ముఖ్యమంత్రి చంద్రబాబు అధ్యక్షతన జరిగిన ఏపీ కేబినెట్ భేటీ ముగిసింది. 9 అంశాలు అజెండాగా మంత్రవర్గ సమావేశం కొనసాగింది. ఈ సమావేశంలో పలు కీలక నిర్ణయాలు తీసుకున్నారు. అమరావతిలో నిర్మించే జీఏడీ టవర్ టెండర్లకు మంత్రివర్గం ఆమోదముద్ర వేసింది. సీఆర్డీఏ సమావేశంలో తీసుకున్న నిర్ణయాలను ఆమోదించారు. “తల్లికి వందనం” కార్యక్రమానికి నిధుల విడుదలపై మంత్రులు చర్చించారు.

ఏపీ కేబినెట్ భేటీ – ముఖ్య నిర్ణయాలు:

• హెచ్‍వోడీ 4 టవర్ల టెండర్లకు ఏపీ కేబినెట్ గ్రీన్ సిగ్నల్.సీఆర్డీఏ సమావేశంలో తీసుకున్న నిర్ణయాలకు క్యాబినెట్‌ ఆమోదం
• అమరావతి రెండో దశలో భూమి సేకరణ అంశంపై మంత్రులు చర్చించారు. 2,500 ఎకరాల్లో అంతర్జాతీయ స్పోర్ట్స్ కాంప్లెక్స్ ఏర్పాటుకు గ్రీన్ సిగ్నల్.
• శ్రీకాకుళంలో మంచినీటి సరఫరాకు రూ.5.75 కోట్లు కేటాయింపులు.
• కుప్పంలో వయోబిలిటీ గ్యాప్ ఫండ్ కోసం రూ.8.22 కోట్ల. విడుదలకు ఏపీ కేబినెట్ ఆమోదం.
• 17 మంది ఖైదీలను విడుదల చేసే ప్రతిపాదనపైనా నిర్ణయం.
• 248 కానిస్టేబుళ్లను హెడ్ కానిస్టేబుళ్లుగా పదోన్నతి కల్పనకు ఆమోదం
• వైఎస్ఆర్ కడప జిల్లాగా పేరు మారుస్తూ ఇచ్చిన జీవోకు కేబినెట్ ఆమోదం.
• పలు సంస్థలకు భూ కేటాయింపులు, రాయితీల కల్పనపై మంత్రివర్గం నిర్ణయం.
• పోలీసు అకాడమీకి అదనంగా 94.45 ఎకరాలు ఇచ్చేందుకు ఆమోదం.
• పరిశ్రమలకు సంబంధించిన 2025 చట్టంలో సవరణలకు ఆమోదముద్ర.
• అమరావతి నిర్మాణంను వేగవంతం చేయడానికి ముఖ్యమైన ప్రణాళికలపై సుదీర్ఘ చర్చ
• జూన్ 21న అంతర్జాతీయ యోగా దినోత్సవాన్ని ఘనంగా నిర్వహించేందుకు చర్యలు.