భారీ అంచనాల మధ్య పాన్ ఇండియా స్థాయిలో రిలీజైన మూవీ థగ్ లైఫ్. జూన్ 5న థియేటర్లలోకి వచ్చిన ఈ సినిమాకు పూర్తిగా నెగటివ్ రివ్యూలు రావడంతో ఆ ప్రభావం బాక్సాఫీస్ వసూళ్లపై స్పష్టంగా కనిపించింది. తొలి రోజు కంటే రెండో 70 శాతం పడిపోయిన కలెక్షన్లు.. మూడో రోజు కూడా అంతంతమాత్రంగానే ఉన్నాయి.

థగ్ లైఫ్ బాక్సాఫీస్ కలెక్షన్లు

కమల్ హాసన్, మణిరత్నం కాంబినేషన్ లో 38 ఏళ్ల తర్వాత వచ్చిన సినిమా థగ్ లైఫ్. అలాంటి మూవీ అసలు ఏమాత్రం అంచనాలను అందుకోలేకపోయింది. ఈ సినిమాకు తొలి మూడు రోజుల్లో ప్రపంచవ్యాప్తంగా రూ.52 కోట్లు మాత్రమే వచ్చాయి. కేవలం ఇండియా నెట్ కలెక్షన్లు చూసుకుంటే.. మూడు రోజుల్లో రూ.28.49 కోట్లుగా ఉంది. ఇవి చాలా చాలా తక్కువే అని చెప్పాలి.

గత గురువారం (జూన్ 5) మూవీ రిలీజ్ కాగా.. తొలి రోజు ఇండియాలో నెట్ కలెక్షన్లు రూ.15.5 కోట్లుగా ఉన్నాయి. మరుసటి రోజు ఇవి రూ.7.15 కోట్లకు పడిపోగా.. మూడో రోజు మరింత దిగజారి రూ.5.84 కోట్లకు పరిమితమయ్యాయి. మొత్తంగా మూడు రోజుల్లో కలిపి రూ.28.49 కోట్ల నెట్ కలెక్షన్లు మాత్రమే వచ్చాయి. తమిళ వెర్షన్ లో ఆక్యుపెన్సీ కేవలం 35.62 శాతంగా ఉంది.

థగ్ లైఫ్ ఎలా ఉందంటే?

థగ్ లైఫ్ ఒక గ్యాంగ్‌స్టర్ ఫ్యామిలీ యాక్షన్ డ్రామా. 38 ఏళ్ల తర్వాత కమల్-మణిరత్నం కాంబినేషన్‌లో సినిమా అంటే చాలా హైప్స్ ఉన్నాయి. కానీ, ఆ అంచనాలను అంతగా అందుకోలేకపోయింది థగ్ లైఫ్ మూవీ. ఈ ఇద్దరి కాంబినేషన్‌లో నాయగన్ వంటి కల్ట్ క్లాసిక్ చూసిన అభిమానులు థగ్ లైఫ్‌తో కాస్తా నిరాశ చెందారనే చెప్పొచ్చు.

ఇక థగ్ లైఫ్ సినిమా కథ ఏంటో ప్రచార చిత్రాల్లోనే పూర్తిగా చూపించేశారు. కాపాడిన పిల్లాడిని కొడుకులా చూసుకున్న తండ్రికి అతని నుంచి ద్రోహం ఎదురైతే ఎలా ఉంటుంది, అందుకు గల కారణాలు ఏంటీ అనే ఎలిమెంట్స్‌తో ఈ సినిమా సాగింది. కమల్-శింబు మధ్య వచ్చే ఫైట్ సీన్స్ ఆకట్టుకుంటాయి. అయితే, ఏఆర్ రెహమాన్ మ్యూజికి అంతగా వర్కౌట్ కాలేదు. ఎమోషన్స్ కూడా అంతగా పండలేదు.