తెలుగులోని ఎంతోమంది యంగ్ హీరోల్లో శివ కందుకూరి ఒకరు. చూసి చూడంగానే, మను చరిత్ర, భూతద్దం భాస్కర్ నారాయణ వంటి డిఫరెంట్ సినిమాలతో అలరించిన శివ కందుకూరి ఓటీటీ ఎంట్రీ ఇవ్వనున్నాడు. శివ కందుకూరి ఓటీటీ ఎంట్రీ ఇస్తూన్న తెలుగు రొమాంటిక్ కామెడీ థ్రిల్లర్ వెబ్ సిరీస్ దేవిక అండ్ డానీ.

ఓటీటీ వెబ్ సిరీస్‌లో

ఈ ఓటీటీ వెబ్ సిరీస్‌లో శివ కందుకూరితోపాటు సూర్య వశిష్ట మరో హీరోగా చేస్తున్నాడు. హీరోయిన్‌గా టాలీవుడ్ బ్యూటి రీతు వర్మ చేసింది. బి. కిశోర్ దర్శకత్వం వహించిన దేవిక అండ్ డానీ సిరీస్‌ను సుధాకర్ చాగంటి నిర్మాతగా వ్యవహరించి నిర్మించారు.

దేవిక అండ్ డానీ ఓటీటీ రిలీజ్

జూన్ 6 నుంచి జియో హాట్‌స్టార్‌లో దేవిక అండ్ డానీ ఓటీటీ స్ట్రీమింగ్ కానుంది. దేవిక అండ్ డానీ ఓటీటీ రిలీజ్ నేపథ్యంలో రీసెంట్‌గా రెండు ఎపిసోడ్స్‌ను మీడియా సమక్షంలో ప్రదర్శించారు. అనంతరం ఏర్పాటు చేసిన ప్రెస్ మీట్‌లో హీరో శివ కందుకూరి ఇంట్రెస్టింగ్ విశేషాలు చెప్పాడు.

ఎంత వల్గర్ ఉందనే

శివ కందుకూరి మాట్లాడుతూ.. “వెబ్ సిరీస్ అంటే సాధారణంగా ఎంత వ‌ల్గ‌ర్ ఉందనే దాని గురించి మ‌నం మాట్లాడుతున్నాం. ఇలాంటి ప‌రిస్థితుల్లో ‘దేవిక అండ్ డానీ’ వంటి క్లీన్ స్క్రిప్ట్‌ను యాక్సెప్ట్ చేయ‌టం గొప్ప విష‌యం. మంచి వాల్యూస్ ఉన్న స్క్రిప్ట్‌ను ఒప్పుకున్నందుకు జియో హాట్‌స్టార్ వారికి ధ‌న్య‌వాదాలు” అని అన్నాడు.

సుబ్బు అనే పాత్రను

“మంచి కంటెంట్‌ను అందించ‌టానికి వారు (జియో హాట్‌స్టార్) ముందుకొచ్చారు. మా నిర్మాత సుధాక‌ర్‌ గారికి థాంక్స్‌. సినిమాకు ఏమాత్రం త‌గ్గకుండా గొప్ప టెక్నిక‌ల్ వాల్యూస్‌తో ఈ సిరీస్‌ను రూపొందించారు. ఇందులో నేను సుబ్బు అనే పాత్ర‌ను పోషించాను” అని శివ కందుకూరి తెలిపాడు.

అమ్మాయి జీవితంలో

“దేవిక అనే అమ్మాయి జీవితంలో వ‌చ్చే ప్ర‌తీ పాత్ర ఎలా ట్రావెల్ చేసిందో ఇందులో మ‌నం చూడొచ్చు. సుబ్బు అనే ఫ‌న్నీ పాత్ర‌ను చేయ‌టాన్ని చాలా ఎంజాయ్ చేశాను. నాపై న‌మ్మ‌కంతో నాకు ఇంత మంచి పాత్ర ఇచ్చిన మా డైరెక్ట‌ర్ కిశోర్‌ గారికి థాంక్స్‌. మా అంద‌రినీ ఇంత బాగా చూపించిన మా సినిమాటోగ్రాఫ‌ర్ వెంక‌ట్ దిలీప్‌ గారికి థాంక్స్‌” అని కథానాయకుడు శివ కందుకూరి చెప్పుకొచ్చాడు.

చాలా మంచి పాత్రల్లో

“దేవిక పాత్ర‌ను రీతు వ‌ర్మ గొప్ప‌గా చేసింది. ఆమె ఇంత‌కు ముందు చాలా మంచి పాత్ర‌ల్లో మ‌న‌కు క‌నిపించింది. ఇప్పుడిది మ‌రో మంచి పాత్ర అవుతుంది. సూర్య‌ వ‌శిష్ట్ చేసిన డానీ, త‌న పాత్ర‌లోని వేరియేష‌న్స్‌ను చ‌క్క‌గా చేశాడు. జూన్ 6 నుంచి దేవిక అండ్ డానీ జియో హాట్ స్టార్‌లో స్ట్రీమింగ్ అవుతుంది. అంద‌రికీ ఈ సిరీస్ న‌చ్చుతుంద‌నే న‌మ్మ‌కం ఉంది” అని హీరో శివ కందుకూరి తన స్పీచ్ ముగించాడు.