మలయాళం రివేంజ్ థ్రిల్లర్ మూవీ తుడరుమ్ (Thudarum) శుక్రవారమే (మే 30) జియోహాట్‌స్టార్ ఓటీటీలోకి అడుగుపెట్టింది. థియేటర్ల కంటే కూడా ఇప్పుడు డిజిటల్ ప్రీమియర్ అయిన తర్వాతే ఈ సినిమాకు ఎక్కువ పాజిటివ్ రివ్యూలు వస్తున్నాయి. మరి మీకు కూడా ఈ సినిమా నచ్చితే.. ఇలాంటివే ఓటీటీలో చూడాల్సిన మలయాళం రివేంజ్ థ్రిల్లర్ సినిమాలేవో తెలుసుకోండి.

పని – సోనీ లివ్ ఓటీటీ

మలయాళం ఇండస్ట్రీ నుంచి వచ్చిన అసలుసిసలు రివేంజ్ థ్రిల్లర్ మూవీ పని (Pani). ప్రముఖ నటుడు జోజు జార్జ్ డైరెక్ట్ చేసి లీడ్ రోల్లో నటించిన సినిమా ఇది. త్రిసూర్ లోని పేరుగాంచిన ఫ్యామిలీల్లో ఒకటైన కుటుంబాన్ని లక్ష్యంగా చేసుకొని ఇద్దరు కుర్రాళ్లు సృష్టించే విధ్వంసం.. దానికి హీరో తీసుకునే ప్రతీకారం ఆధారంగా ఈ సినిమా తెరకెక్కింది. ప్రస్తుతం సోనీ లివ్ ఓటీటీలో తెలుగులోనూ స్ట్రీమింగ్ అవుతోంది.

ఐడెంటిటీ – జీ5 ఓటీటీ

టొవినో థామస్, త్రిష నటించిన ఈ మూవీ ఏడాది మొదట్లో రిలీజైంది. ఓ హత్య కేసును దర్యాప్తు చేస్తున్న ఓ పోలీస్ ఆఫీసర్, అందులో సాక్షిగా ఉన్న జర్నలిస్ట్ కలిసి ఓ స్కెచ్ ఆర్టిస్ట్ సాయం కోరతారు. కానీ అక్కడే సినిమా మరో మలుపు తిరుగుతుంది. తన చెల్లితోపాటు అలాంటి మరెందరికో అన్యాయం చేసిన వ్యక్తిపై ప్రతీకారం తీర్చుకునే వ్యక్తితో వాళ్లు చేతులు కలుపుతారు. ఈ మూవీలోని ట్విస్టులు థ్రిల్ పంచుతాయి. జీ5 ఓటీటీలో తెలుగులోనూ చూడొచ్చు.

తలవన్ – సోనీ లివ్ ఓటీటీ

తలవన్ కూడా మరో రివేంజ్ థ్రిల్లర్ మూవీయే. ఇది ఇద్దరు పోలీస్ ఆఫీసర్ల చుట్టూ తిరుగుతుంది. అసలు ఒకరంటే ఒకరు క్షణం పడని సీఐ, ఎస్ఐలు తర్వాత ఓ హత్య కేసును కలిసి ఎలా పరిష్కరిస్తారు? అందులోని రివేంజ్ కోణం ఏంటన్నది ఈ మూవీలో చూడొచ్చు. సోనీ లివ్ ఓటీటీలో తెలుగులోనూ అందుబాటులో ఉంది.

అంజామ్ పతీరా – ప్రైమ్ వీడియో

ప్రముఖ నటుడు కుంచకో బొబన్ నటించిన సినిమా ఇది. పోలీసులనే లక్ష్యంగా చేసుకుంటూ తనకు జరిగిన అన్యాయానికి రివేంజ్ తీసుకునే ఓ సీరియల్ కిల్లర్ స్టోరీ ఇది. ఇలాంటి కేసును క్రిమినాలజిస్ట్ అయిన అన్వర్ (కుంచకో) ఎలా ఛేదిస్తాడన్నది ఇందులో చూడొచ్చు. తెలుగులో మిడ్‌నైట్ మర్డర్స్ పేరుతో యూట్యూబ్ లో ఫ్రీగా స్ట్రీమింగ్ అవుతోంది.

ఐ యామ్ కాథలన్ – ప్రైమ్ వీడియో

ప్రేమలు ఫేమ్ నటుడు నస్లేన్, డైరెక్టర్ గిరీష్ ఏడీ కాంబినేషన్ లో వచ్చిన రివేంజ్ థ్రిల్లర్ మూవీ ఐ యామ్ కాథలన్. తన రివేంజ్ కోసం టెక్నాలజీనే వాడుకునే ఓ యువకుడి కథ ఇది. హ్యాకింగ్ ద్వారా అతడు తన ప్రతీకారం ఎలా తీర్చుకుంటాడన్నది ఈ సినిమాలో చూడొచ్చు. ప్రైమ్ వీడియో, మనోరమ మ్యాక్స్ లలో ఉంది.