కోలీవుడ్ వెర్స‌టైల్ యాక్ట‌ర్ విజ‌య్ సేతుప‌తి, టాలీవుడ్ డైరెక్ట‌ర్ పూరి జ‌గ‌న్నాథ్ కాంబోలో ఓ పాన్ ఇండియ‌న్ మూవీ రాబోతోంది. డిఫ‌రెంట్ క‌మ‌ర్షియ‌ల్ ఎంట‌ర్‌టైన‌ర్‌గా తెర‌కెక్కుతోన్న ఈ మూవీలో ట‌బుతో పాటు క‌న్న‌డ న‌టుడు విజ‌య్ కుమార్ కీల‌క పాత్ర‌ల్లో క‌నిపించ‌బోతున్నారు.

జూన్‌లో షూటింగ్ మొద‌లు…

ఈ సినిమా షూటింగ్‌కు సంబంధించి మేక‌ర్స్ ఓ ఇంట్రెస్టింగ్ అప్‌డేట్‌ను రివీల్ చేశారు. జూన్ నెలాఖ‌రు నుంచి ఈ పాన్ ఇండియ‌న్ మూవీ రెగ్యుల‌ర్ షూటింగ్‌ను మొద‌లుపెట్ట‌బోతున్న‌ట్లు ప్ర‌క‌టించారు. ప్ర‌స్తుతం షూటింగ్ లొకేష‌న్స్ కోసం యూనిట్ హైద‌రాబాద్‌తో పాటు చెన్నైలో రెక్కీ నిర్వ‌హిస్తోన్నారు. ఫ‌స్ట్ షెడ్యూల్‌లో విజ‌య్ సేతుప‌తి, ట‌బుతో పాటు ప్ర‌ధాన తారాగ‌ణం మొత్తం పాల్గొంటార‌ని పేర్కొన్నారు.

బెట్ట‌ర్ టైటిల్‌…

ఈ మూవీకి బెగ్గ‌ర్ అనే టైటిల్‌ను ఫిక్స్ చేసిన‌ట్లు ప్ర‌చారం జ‌రుగుతోంది. ఐదు భాష‌ల్లో ఈ మూవీ రిలీజ్ కాబోతుంది. అన్ని భాష‌ల‌కు యాప్ట్ అయ్యేలా ఈ టైటిల్‌ను నిర్ణ‌యించిన‌ట్లు స‌మాచారం. గ‌త సినిమాల‌కు పూర్తి భిన్నంగా నెవ‌ర్ బిఫోర్ క్యారెక్ట‌ర్‌లో విజ‌య్ సేతుప‌తి క‌నిపిస్తాడ‌ని ప్ర‌చారం జ‌రుగుతోంది. మ‌ల్టీపుల్ వేరియేష‌న్స్‌తో విజ‌య్ సేతుప‌తి పాత్ర సాగుతుంద‌ని అంటున్నారు.

ఐదు భాష‌ల్లో…

ఈ సినిమాకు ద‌ర్శ‌క‌త్వం వ‌హిస్తూనే ఛార్మితో క‌లిసి పూరి క‌నెక్ట్స్ బ్యాన‌ర్‌పై పూరి జ‌గ‌న్నాథ్‌ ఈ సినిమాను నిర్మిస్తున్నారు. తెలుగు, త‌మిళం, క‌న్న‌డ‌, మ‌ల‌యాళంతో పాటు హిందీలో ఈ మూవీ రిలీజ్ కాబోతోంది.

విజ‌య్ సేతుప‌తి మూవీ కంటే ముందు పూరి జ‌గ‌న్నాథ్ ద‌ర్శ‌క‌త్వం వ‌హించిన లైగ‌ర్, డ‌బుల్ ఇస్మార్ట్ సినిమాలు డిజాస్ట‌ర్‌గా నిలిచాయి.పెట్టిన బ‌డ్జెట్‌లో స‌గం కూడా రివ‌క‌రీ సాధించ‌లేక‌పోయాయి. ఈ ఫ్లాప్‌ల ఎఫెక్ట్ గ‌ట్టిగానే పూరిపై ప‌డిన‌ట్లు ప్ర‌చారం జ‌రుగుతోంది.

జ‌న‌గ‌న‌మ‌ణ‌…

లైగ‌ర్ త‌ర్వాత విజ‌య్ దేవ‌ర‌కొండ‌తో జ‌న‌గ‌న‌మ‌ణ సినిమా చేయ‌బోతున్న‌ట్లు పూరి జ‌గ‌న్నాథ్ ప్ర‌క‌టించాడు. అనౌన్స్‌మెంట్‌తోనే ఆ సినిమా ఆగిపోయింది. తెలుగు హీరోలు ఎవ‌రూ పూరి జ‌గ‌న్నాథ్‌తో సినిమా చేయ‌డానికి ముందుకు రాక‌పోవ‌డంతో విజ‌య్ సేతుప‌తితో సినిమా చేస్తోన్న‌ట్లు ప్ర‌చారం జ‌రుగుతోంది.