సమంత రూత్ ప్రభు, నాగచైతన్య పెళ్లి.. ఆ తర్వాత విడాకులు.. ఈ సంగతి అందరికీ తెలిసిందే. ప్రేమించి పెళ్లి చేసుకున్న ఈ జంట.. ఆ తర్వాత అనుకోని పరిస్థితుల కారణంగా విడిపోయారు. ఇప్పుడు ఎవరి లైఫ్ ను వాళ్లు లీడ్ చేస్తున్నారు. అయితే తాజాగా సమంత సోషల్ మీడియాలో పోస్టు చేసిన ఓ వీడియో కారణంగా మరోసారి సమంత, నాగచైైతన్య టాపిక్ చర్చనీయాంశంగా మారింది. ఈ వీడియోలో సమంత శరీరంపై నుంచి ఏ మాయ చేసావేనే సూచించే ‘వైఎంసీ’ టాటూ మిస్ అయినట్లు కనిపించింది.

నథింగ్ టు హైడ్

సమంత రూత్ ప్రభు తన కొత్త ప్రయత్నం నథింగ్ టు హైడ్ ప్రకటనతో శుక్రవారం ఇంటర్నెట్ ను షేక్ చేసింది. ఈ విషయాన్ని ఆమె తన సోషల్ మీడియాలో సంక్షిప్త టీజర్ వీడియోతో ప్రకటించింది. ఈ వీడియోలో సమంత స్వయంగా నటించింది. ఈ వీడియోలో సమంత కెమెరా దగ్గరికి వెళ్లి మార్కర్ తో ‘నథింగ్ టు హైడ్’ అని రాస్తోంది. ఆ తర్వాత ఆమె వెనుదిరిగి వెళ్లిపోతుంది. వెనక్కి వెళ్లిపోతున్న సమయంలోనే సమంత శరీరంపై టాటూ మిస్ అయిన సంగతి ఫ్యాన్స్ కంటపడింది.

ఆ పెళ్లి చేసుకున్నప్పుడు

సమంత పోస్టు చేసిన వీడియోలో ఆమె శరీరం వెనుక భాగంలో మెడ కింద ‘వైఎంసీ’ అనే టాటూ లేదు. తన వీపుపై కొన్నేళ్ల క్రితం నాగచైతన్యను పెళ్లి చేసుకున్నప్పుడు వేయించుకున్న టాటూ ఇప్పుడు మిస్ అయింది. ‘ఏ మాయ చేసావే‘ సినిమాను సూచిస్తూ సమంత వేసుకున్న వైఎంసీ టాటూ కనిపించడం లేదని కొందరు అభిమానులు పేర్కొన్నారు. ‘సమంత తన వైఎంసీ టాటూను తొలగించింది’ అని ఓ అభిమాని కామెంట్ చేశాడు. “నాకు పచ్చబొట్టు కనిపించడం లేదు” అని మరొకరు పేర్కొన్నారు.

ఆ సినిమాతోనే

సమంతకు ఏ మాయ చేసావే పచ్చబొట్టు ఎంతో స్పెషల్. 2010లో సమంత నటిగా అరంగేట్రం చేసిన చిత్రం ఏ మాయ చేసావే. హీరో నాగచైతన్యకు ఆమెను పరిచయం చేసింది కూడా ఆ సినిమానే. కొన్నాళ్లకు డేటింగ్ మొదలుపెట్టిన వీరిద్దరూ 2017లో పెళ్లి చేసుకున్నారు. వీరిద్దరి మధ్య ‘మన్మథుడు’గా ఈ సినిమాను పలువురు అభిమానులు అభివర్ణిస్తున్నారు. అయితే నాగచైతన్య, సమంత 2020లో విడిపోగా, 2021లో విడాకులు ఖరారయ్యాయి. ఆ కారణంగానే సమంత ఇప్పుడు వైఎంసీ టాటూను తొలగించిందని అభిమానులు అంటున్నారు.

కవర్ చేసిందేమో

మరికొందరు నెటిజన్లు మాత్రం ఇది కేవలం బ్రాండ్ క్యాంపెయిన్ కాబట్టి ఈ యాడ్ కోసం సమంత టాటూను కవర్ చేసిందని అంటున్నారు. నాగచైతన్య లింక్ తో తన మరో టాటూను తొలగించే పనిలో సమంత ఇప్పటికే నిమగ్నమైనట్లు అభిమానులు గుర్తించారు. ఎట్టకేలకు సమంత తన టాటూను తొలగించుకున్నట్లు తెలుస్తోంది. ఇది చైతో సరిపోయే టాటూ.. దీని అర్థం ‘మీ స్వంత వాస్తవికతను సృష్టించండి’ అని ఉంటుంది. మణికట్టుపై సమంత, చైతన్య ఒకేలా పచ్చబొట్టు వేయించుకున్న సంగతి తెలిసిందే.