నిన్ను కోరి సీరియల్ ఈరోజు ఎపిసోడ్‌లో ఇంట్లో చంద్రకళ పూజ చేస్తుంది. రఘురాంని హాల్లోకి క్రాంతి తీసుకొస్తాడు. రఘురాంకు హారతి ఇచ్చి బొట్టు పెడుతుంది చంద్రకళ. మామయ్య గారెకి మందులు వేసే టైమ్ అయిందిగా వేశావా అని క్రాంతిని అడుగుతుంది చంద్రకళ. ఇంతలో క్రాంతికి కాల్ వస్తే వెళ్లమని చెప్పి తాను మందులు వేస్తానని అంటుంది చంద్రకళ.

నయం కావాలని

ఆ మాటలు శాలిని వింటుంది. మీకు ఎలాగైనా నయం కావాలని ఆయుర్వేద మందులు తీసుకొచ్చాను. దీనివల్ల త్వరగా కోలుకోవాలి, కోలుకుంటారని నమ్ముతున్నాను. నా నమ్మకాన్ని నిలబెట్టండి అని ఆ మందులు ఇస్తుంది చంద్రకళ. అదంతా చూసిన శాలిని ఆ మందులను మార్చేసింది గుర్తు చేసుకుంటుంది. ఇప్పుడు నువ్ మావయ్యకు ఇచ్చిన మందులు ఆ గురూజీ ఇచ్చినవి కాదు. నేను పెట్టిన డూప్లికేట్ మందులు అని శాలిని అనుకుంటుంది.

అవి మావయ్య ఆరోగంగా చేయడం కాదు ఇంకా పాడు చేస్తాయి. గురూజీని నువ్వే తీసుకొచ్చావ్ కాబట్టి నీ మీద నింద పడేలా చేద్దామనుకున్నా. కానీ, లక్కీగా నువ్వే మందులు ఇచ్చావ్. అది ఇంకా బాగా వర్కౌట్ అవుతుంది. ఏదో మూల నీ మీద సింపతి చూపిస్తున్న అత్తయ్య విరాట్ అసహ్యించుకుంటారు. ఇటు అత్తింటికి అటు పుట్టింటికి కాకుండా రోడ్డు పాలు అవుతావ్ చంద్ర అని శాలిని అనుకుంటుంది.

క్రాంతి వచ్చి రఘురాంను గదిలోకి తీసుకెళ్తాడు. మరోవైపు ఏ డ్రెస్ ఐరన్ చేసి లేదని విసుక్కుంటాడు విరాట్. ఆ షర్ట్‌ను తాను ఐరన్ చేస్తానని చంద్రకళ అంటుంది. వద్దని వాదిస్తాడు విరాట్. నాకు కోపం తెప్పించొద్దు. ఇది వరకు ఏం చేశానో గుర్తుందా అని అన్ని ఉతికేసింది గుర్తు చేస్తుంది చంద్రకళ. ఇలా టార్చర్ చేస్తావేంటే. ఏదోటి చేయి. నేను వచ్చేలోపు షర్ట్ ఐరన్ చేసి పెట్టు. షర్ట్‌కు ఏమైనా అయిందో నీ జుట్టు కత్తిరించేస్తాను అని వార్నింగ్ ఇచ్చి వెళ్లిపోతాడు విరాట్.

తగిన శాస్తి

ఆ మాటలు శ్రుతి వింటుంది. ఇప్పుడు షర్ట్‌కు ఏదైనా అయితే చంద్రకళను బావ క్షమించడన్నమాట అని అనుకుంటుంది శ్రుతి. విరాట్ షర్ట్‌ను చంద్రకళ ఐరన్ చేస్తుంటుంది. ఇంతలో శ్వేత నుంచి చంద్రకు కాల్ రావడంతో ఐరన్ పక్కన పెట్టి వెళ్లిపోతుంది. అక్కడికి వెళ్లిన శ్రుతి విరాట్ షర్ట్‌పై ఐరన్ అలాగే ఉంచేస్తుంది. నీకు బావ చేతిలో బడితపూజే. నన్ను కింద పడేశావ్ కదా. దానికి తగిన శాస్తి ఇప్పుడు జరుగుతుంది చూడు అని చంద్రకళపై రివేంజ్ తీర్చుకుంటుంది శ్రుతి.

