డిఫరెంట్ స్టోరీ లైన్ తో వచ్చిన తమిళ సూపర్ నేచురల్ హారర్ థ్రిల్లర్ మూవీ ‘డెవిల్స్ డబుల్ నెక్ట్స్ లెవల్’ మూవీ ఓటీటీలోకి రాబోతోంది. డీడీ నెక్ట్స్ లెవల్ పాపులర్ అయిన ఈ సినిమా డిజిటల్ ఆడియన్స్ ను అలరించేందుకు వచ్చేస్తోంది. ‘దిల్లుకు దుడ్డు’ ఫ్రాంచైజీలో నాలుగో భాగంగా ఈ మూవీ తెరకెక్కింది. థియేటర్లలో ఎంటర్ టైన్ చేసిన ఈ కామెడీ హారర్ థ్రిల్లర్.. ఇప్పుడు ఓటీటీ బాట పట్టింది.

ఆ ఓటీటీలోకి

‘డెవిల్స్ డబుల్ నెక్ట్స్ లెవల్’ మూవీ మే 16న థియేటర్లలో రిలీజైంది. ఇప్పుడు నెల రోజుల్లోపై ఓటీటీలోకి అడుగుపెట్టబోతోంది. జీ5 ఓటీటీలో జూన్ 13న డిజిటల్ స్ట్రీమింగ్ కు రాబోతుంది ఈ సినిమా. తెలుగు, తమిళ, మలయాళ, కన్నడ భాషల్లో ఆడియన్స్ ను ఎంటర్ టైన్ చేసేందుకు రెడీ అయింది. ఈ మూవీలో కమెడియన్ సంతానం లీడ్ రోల్ ప్లే చేశాడు. క్రియేటివ్ రైటర్, డైరెక్టర్ ఎస్.ప్రేమ్ ఆనంద్ ఈ చిత్రాన్ని తెరకెక్కించారు.

కథ ఏమిటంటే?

త‌న వాక్ చాతుర్యంతో సినిమాల‌కు రివ్యూలు చెప్పే కిస్సా (సంతానం) అంటే విచిత్రంగా ప్ర‌వ‌ర్తించే ద‌ర్శ‌కుడు హిచ్‌కాక్ ఇరుద‌య‌రాజ్(సెల్వ‌రాఘ‌వ‌న్‌)కు పడదు. ర‌హస్యంగా ఓ సినిమాను చూడ‌టానికి వ్య‌క్తిగ‌తంగా ర‌మ్మ‌ని కిస్సాను ఆహ్వానిస్తాడు హిచ్‌కాక్. కిస్సా సాధార‌ణంగా డ్రామాతో కూడిన సినిమా అనుకుని వ‌స్తాడు. కానీ నిజానికి సినిమా అలా ఉండ‌దు. ప్రొజెక్ట‌ర్ ఓసారి ఆన్ కాగానే, కిస్సా ప్ర‌పంచం ఒక్క‌సారిగా త‌ల‌కిందులుగా మారుతుంది. కొంత‌సేప‌టికి కిస్సా ఓ దెయ్యాలు, భూతాలు ఉండే క్రూయిజ్‌లో క‌న్ను తెరుస్తాడు. అక్క‌డ త‌ర్కాలేవి ప‌నిచేయ‌వు.

ఆ డైరీ కంట్రోల్ లో

అక్క‌డ పాటించాల్సిన నియమాల గురించి ఓ మ్యాజిక‌ల్ డైరీలో రాసి ఉంటుంది. అత‌నితో పాటు మ‌రో ఇద్ద‌రు రివ్యూవ‌ర్లు కూడా అందులో చిక్కుకుంటారు. దీంతో వారు డైరీలో విష‌యాల‌ను డీకోడ్ చేయ‌టానికి సిద్ధ‌మ‌వుతారు. అందులో భాగంగా అతింద్రీయ శ‌క్తుల బ‌ల‌హీన‌త‌లు గుర్తించాలి. ఆ స‌మ‌యంలో ఎదుర‌య్యే భ‌యాన‌క ప‌రిస్థితుల‌ను దాటాలి. ఇంత‌టితో క‌థ ముగియ‌దు. కిస్సా గ‌ర్ల్‌ఫ్రెండ్ కూడా ఓ ఆత్మ‌గా మారిపోయుంటుంది. ఈ క‌థాగ‌మ‌నంలో హాస్యంతో నిండిన మ‌లుపులు, రోల‌ర్ కోస్ట‌ర్‌లాగా అనిపించే స‌న్నివేశాలతో నిండి ఉంటాయి.

‘డెవిల్స్ డ‌బుల్‌: నెక్ట్స్ లెవ‌ల్‌’ అనేది హార‌ర్‌, హాస్యం, అడ్వెంచ‌ర్‌తో నిండి ఉంది. ఓ సినిమా రివ్యూవ‌ర్ త‌ను ఉన్న సినిమా రివ్యూ క‌థ నుంచి బ‌య‌ట‌ప‌డ్డాడా.. ఈ క‌థ‌లో త‌నే విల‌నా? సినిమా టైటిల్ కార్డ్స్ ప‌డుతున్న‌ప్ప‌టికీ చివ‌ర‌కు ఎవ‌రు ఏమ‌వుతార‌నేదే సినిమా కథ.

ఆ వివాదం

‘డెవిల్స్ డబుల్ నెక్ట్స్ లెవల్’ థియేట్రికల్ రిలీజ్ కు ముందు వివాదం రేగింది. ఈ సినిమాలోని ఓ పాటలో గోవింద నామాలను అనుచితంగా వాడటంపై టీటీడీ ఫైర్ అయింది. రూ.100 కోట్లు కట్టాలంటూ డిమాండ్ చేసింది. చివరకు మూవీ మేకర్స్ వెనక్కి తగ్గారు. ఈ సినిమాలో సెల్వ రాఘవన్, గౌతమ్ వాసుదేవ్ మీనన్, గీతికా తివారి తదితరులు ముఖ్య పాత్రల్లో నటించారు. ది షో పీపుల్, నిహారిక ఎంటర్‌టైన్‌మెంట్ ఈ మూవీ సహ నిర్మాతలుగా వ్యవహరించారు.