ఓటీటీలో ఎప్పటికప్పుడు వివిధ రకాల జోనర్లలో సినిమాలు డిజిటల్ స్ట్రీమింగ్ అవుతుంటాయి. ప్రతి వారం సరికొత్త కంటెంట్‌తో ఓటీటీ మూవీస్ ప్రీమియర్ అవుతుంటాయి. అలా ఈ వారం దాదాపుగా 30కిపైగా సినిమాలు ఓటీటీ స్ట్రీమింగ్‌కు వచ్చాయి. వాటిలో ఇవాళ ఒక్కరోజే 20కిపైగా ఓటీటీ సినిమాలు రిలీజ్ అయ్యాయి.

తమిళంలో అలా-మలయాళంలో ఇలా

వాటిలో తమిళ, మలయాళ సూపర్ హిట్ మూవీ కూడా ఉంది. తమిళంలో మర్డర్ మిస్టరీ థ్రిల్లర్‌గా తెరకెక్కిన సినిమా యుగి. దీన్ని మలయాళంలో అదృశ్యంగా విడుదల చేశారు. తమిళంలో యుగి సినిమా మంచి రెస్పాన్స్ తెచ్చుకుంది. ఈ సినిమాకు జాక్ హరీస్ దర్శకత్వం వహించారు.

యుగి నటీనటులు

ఈ తమిళ సినిమా యుగిలో తెలుగు హీరోయిన్ ఆనంది కీలక పాత్ర పోషించింది. అలాగే, యుగి మూవీలో కాథిర్, షరఫ్ యు దీన్, పవిత్ర లక్ష్మీ ప్రధాన పాత్రలు పోషించగా ఆత్మీయ రజన్, ప్రతాప్ పోతెన్, జాన్ విజయ్, నరైన్, నట్టి సుబ్రమణ్యం, వినోదిని వైద్యనాథన్ ఇతర ముఖ్య పాత్రల్లో అలరించారు.

కార్తిక మిస్సింగ్ కేస్ ఓటీటీ

తమిళంలో మర్డర్ మిస్టరీ థ్రిల్లర్‌గా తెరకెక్కిన యుగి సినిమాకు ఐఎమ్‌డీబీలో పదికి 6.7 రేటింగ్ ఉంది. అలాంటి యుగి తెలుగు వెర్షన్ ఇవాళ (జూన్ 13) ఓటీటీలోకి వచ్చేసింది. యుగి మూవీ తెలుగు వెర్షన్‌ను కార్తిక మిస్సింగ్ కేస్ టైటిల్‌తో రిలీజ్ చేశారు. ఈ సినిమాను భవానీ మీడియా రిలీజ్ చేసింది.

ఆహా ఓటీటీలో స్ట్రీమింగ్

ఇవాళ్టీ నుంచి ఆహాలో కార్తిక మిస్సింగ్ కేస్ ఓటీటీ స్ట్రీమింగ్ అవుతోంది. తమిళంలో మంచి విజయాన్ని అందుకున్న కార్తిక మిస్సింగ్ కేస్‌ను ఆహా ఓటీటీలో ఎంచక్కా చూసేయొచ్చు. అలాగే, మంచి మర్డర్ థ్రిల్లర్స్ ఇష్టపడే వారికి ఓటీటీ రిలీజ్ అయిన కార్తిక మిస్సింగ్ కేస్ మంచి ఎంపిక అని చెప్పొచ్చు.

కార్తిక అనే అమ్మాయి గురించి

ఇకపోతే కార్తిక మిస్సింగ్ కేస్ కథలో ఒక డిటెక్టివ్ తన బృందంతో కలిసి అదృశ్యమైన ఓ యువతిని వెతుకుతున్నాడు. దర్యాప్తులో కార్తిక అనే అమ్మాయి గురించి బయటపడే షాకింగ్ నిజాలు, అనూహ్య మలుపులు ప్రేక్షకులను చివరి వరకు ఉత్కంఠభరితంగా ఉంచుతాయి.

థ్రిల్లింగ్ అంశాలు

అద్భుతమైన నటన, తీవ్రమైన థ్రిల్, భావోద్వేగాల మేళవింపుతో కార్తిక మిస్సింగ్ కేస్ చిత్రాన్ని తెరకెక్కించారు. ఆకట్టుకునే ఈ అంశాలతో తప్పక చూడాల్సిన మర్డప్ మిస్టరీ థ్రిల్లర్‌గా కార్తిక మిస్సింగ్ కేస్ నిలిచింది. కాబట్టి, యుగి తెలుగు వెర్షన్‌ కార్తిక మిస్సింగ్ కేస్‌ను ఆహా ఓటీటీలో ఎంచక్కా చూసేయండి.