రభ వాహనం, రాత్రి చంద్రప్రభ వాహనం
• 09.06. 2025 – ఉదయం రథోత్సవం, రాత్రి అశ్వవాహనం
• 10.06. 2025 – ఉదయం చక్రస్నానం, రాత్రి ధ్వజావరోహణం

జూన్ నెల‌లో తిరుమ‌ల‌లో విశేష ప‌ర్వదినాలు

తిరుమ‌ల శ్రీ‌వారి ఆల‌యంలో జూన్ నెల‌లో జ‌ర‌గ‌నున్న విశేష ప‌ర్వ దినాల వివ‌రాలను టీటీడీ ప్రకటించింది.

• ⁠జూన్ 5న మెయిన్ వ‌ర‌ద‌రాజ‌స్వామి వర్ష తిరు న‌క్షత్రం

• ⁠జూన్ 9న శ్రీ‌వారి జ్యేష్ఠాభిషేకం ప్రారంభం, న‌మ్మాళ్వార్ శాత్తుమొర‌

• ⁠జూన్ 11న శ్రీ‌వారి జ్యేష్ఠాభిషేకం స‌మాప్తం

• ⁠జూన్ 21 స్మార్త ఏకాద‌శి

• ⁠జూన్ 22న వైష్ణవ మాధ్వ ఏకాద‌శి

• ⁠జూన్ 26న పెరియాళ్వార్ ఉత్సవారంభం.