ఆ విషయాన్ని కామాక్షికి చెబుతుంది శ్రుతి. చంద్రకు బావ లెఫ్ట్ అండ్ రైట్ ఇస్తాడు. అది మనం చూసి ఫుల్‌గా ఎంజాయ్ చేయొచ్చు అని గది దగ్గరికి వెళ్తారు తల్లీ కూతుళ్లు కామాక్షి శ్రుతి. కానీ, విరాట్‌కు చంద్రకళ నీట్‌గా ఉన్న షర్ట్ ఇస్తుంది. అది చూసి తల్లీ కూతుళ్లు అవాక్కవుతారు. బావ దగ్గర చంద్ర మార్కులు కొట్టేసింది, అసలు ఏమైంది అనుకుంటూ వెళ్తారు.

షర్ట్ కాలిపోకుండా ఉండటం ఏంటీ అని శ్రుతి అంటుంటే చంద్రకళ ఎంట్రీ ఇస్తుంది. నువ్ ఇలాంటి తింగరి పని చేస్తావని ఊహించే బావ షర్ట్ పెట్టిన ప్లేసులో నీ డ్రెస్ పెట్టాను అని శ్రుతికి చూపిస్తుంది చంద్ర. అది చూసి షాక్ అవుతుంది శ్రుతి. ఎదుటివాళ్లను ఇబ్బంది పెట్టాలని చూస్తే మనకు నచ్చినవి దూరమైపోతాయి. ఇంకోసారి చేస్తే నీ మొహం పగిలిపోద్ది అని వార్నింగ్ ఇస్తుంది చంద్రకళ. అలా శ్రుతి ప్లాన్ బెడిసికొడుతుంది.

మెడిసిన్ వేయలేదు

మరోవైపు గుడికి వెళ్లొచ్చిన జగదీశ్వరి భర్త రఘురాంను చూస్తుంది. రఘురాం నురగలు కక్కడం చూసి జగదీశ్వరి షాక్ అవుతుంది. భయపడుతూ అందరిని పిలుస్తుంది. అంతా వచ్చి షాక్ అవుతారు. అయ్యయ్యో నురగ వస్తుందేంటీ. మెడిసిన్ పడలేదేమో అని శాలిని అంటుంది. నేను ఈరోజు మెడిసిన్ వేయలేదు. టైమ్‌కి వేయనందుకే ఇలా అయిందేమో అని జగదీశ్వరి అంటుంది.

ఇందాకే చంద్రకళ వదిన మెడిసిన్ ఇచ్చిందని క్రాంతి చెబుతుంది. నేను ఆ గురూజీ ఇచ్చిన మందులే ఇచ్చాను. ఆయనను ఇంటికి పిలుద్దాం అని చంద్రకళ అంటుంది. ఏదో ఒకటి చేయండి అని జగదీశ్వరి అంటుంది. దాంతో గురూజీకి కాల్ చేసి జరిగింది చెప్పి రమ్మంటుంది. వెంటనే గురూజీ వస్తాడు. రఘురాంను చెక్ చేస్తాడు. మంచి నీళ్లలో వేరే మెడిసిన్ కలిపి రఘురాంకు తాగిస్తాడు గురూజీ.

