2024 తెలంగాణ గద్దర్ ఫిల్మ్ అవార్డులపై ప్రభుత్వం ప్రకటన చేసింది. ఈ మేరకు ఏర్పాటైన జ్యూరీ కమిటీ వివరాలను వెల్లడించింది. ఈ సందర్భంగా పలు విభాగాల్లో అవార్డులు దక్కించుకున్న చిత్రాల వివరాలను పేర్కొంది.

• ఉత్తమ మొదటి చిత్రంగా కల్కి.
• ఉత్తమ రెండో చిత్రం పొట్టేల్.
• ఉత్తమ మూడో చిత్రం లక్కీ భాస్కర్.
• ఉత్తమ నటుడుగా అల్లు అర్జున్ (పుష్ప 2).
• ఉత్తమ నటిగా నివేదిత థామస్ (35).
• ఉత్తమ దర్శకుడుగా నాగ్ అశ్విన్.
• ఉత్తమ గాయని శ్రేయ ఘోషల్.
• బెస్ట్‌ స్టోరీ రైటర్‌-శివ పాలడుగు.
• బెస్ట్‌ స్ర్కీన్‌ప్లే -వెంకీ అట్లూరి.
• బెస్ట్‌ కొరియోగ్రాఫర్‌- గణేశ్‌ ఆచార్య.
• బెస్ట్‌ యాక్షన్‌ కొరియోగ్రాఫర్‌- చంద్రశేఖర్‌.
• స్పెషల్‌ జ్యూరీ అవార్డు- దుల్కర్‌ సల్మాన్‌ (లక్కీ భాస్కర్).
• స్పెషల్‌ జ్యూరీ అవార్డు- అనన్య నాగళ్ల (పొట్టేల్‌).

తెలంగాణలో అధికారంలోకి వచ్చిన కాంగ్రెస్ ప్రభుత్వం… ప్రజా గాయకుడు గద్దర్ పేరిట అవార్జులను ఇవ్వాలని నిర్ణయించిన సంగతి తెలిసిందే. ఇందులో భాగంగా కమిటీని కూడా ఏర్పాటు చేసింది. ఈ జ్యూరీ(కమిటీ)కి ఛైర్మన్ గా టాలీవుడ్ సీనియర్ నటి జయసుధను ఎంపిక చేశారు. కమిటీలో సభ్యులుగా 15 మందికి అవకాశం కల్పించారు.

ప్రభుత్వం ప్రకటించిన గద్దర్ అవార్డుల కోసం పలు కేటగిరీల కింద నామినేషన్లు దాఖలయ్యాయి. వీటిని స్క్రీనింగ్ ప్రక్రియను పూర్తి చేసిన తర్వాత…. తాజాగా జ్యూరీ కమిటీ అవార్డుల ప్రకటన వివరాలను వెల్లడించింది. ఉమ్మడి ఆంధ్రప్రదేశ్ లో నంది అవార్డులు ఇచ్చేవారు… ప్రస్తుతం తెలంగాణలో గద్దర్ అవార్జులను ఇస్తున్నారు.