పెళ్లి చూపులు సినిమాతో హీరోయిన్‌గా మంచి క్రేజ్ తెచ్చుకున్న తెలుగు బ్యూటి రీతు వర్మ ఓటీటీలోకి ఇటీవల ఎంట్రీ ఇచ్చింది. రీతు వర్మ ఓటీటీ ఎంట్రీ ఇచ్చిన తెలుగు కామెడీ హారర్ థ్రిల్లర్ వెబ్ సిరీస్ దేవిక అండ్ డానీ. ఈ వెబ్ సిరీస్‌లో రీతు వర్మతోపాటు సూర్య వశిష్ట, హీరో శివ కందుకూరి, సుబ్బరాజు ప్రధాన పాత్రలు పోషించారు.

ఏడు భాషల్లో

జూన్ 6న జియో హాట్‌స్టార్‌లో దేవిక అండ్ డానీ ఓటీటీ రిలీజ్ అయింది. అది కూడా తెలుగు, తమిళం, మలయాళం, మరాఠి, బెంగాలీ, కన్నడ, హిందీ వంటి ఏడు భాషల్లో దేవిక అండ్ డానీ ఓటీటీ స్ట్రీమింగ్‌కు వచ్చింది. ఓటీటీ రిలీజ్ అయిన మరుసటి రోజు నుంచే జియో హాట్‌స్టార్‌ ఓటీటీలో ట్రెండ్ అవుతోంది ఈ సిరీస్.

డిజిటల్ స్ట్రీమింగ్‌కు వచ్చిన రెండో రోజు (జూన్ 7) నుంచి ఇవాళ్టీ (జూన్ 8) వరకు జియో హాట్‌స్టార్‌లో ఏడు భాషల్లో దేవిక అండ్ డానీ ఓటీటీ ట్రెండింగ్ అవుతోంది. అంటే, ఇవాళ ఆదివారం హాట్‌స్టార్‌లో వివిధ ఓటీటీ ట్రెండింగ్ స్థానాల్లో దేవిక అండ్ డానీ ట్రెండ్ అవుతు దూసుకుపోతోంది.

ఒక్కో భాషలో టాప్

జియో హాట్‌స్టార్‌లోని తెలుగు కంటెంట్‌లో టాప్ 1 ప్లేసులో దేవిక అండ్ డానీ ఓటీటీ ట్రెండింగ్ అవుతోంది. అలాగే, హిందీలో పదో స్థానంలో, మలయాళంలో 3వ ప్లేసులో, తమిళంలో ఐదో స్తానంలో, కన్నడ భాషలో నాలుగో ప్లేసులో ఇవాళ దేవిక అండ్ డానీ ఓటీటీ ట్రెండింగ్ అవుతోంది.

వీటితోపాటు బెంగాలీ, మరాఠి భాషల్లో కూడా తెలుగు హారర్ థ్రిల్లర్ దేవిక అండ్ డానీ ఓటీటీ ట్రెండ్ అవడం విశేషంగా మారింది. డిస్నీ ప్లస్ హాట్‌స్టార్ (జియో హాట్‌స్టార్) ఓటీటీ మరాఠి కంటెంట్‌లో దేవిక అండ్ డానీ 8వ స్థానంలో ట్రెండ్ అవుతోంది. ఇక బెంగాలీలో ఆరో ప్లేసులో ఈ తెలుగు సిరీస్ దూసుకుపోతోంది.

8.4 రేటింగ్

ఇలా ఓటీటీ రిలీజ్ అయిన ఏడు భాషల్లో రెండో రోజు నుంచే దేవిక అండ్ డానీ సిరీస్ ట్రెండింగ్ అవడం విశేషంగా మారింది. అంతేకాకుండా ఈ వెబ్ సిరీస్‌కు ఐఎమ్‌డీబీలో పదికి ఏకంగా 8.4 రేటింగ్ (ప్రస్తుతం) ఉంది. ఇన్ని విశేషాలు ఉన్న దేవిక అండ్ డానీ సిరీస్‌ను జియో హాట్‌స్టార్‌లో ఎంచక్కా చూసేయండి మరి.

ఇదిలా ఉంటే, బి. కిశోర్ దర్శకత్వం వహించిన దేవిక అండ్ డానీలో ముఖ్యపాత్రలో పాటు కోవై సరళ, సోనియా సింగ్, గోకరాజు రమణ, శివన్నారాయణ, వివా హర్ష, షణ్ముఖ్, అభినయ శ్రీ, మౌనికా రెడ్డి, ఈశ్వర్య వుల్లింగల ఇతర కీలక పాత్రలు పోషించారు.