యూనివర్సల్ స్టార్ కమల్ హాసన్ నటించిన లేటెస్ట్ గ్యాంగ్‌స్టర్ ఫ్యామిలీ డ్రామా సినిమా థగ్ లైఫ్. లెజండరీ డైరెక్టర్ మణిరత్నం దర్శకత్వం వహించిన ఈ సినిమాలో తమిళ స్టార్ హీరో శింబు మరో ప్రధాన పాత్ర పోషించాడు. అతనితోపాటు త్రిష హీరోయిన్‌గా చేసింది.

వరల్డ్ వైడ్‌గా రిలీజ్

అలాగే, తెలుగులో చిరుగాలి సినిమాతో అలరించిన అభిరామి థగ్ లైఫ్‌లో మరో హీరోయిన్‌గా చేసింది. అంతేకాకండా కమల్ హాసన్‌తో లిప్ లాక్ సీన్‌తో థగ్ లైఫ్ ట్రైలర్‌లో షాక్ ఇచ్చింది. థగ్ లైఫ్ మూవీ జూన్ 5న వరల్డ్ వైడ్‌గా చాలా గ్రాండ్‌గా థియేటర్లలో విడుదల కానుంది.

థగ్ లైఫ్ ప్రీ రిలీజ్ ఈవెంట్

తెలుగు రాష్ట్రాల్లో థగ్ లైఫ్ సినిమాను శ్రేష్ఠ్ మూవీస్ బ్యానర్‌పై హీరో నితిన్ తండ్రి, నిర్మాత ఎన్ సుధాకర్ రెడ్డి విడుదల చేస్తున్నారు. ఆయన గతంలో అమరన్, విక్రమ్ వంటి బ్లాక్ బస్టర్ హిట్ సినిమాలను రిలీజ్ చేశారు. ఈ మూవీ రిలీజ్ నేపథ్యంలో మే 29న వైజాగ్‌లో థగ్ లైఫ్ ప్రీ రిలీజ్ ఈవెంట్ నిర్వహంచారు. ఈ ఈవెంట్‌లో హీరోయిన్స్ అభిరామి, త్రిష ఇంట్రెస్టింగ్ విశేషాలు చెబుతూ కామెంట్స్ చేశారు.

22 ఏళ్లు అవుతుంది

హీరోయిన్ త్రిష మాట్లాడుతూ.. “అందరికీ నమస్కారం. వర్షం సినిమా రిలీజ్ 22 ఏళ్లు అవుతుంది. ఇప్పటికీ ఇంత అభిమానం చూపిస్తున్న మీకు మనస్ఫూర్తిగా కృతజ్ఞతలు. వైజాగ్ నాకు చాలా ఇష్టం. ఈ సినిమాలో కమల్ హాసన్ గారితో ఫస్ట్ టైం కలిసి వర్క్ చేయడం చాలా ఆనందంగా ఉంది” అని చెప్పింది.

ఆడియెన్స్‌కు గుర్తుండిపోతుంది

“థగ్ లైఫ్ సినిమాలో ఇంద్రాణి అనే క్యారెక్టర్ చేశాను. తప్పకుండా ఆడియన్స్‌కి గుర్తుండిపోయే పాత్ర ఇది. ఇప్పటివరకు ఇలాంటి క్యారెక్టర్ చేయలేదు. తప్పకుండా ఈ సినిమా మీరు చూడాలి. కచ్చితంగా మీకు నచ్చుతుంది” అని తెలిపింది హీరోయిన్ త్రిష కృష్ణన్.

వైజాగ్ నాకు చాలా స్పెషల్

మరో హీరోయిన్ అభిరామి మాట్లాడుతూ.. “అందరికీ నమస్కారం. చెప్పవే చిరుగాలి సినిమా ఇక్కడే షూటింగ్ చేశాం. వైజాగ్ నాకు చాలా స్పెషల్. మంచి సినిమా ఎక్కడి నుంచి వచ్చిన తెలుగు తెలుగు ప్రేక్షకులు దాన్ని ఘన విజయం చేస్తారు. ఈ సినిమా నాకు ఒక డ్రీమ్ ప్రాజెక్ట్” అని అన్నారు.

లెజెండ్స్‌తో వర్క్ చేయడం

“మణిరత్నం గారు, కమల్ హాసన్ గారు, ఏఆర్ రెహమాన్ గారు, శింబు గారు లాంటి లెజెండ్స్‌తో వర్క్ చేయడం ఒక డ్రీమ్. జూన్ 5వ తేదీన అందరూ కూడా ఫస్ట్ డే ఫస్ట్ షో ఈ సినిమా చూడాలని కోరుకుంటున్నాను. మీ అందరి అభిమానానికి కృతజ్ఞతలు” అని అభిరామి పేర్కొన్నారు.