ఏపీ గ్రూప్ 1 ఫలితాలు వచ్చేశాయ్. ఈ మేరకు ఏపీపీఎస్సీ మంగళవారం రాత్రి ప్రకటన విడుదల చేసింది. 1:2 నిష్పత్తిలో అభ్యర్థులను ఇంటర్వ్యూలకు ఎంపిక చేసింది. జూన్ 23 నుంచి 30 వరకు ఇంటర్వ్యూలు జరగనున్నట్లు తెలిపింది.

ఏపీ గ్రూప్ 1 ఫలితాలను ఇలా చెక్ చేసుకోండి

1. ఏపీ గ్రూప్ 1 మెయిన్స్ రాసిన అభ్యర్థులు https://portal-psc.ap.gov.in/Default వెబ్ సైట్ లోకి వెళ్లాలి.
2. హోం పేజీలో కనిపించే గ్రూప్ 1 మెయిన్స్ ఫలితాల లింక్ పై క్లిక్ చేయండి.
3. ఇక్కడ రిజల్ట్స్ నోటిఫికేషన్, వెబ్ నోట్, స్పోర్ట్స్ కోటా ఆప్షన్స్ ఉంటాయి.
4. ఇందులో రిజల్ట్స్ నోటిఫికేషన్ పై క్లిక్ చేస్తే క్వాలిఫై అయిన అభ్యర్థుల హాల్ టికెట్ నెంబర్లు ఉంటాయి.
5. ప్రింట్ లేదా డౌన్లోడ్ ఆప్షన్ పై నొక్కి కాపీని పొందవచ్చు.

మొత్తం 81 గ్రూప్ -1 పోస్టులకు గతేడాది మార్చి 17వ తేదీన ప్రిలిమ్స్ పరీక్ష‌ను నిర్వహించారు. ఆ తర్వాత మెయిన్స్ పరీక్షలను నిర్వహించారు. ఇందుకు దాదాపు 4 వేల మందికి పైగా అభ్యర్థులు హాజరయ్యారు. ఇందులో అర్హత సాధించిన వారి ఫలితాలను ఏపీపీఎస్సీ తాజాగా వెల్లడించారు. వీరికి జూన్ 23 నుంచి 30వ తేదీ వరకు ఇంటర్వ్యూలు నిర్వహిస్తారు. ఈ మేరకు ఏపీపీఎస్సీ ప్రకటన విడుదల చేసింది.

ఈ లింక్ పై క్లిక్ చేసి ఏపీ గ్రూప్ 1 ఫలితాల జాబితాను పొందవచ్చు.

స్పోర్ట్ కోటా కింద అర్హత సాధించిన వారి వివరాలను ఈ లింక్ పై క్లిక్ చేసి చూడొచ్చు.