ఎస్​ఎస్సీ సీజీఎల్​ 2025 పరీక్షకు సంబంధించిన రిజిస్ట్రేషన్​ ప్రక్రియను ప్రారంభించింది స్టాఫ్​ సెలక్షన్​ కమిషన్​ ఎస్​ఎస్సీ. అభ్యర్థులు ఎస్​ఎస్సీ అధికారిక వెబ్​సైట్​ ssc.gov.in లో ఈ కంబైన్డ్​ గ్రాడ్యుయేట్​ లెవల్​ ఎగ్జామ్​కి దరఖాస్తు చేసుకోవచ్చు.

ఎస్​ఎస్సీ సీజీఎల్​ 2025- ముఖ్యమైన తేదీలు..

ఎస్​ఎస్సీ సీజీఎల్​ 2025 రిజిస్ట్రేషన్​ ప్రక్రియ జూన్​ 9న ప్రారంభం అయ్యింది. అప్లికేషన్​కి చివరి తేదీ జులై 4 అని గుర్తుపెట్టుకోవాలి. ఆన్​లైన్​లో ఫీజు చెల్లింపునకు చివరి తేదీ జులై 5.

అప్లికేషన్​ కరెక్షన్​ విండో జులై 9న మొదలై, 11తో ముగుస్తుంది. టైర్​ 1 పరీక్ష ఆగస్ట్​ 13 నుంచి ఆగస్ట్​ 30 వరకు జరుగుతుంది.

ఈ దఫా ఎస్​ఎస్సీ సీజీఎల్​ రిక్రూట్​మెంట్​ డ్రైవ్​లో భాగంగా.. వివిధ మంత్రిత్వ శాఖలు, విభాగాలు, ప్రభుత్వ వ్యవస్థలు, ట్రిబ్యునల్స్​లోని గ్రూప్​ బీ, గ్రూప్​ సీకి సంబంధించిన 14582 ఖాళీలను భర్తీ చేయనున్నారు.

ఎస్​ఎస్సీ సీజీఎల్​ 2025 అర్హతకు సంబంధించి వివరాలు తెలుసుకునేందుకు కింద ఇచ్చిన నోటిఫికేషన్​ని చదవాల్సి ఉంటుంది.

ఎస్​ఎస్సీ సీజీఎల్​ సెలక్షన్​ ప్రాసెస్​..

ఎస్​ఎస్సీ సీజీఎల్​ 2025 కోసం రెండు టైర్స్​లో కంప్యూటర్​ ఆధారిత పరీక్ష నిర్వహిస్తారు. అవి టైర్​ 1, టైర్​ 2. టైర్​ 1లో అబ్జెక్టివ్​ టైప్​, మల్టిపుల్​ ఛాయిస్​ ప్రశ్నలు ఉంటాయి. ఇంగ్లీష్​ కాంప్రహెన్షన్​ని మినహాయించి, మిగిలిన ప్రశ్నలన్నీ ఇంగ్లీష్​ , హిందీ భాషల్లో ఉంటాయి. పరీక్షలో నెగిటివ్​ మార్కింగ్​ కూడా ఉంటుంది. ఒక తప్పు సమాధానానికి 0.50 మార్కులు కట్​ అవుతాయి.

అప్లికేషన్​ ఫీజు..

మహిళలు, ఎస్సీ- ఎస్టీ అభ్యర్థులు, పీడబ్ల్యూబీడీ, ఎక్స్​-సర్వీస్​మెంట్​లకు ఉచితం.

ఇతరులకు రూ. 100.

భీమ్​ యూపీఐ, నెట్​ బ్యాంకింగ్​, వీసా, మాస్టర్​ కార్డు, మాస్ట్రో, రూపే డెబిట్​ కార్డులతో ఆన్​లైన్​లో పే చేయాల్సి ఉంటుంది.

మరిన్ని వివరాల కోసం ఎస్​ఎస్సీ అధికారిక వెబ్​సైట్​ని చూడాల్సి ఉంటుంది.

ఎస్​ఎస్సీ సీజీఎల్​ 2025కి సంబంధించిన నోటిఫికేషన్​ని చూసేందుకు ఇక్కడ క్లిక్​ చేయండి.

ఎస్​ఎస్సీ స్టెనోగ్రాఫర్​ పోస్టులకు అప్లై చేశారా?

ప్రభుత్వ ఉద్యోగం కోసం చూస్తున్న వారికి అలర్ట్​! స్టాఫ్ సెలక్షన్ కమిషన్ ఎస్ఎస్సీ స్టెనోగ్రాఫర్ గ్రేడ్ సీ అండ్ డీ ఎగ్జామ్ 2025 నోటిఫికేషన్​ని విడుదల చేసింది. స్టెనోగ్రాఫర్ గ్రేడ్ ‘సి’ & ‘డి’ ఎగ్జామినేషన్, 2025 కోసం దరఖాస్తు చేసుకోవాలనుకునే అభ్యర్థులు ssc.gov.in ఎస్ఎస్సీ అధికారిక వెబ్సైట్ ద్వారా డైరెక్ట్ లింక్​ని పొందవచ్చు.

ఎస్​ఎస్సీ స్టెనోగ్రాఫర్ గ్రేడ్ సీ అండ్ డీ ఎగ్జామ్ 2025కి​ దరఖాస్తుకు చివరి తేదీ 2025 జూన్ 26 అని గుర్తుపెట్టుకోవాలి. ఆన్​లైన్​ ఫీజు చెల్లించడానికి చివరి తేదీ 27 జూన్ 2025. ఈ రిక్రూట్​మెంట్ డ్రైవ్ ద్వారా సంస్థలో 261 పోస్టులను భర్తీ చేయనున్నారు. దరఖాస్తు ఫారంలో సవరణలు చేయడానికి జులై 1 నుంచి జులై 2, 2025 వరకు అవకాశం ఉంది.

పూర్తి వివరాల కోసం ఇక్కడ క్లిక్​ చేయండి.