ఇక ప్రమాదం ఏం లేదు. కంగారుపడకండి. కానీ, నేను ఇచ్చిన మందులు కాకుండా వేరే మందులు ఎందుకు ఇచ్చారు అని గురూజీ అంటాడు. దాంతో అంతా షాక్ అవుతారు. అయిపోయావ్ చంద్ర అని శాలిని అనుకుంటుంది. లేదు మీరు ఇచ్చినవే ఇచ్చాను అని చంద్రకళ ఆ మందులు తీసుకొస్తుంది. అవి చూసిన గురూజీ ఇది నేను ఇచ్చింది కాదే. బాక్స్ ఇదే కానీ మందులు ఇవి కావు అని గురూజీ అంటాడు.

రఘురాం దక్కేవారు కాదు

ఇవి ఇవ్వడం వల్లే ఈయనకు ఇలా అయింది. సరిగ్గా పనిచేయలేదు కాబట్టి ఏం కాలేదు. నిజం తెలిసింది. లేకుంటే ఇవే మందులు ఇచ్చేవాళ్లు. దాంతో ఆయన ఆరోగ్యం మెల్లిగా పాడైపోయి ఈయన మీకు దక్కేవారు కాదు. మందులు ఇచ్చేటప్పుడు కాస్తా చూసుకుని ఇవ్వండి. ఈ పౌడర్ రోజు నీళ్లలో కలిపి ఇవ్వండి అని మరో మెడిసిన్ ఇచ్చి వెళ్లిపోతాడు గురూజీ.

హేయ్ చంద్ర నువ్వే కదా మందులు ఇచ్చావ్. ఏం కలిపి చచ్చావ్. ఇలా కూడా మావయ్యను బతకనివ్వవా అని శాలిని, కామాక్షి, శ్రుతి ముగ్గురు అంటారు. చంద్ర నిజం చెబుతుంటే చాల్లే ఆపు. నేను ఏ పాపం చేశానని నన్ను ఇలా చంపుకుతింటున్నావ్ అని జగదీశ్వరి అంటుంది. నా ముందే మెడిసిన్ ఇచ్చింది. తనకేం తెలియదని క్రాంతి అంటాడు.

నీకంటే ముందే ఆ మెడిసిన్ మార్చి ఉండొచ్చుగా అని శ్రుతి అంటుంది. నేను చేయలేదు. నాకు ఆ అవసరం ఏముందని చంద్రకళ అంటుంది. అన్నయ్యకు స్పృహ వస్తే నీ బండారం బయటపడుతుందిగా అని కామాక్షి అంటుంది. పర్ఫెక్ట్‌ ఇదేగా నేను ఊహించింది అని శాలిని మనసులో సంతోషిస్తుంది. కావాలనే చంద్ర అన్యయ్ను చంపాలని చూసింది అని కామాక్షి అంటుంది.

కొత్త క్యారెక్టర్

అవును, ఇది నా భర్తను చంపడానికే ప్రయత్నం చేసింది అని జగదీశ్వరి అంటుంది. దగ్గరికి వచ్చిన చంద్రకళను కొడుతుంది జగదీశ్వరి. నువ్వైనా నమ్ము బావ అని చంద్ర అంటే.. ఇప్పుడు నువ్వేం చెప్పిన లాభం లేదు. నీ వల్ల మేమింకా ఎన్ని పడాలి. ఏం చూడాలి అని విరాట్ అంటాడు. కోరి తెచ్చుకున్నారు కదా సార్. మీరు కట్టిన తాళి నా మెడలో తెంచేయాలని చాలా ప్రయత్నిస్తోంది అని కొడుకు విరాట్‌ను నిందిస్తుంది జగదీశ్వరి.

తర్వాత క్రాంతితో తన గోడు వెళ్లబోసుకుంటుంది చంద్ర. అత్తయ్య, బావను నమ్మించాలంటే దేవుడు దిగిరావాలి అని చంద్రకళ అంటుంది. ఇంతలో ఆటోలో కొత్త క్యారెక్టర్ ఎంట్రీ ఇస్తుంది. అక్కడితో నేటి నిన్ను కోరి సీరియల్ ఎపిసోడ్ ముగుస్తుంది.