అంబానీ కుటుంబ కోడలు రాధికా మర్చంట్ తాజాగా జామ్‌నగర్‌లో కనిపించిన తీరు అందరినీ ఆశ్చర్యపరిచింది. ఇన్‌స్టిట్యూట్ ఆఫ్ టీచింగ్ అండ్ రీసెర్చ్ ఇన్ ఆయుర్వేద (ITRA)ను సందర్శించిన సందర్భంగా రాధికా మర్చంట్, ఎలాంటి మేకప్ లేకుండా, చాలా సింపుల్‌గా, సొగసైన పేస్టల్ పసుపు రంగు డ్రెస్‌లో మెరిశారు. ‘లెస్ ఈజ్ మోర్’ అనే తమ ఫేవరెట్ స్టైల్‌ను ఆమె మరోసారి చాటుకున్నారు.

ITRAను సందర్శించిన రాధికా మర్చంట్

ముకేష్ అంబానీ, నీతా అంబానీల చిన్న కుమారుడు అనంత్ అంబానీని వివాహం చేసుకున్న రాధికా మర్చంట్‌ ఇన్‌స్టిట్యూట్ ఆఫ్ టీచింగ్ అండ్ రీసెర్చ్ ఇన్ ఆయుర్వేద (ITRA)ను సందర్శించి ఆయుర్వేద వైద్య పద్ధతులు, రోగ నిర్ధారణ పద్ధతులు, ఔషధ మొక్కల వాడకం, ప్రయోగశాల పని గురించి లోతైన అవగాహన పొందారు. ఇన్‌స్టిట్యూట్‌లోని వివిధ విభాగాలను కూడా ఆమె సందర్శించారు.

రాధికా మర్చంట్ సాధారణ లుక్..

ITRA సందర్శన కోసం రాధికా పేస్టల్ బటర్ ఎల్లో కాటన్ సూట్ ధరించారు. ఈ కుర్తాలో స్ప్లిట్ క్రూ నెక్ లైన్, ఫుల్ స్లీవ్ హాండ్స్, సైడ్ స్లిట్స్, రిలాక్స్డ్ సిల్హౌట్, మోకాలి పొడవు అంచులు ఉన్నాయి. వేసవిలో వేడిని తట్టుకోవడానికి సరైన ఎంపికైన ఈ సొగసైన దుస్తులకు, సాధారణమైన, సున్నితమైన ఎంబ్రాయిడరీ మరింత అందాన్ని తెచ్చింది.

రాధికా ఈ కుర్తాను దానికి సరిపోయే పేస్టల్ పసుపు రంగు, ఫ్లేర్డ్ కాటన్ ప్యాంట్‌తో జత చేశారు. ప్యాంట్ అంచుల వద్ద స్కాలోప్డ్ లేస్ లైనింగ్, రిలాక్స్డ్, స్ట్రెయిట్ లెగ్ ఫిట్టింగ్ ఉన్నాయి. వాటికి సరిపోయే దుపట్టాను తమ భుజాలపై వేసుకుని ఈ లుక్‌ను పూర్తి చేశారు. దుపట్టా అంచుల వద్ద టాసిల్స్, సున్నితమైన ఎంబ్రాయిడరీ ఉన్నాయి.

తన జుట్టును మధ్యలోకి పాపిడి తీసుకుని వదులుగా వదిలేసిన రాధికా, ఈసారి గ్లామర్‌ను వదిలి, నో-మేకప్ లుక్‌ను ఎంచుకున్నారు. సహజంగా కనిపించే కనుబొమ్మలు, రోజీ పింక్ పెదవులు, మెరిసే చర్మంతో ఆమె కనిపించారు. ఇక యాక్సెసరీస్ విషయానికి వస్తే, ఆమె ఒక డైమండ్ రింగ్, డైమండ్ ఇయర్ స్టడ్స్, ఒక స్టైలిష్ గోల్డ్ బ్రాస్‌లెట్ వాచ్, ట్యాన్ హెర్మ్స్ ఫ్లాట్స్ ధరించారు.

రాధికా మర్చంట్ గురించి..

రాధికా మర్చంట్ వీరెన్, శైలా మర్చంట్ దంపతుల చిన్న కుమార్తె. ఆమె జూలై 2024లో అనంత్ అంబానీని వివాహం చేసుకున్నారు. వారి అంగరంగ వైభవంగా జరిగిన పెళ్లి వేడుకలు మూడు రోజుల పాటు సాగాయి. ఈ వివాహానికి అంతర్జాతీయ ప్రముఖులు, బాలీవుడ్ తారలు, హాలీవుడ్ సెలబ్రిటీలు, రాజకీయ నాయకులు, ప్రపంచ ప్రముఖులు హాజరయ్యారు.