తెలుగు రొమాంటిక్ కామెడీ థ్రిల్లర్ మూవీ మార్చిలో థియేటర్లలో రిలీజై మొత్తానికి ఇప్పుడు ఓటీటీలోకి వస్తోంది. ఈ సినిమా పేరు జిగేల్ (jigel). త్రిగుణ్, మేఘా చౌదరి లీడ్ రోల్స్ లో నటించిన ఈ సినిమాను మల్లి యేలూరి డైరెక్ట్ చేశాడు. మరి ఈ సినిమా ఏ ఓటీటీలోకి వస్తోంది? మూవీ విశేషాలేంటో ఇక్కడ చూడండి.

జిగేల్ ఓటీటీ రిలీజ్ డేట్

ఈ ఏడాది మార్చి 7న థియేటర్లలో రిలీజైన మూవీ జిగేల్. ఓ లోబడ్జెట్ మూవీగా రిలీజైనా.. ప్రేక్షకులను కంటెంట్ తో ఆకట్టుకున్న సినిమా ఇది. ఇప్పుడీ మూవీ గురువారం (జూన్ 5) నుంచి సన్ నెక్ట్స్ (Sun nxt) ఓటీటీలో స్ట్రీమింగ్ కానుంది. ఆ విషయాన్ని మంగళవారం (జూన్ 3) ఆ ఓటీటీ తన ఎక్స్ అకౌంట్ ద్వారా వెల్లడించింది.

“స్టైల్, థ్రిల్, రొమాన్స్. ఇదో జిగేల్ రైడ్. కూలెస్ట్ లాకర్ టెక్నీషియన్ అయిన నందు ఈ రొమాంటిక్ కామెడీ థ్రిల్లర్ ద్వారా మీ స్క్రీన్లలోకి రానున్నాడు. జిగేల్ మూవీ గురువారం, జూన్ 5 నుంచి సన్ నెక్ట్స్ లో స్ట్రీమింగ్ కానుంది. ఈ మ్యాడ్‌నెస్ మిస్ కావద్దు” అనే క్యాప్షన్ తో ఆ ఓటీటీ ఈ విషయం వెల్లడించింది. సుమారు 3 నెలల తర్వాత ఓటీటీలోకి వస్తున్న ఈ సినిమా కోసం ప్రేక్షకులు ఆసక్తిగా ఎదురు చూస్తున్నారు.

జిగేల్ మూవీ స్టోరీ ఏంటంటే?

జిగేల్ మూవీ ఓ వెరైటీ ప్లాట్ తో తెరకెక్కింది. చిన్న చిన్న దొంగతనాలు చేసుకునే ఓ ప్రేమ జంట చుట్టూ తిరిగే స్టోరీ ఇది. లాకర్లను తన నైపుణ్యంతో తెరిచే నందు (త్రిగుణ్).. మీనా (మేఘా చౌదరి) ప్రేమలో పడతాడు. అదే అతని జీవితాన్ని మలుపు తిప్పుతుంది. ఆమె కూడా చిన్న చిన్న దొంగతనాలు చేస్తూ ఉంటుంది. ఈ ఇద్దరూ ప్రేమలో పడిన తర్వాత రాజా చంద్ర వర్మ ప్యాలెస్ లో ఓ పాతకాలం నాటి లాకర్ ఒకటి ఉందని మీనా తెలుసుకుంటుంది.

దాని గురించి మరింత సమాచారం రాబట్టడానికి జేపీ (సాయాజీ షిండే) అనే వ్యక్తికి పీఏగా వెళ్తుంది. అతడు కూడా ఆ ఖజానాపై కన్నేస్తాడు. మరి నందు, మీనా ఆ ఖజానాను కొల్లగొడతారా? ఆ తర్వాత ఏం జరిగిందన్నది ఈ జిగేల్ మూవీలో చూడొచ్చు. ఈ జిగేల్ మూవీ గురువారం (జూన్ 5) నుంచి సన్ నెక్ట్స్ లో స్ట్రీమింగ్ కానుంది. మిస్ కాకుండా చూడండి. మంచి థ్రిల్ పొందండి.