ప్రపంచ టెస్టు ఛాంపియన్షిప్ (డబ్ల్యూటీసీ) 2025 ఫైనల్ కు అర్హత సాధించకపోయినప్పటికీ టీమ్ఇండియా గత రెండు ఎడిషన్ల విన్నర్లు న్యూజిలాండ్ (2021), ఆస్ట్రేలియా (2025)తో సమానంగా సంపాదిస్తుంది. డబ్ల్యూటీసీ ప్రైజ్ మనీని 3.6 మిలియన్ డాలర్లకు పెంచుతూ ఐసీసీ నిర్ణయం తీసుకోవడంతో ఇది సాధ్యమైంది. గత రెండు ఎడిషన్లలో రన్నరప్ గా నిలిచిన భారత్ 2023-25 సీజన్లో డబ్ల్యూటీసీ పాయింట్ల పట్టికలో మూడో స్థానంలో నిలిచింది. దీంతో హ్యాట్రిక్ డబ్ల్యూటీసీ ఫైనల్ కు దూరమైంది.

నేటి నుంచే ఫైనల్

డబ్ల్యూటీసీ పాయింట్ల పట్టికలో నెం.1, నెం.2 స్థానాల్లో నిలిచిన దక్షిణాఫ్రికా, ఆస్ట్రేలియా జట్లు నేడు (జూన్ 11) లార్డ్స్ లో ప్రారంభమైన ఫైనల్లో తలపడుతున్నాయి. ఈ డబ్ల్యూటీసీ ఫైనల్లో విజేతలకు 3.6 మిలియన్ డాలర్లు లభిస్తాయి. ఇది న్యూజిలాండ్ (2021), ఆస్ట్రేలియా (2023) గత రెండు ఫైనల్స్ గెలిచిన తర్వాత సంపాదించిన దానికంటే రెట్టింపు. ఓడిన ఫైనలిస్టులు కూడా మునుపటి టాప్ ప్రైజ్ మనీ కంటే ఎక్కువ సంపాదిస్తారు. రన్నరప్ కు ఈసారి 2.1 మిలియన్ డాలర్లకు పైగా లభిస్తుంది.

అప్పుడు అలా

గత రెండు ఎడిషన్ల విజేతలకు (న్యూజిలాండ్, ఆస్ట్రేలియా) చెరో 1.6 మిలియన్ డాలర్లు దక్కాయి. ఓడిన ఫైనలిస్టులకు (భారత్) 800,000 డాలర్ల చొప్పున లభించాయి. ప్రైజ్ మనీ పెంపు టెస్టు క్రికెట్ కు ప్రాధాన్యమిచ్చేందుకు ఐసీసీ చేస్తున్న ప్రయత్నాలకు నిదర్శనమని, తొమ్మిది జట్ల పోటీలో తొలి మూడు చక్రాల వేగాన్ని పెంచాలని చూస్తోందని ఐసీసీ తెలిపింది.

భారత్ కు ఎంతంటే?

మూడో స్థానంలో నిలిచిన భారత్ కు ఈసారి 1,440,000 డాలర్లు అంటే సుమారు రూ.12.32 కోట్లు లభించనున్నాయి. మూడో ఎడిషన్లో దక్షిణాఫ్రికా 69.44 శాతం పాయింట్లతో, డిఫెండింగ్ చాంపియన్ ఆస్ట్రేలియా 67.54 పాయింట్లతో టాప్-2 ప్లేస్ ల్లో నిలిచాయి. భారత్ 50.00 పాయింట్లతో మూడో స్థానంతో సరిపెట్టుకుంది. స్వదేశంలో న్యూజిలాండ్ చేతిలో 0-3 తేడాతో ఓటమి, ఆస్ట్రేలియాలో 1-3 తేడాతో ఓటమి భారత్ వరుసగా మూడోసారి డబ్ల్యూటీసీ ఫైనల్ కు చేరుకునే అవకాశాలను దెబ్బతీసింది.

ప్రపంచ టెస్టు ఛాంపియన్షిప్ (డబ్ల్యూటీసీ) ఫైనల్ ప్రైజ్ మనీ ఇలా

ఏ జట్టుకు ఎంతంటే?

ఆస్ట్రేలియా లేదా దక్షిణాఫ్రికా లో డబ్ల్యూటీసీ ఫైనల్ విజేతగా నిలిచే టీమ్ కు మూడు మిలియన్ల ఆరు లక్షల అమెరికన్ డాలర్లు లభిస్తాయి. రన్నరప్ కు రెండు మిలియన్ లక్షా అరవై వేల అమెరికన్ డాలర్లు బహుమతిగా ఇస్తారు. మూడో స్థానంలో నిలిచిన భారత్ కు లక్షా నాలుగు లక్షల నలభై వేల అమెరికన్ డాలర్లు అందనున్నాయి. నాలుగో స్థానం లో ఉన్న న్యూజిలాండ్ ఒక మిలియన్ రెండు లక్షల అమెరికన్ డాలర్లు సంపాదిస్తుంది.

ఇంగ్లాండ్ తొమ్మిది లక్షల అరవై వేల అమెరికన్ డాలర్లను ఇంటికి తీసుకువెళుతుంది. 6 వ స్థానం – శ్రీలంక శ్రీలంక ఎనిమిది లక్షల నలభై వేల అమెరికన్ డాలర్లు అందుకుంటుంది. 7 వ స్థానం – బంగ్లాదేశ్ ఏడు లక్షల ఇరవై వేల అమెరికన్ డాలర్లు అందుకోనుంది. 8 వ స్థానం – వెస్టిండీస్ వెస్టిండీస్ కు ఆరు లక్షల అమెరికన్ డాలర్లు ఇవ్వబడతాయి. తొమ్మిదో స్థానంలో నిలిచిన పాకిస్థాన్ కు నాలుగు లక్షల ఎనభై వేల అమెరికా డాలర్లు అందనున్నాయి.