అబార్షన్ మాత్రలు వేసుకోమని భర్త బలవంతం చేయడంతో గర్భిణి మృతి చెందిన సంఘటన ఆదిలాబాద్ జిల్లాలో చోటుచేసుకుంది. ఈ సంఘటన మే 30న బంగారిగూడ గ్రామంలో చోటుచేసుకుంది. మాత్రలు వేసుకున్న తర్వాత మహిళకు తీవ్ర రక్తస్రావం కావడంతో కుటుంబసభ్యులు ఆస్పత్రికి తరలించారు.

వైద్యుల సూచన మేరకు హైదరాబాద్లోని ప్రభుత్వాసుపత్రికి తరలించగా చికిత్స పొందుతూ మే 31న మృతి చెందింది. అబార్షన్ కోసం భర్త బలవంతంగా గుర్తుతెలియని మాత్రలు ఇచ్చాడని, దీంతో తీవ్ర రక్తస్రావం, ఇతర సమస్యలతో ప్రాణాపాయ స్థితికి చేరుకుందని బాధితురాలి బంధువులు ఆరోపిస్తున్నారు.

బాధితురాలి ఫిర్యాదు మేరకు ఆమె భర్తపై కేసు నమోదు చేశారు. మృతికి గల కారణాలు తెలుసుకునేందుకు పోస్టుమార్టం రిపోర్టు రావాల్సి ఉందని అధికారులు తెలిపారు. తదుపరి విచారణ కొనసాగుతోంది.