ఓటీటీల్లో కొత్త మలయాళ చిత్రాల కోసం ఎదురుచూస్తున్నారా.. ఈవారం రెండు సినిమాలు అడుగుపెట్టనున్నాయి. చాలా మంది ఎదురుచూస్తున్న అలప్పుజ జింఖానా చిత్రం ఇదే వారం స్ట్రీమింగ్‍కు రానుంది. థియేట్రికల్ రన్‍లో ఈ సినిమా సూపర్ హిట్ అయింది. మరో సూపర్ నేచురల్ ఫ్యాంటసీ కామెడీ చిత్రం కూడా స్ట్రీమింగ్‍కు వచ్చేస్తోంది. ఈ జూన్ రెండో వారం ఓటీటీల్లోకి రానున్న ఆ రెండు మలయాళ సినిమాల గురించి ఇక్కడ చూడండి.

అలప్పుజ జింఖానా

మలయాళ స్పోర్ట్స్ డ్రామా మూవీ అలప్పుజ జింఖానా చిత్రం జూన్ 13వ తేదీన సోనీలివ్ ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఈ మూవీలో ప్రేమలు ఫేమ్ నెస్లన్ గఫూర్ హీరోగా నటించారు. జూన్ 13న మలయాళంతో పాటు తెలుగు, తమిళం, కన్నడ, హిందీ భాషల్లోనూ ఈ మూవీ సోనీ లివ్‍లో అడుగుపెట్టనుంది. ఒక రోజు ముందుగా కూడా వచ్చే అవకాశాలు ఉన్నాయి.

అలప్పుజ జింఖాన చిత్రం థియేటర్లలో సూపర్ హిట్ అయింది. బాక్సింగ్ పోటీకి సన్నద్ధమ్యే స్టూడెంట్స్ గ్యాంగ్‍ చుట్టూ ఈ మూవీ స్టోరీ ఉంటుంది. ఈ సినిమాకు ఖాలీద్ రహమాన్ దర్శకత్వం వహించారు. ఏప్రిల్ 10న మలయాళంలో ఈ మూవీ థియేటర్లలో విడుదలైంది. మంచి టాక్‍తో పాటు కలెక్షన్లలోనూ అదరగొట్టింది. ఆ తర్వాత తెలుగు వెర్షన్ ముందుకు వచ్చింది. సుమారు రూ.12కోట్లతో రూపొందిన ఈ చిత్రం సుమారు రూ.65కోట్ల కలెక్షన్లతో బ్లాక్‍బస్టర్ కొట్టింది.

అలప్పుజ జింఖానా మూవీలో నెస్లన్‍తో పాటు లక్మన్ అవరన్, గణపతి, సందీప్ ప్రదీప్, ఫ్రాన్కో ఫ్రాన్సిస్ ప్రధాన పాత్రలు చేశారు. ఈ సినిమాకు విష్ణు విజయ్ సంగీతం అందించారు. ఈ మూవీని జూన్ 13 నుంచి సోనీ లివ్‍లో చూసేయండి.

పడక్కలమ్

మలయాళ సూపర్ నేచురల్ ఫ్యాంటసీ కామెడీ మూవీ ‘పడక్కలమ్’ ఈ వారం జూన్ 10వ తేదీన జియోహాట్‍స్టార్ ఓటీటీలో స్ట్రీమింగ్‍కు రానుంది. ఈ చిత్రం మలయాళంతో పాటు తెలుగులోనూ అందుబాటులోకి రానుంది. సందీప్ ప్రదీప్, సూరజ్ వెంజరమూడు, షరాఫుద్దీన్ ప్రధాన పాత్రలు పోషించిన ఈ చిత్రం మే 8వ తేదీన థియేటర్లలో విడుదలైంది. ఈ చిత్రానికి మిక్స్డ్ టాక్ వచ్చింది.

పడక్కలమ్ మూవీకి మనూ స్వరాజ్ దర్శకత్వం వహించారు. పరకాయ ప్రవేశం అంశం చుట్టూ ఓ ఇంజినీరింగ్ కాలేజీ బ్యాక్‍డ్రాప్‍లో కామెడీ ప్రధానంగా ఈ చిత్రం సాగుతుంది. విజయ్ బాబు, విజయ్ సుబ్రమణ్యం ప్రొడ్యూజ్ చేసిన ఈ చిత్రానికి రాజేశ్ మురుగేశన్ మ్యూజిక్ ఇచ్చారు. ఈ చిత్రం జూన్ 10న జియోహాట్‍స్టార్‌లో ఎంట్రీ ఇవ్వనుంది.