బాలీవుడ్ సీనియర్ నటుడు ధర్మేంద్ర తెలుసు కదా. అతడు తన 71వ పెళ్లి రోజును శుక్రవారం (జూన్ 13) జరుపుకున్నాడు. 1954లో తన మొదటి భార్య ప్రకాశ్ కౌర్ ను పెళ్లి చేసుకున్నాడు. అతని తనయుడు, నటుడు బాబీ డియోల్ తన ఇన్‌స్టాగ్రామ్ అకౌంట్లో ధర్మేంద్ర, ప్రకాశ్ కౌర్ పెళ్లి రోజు విషయాన్ని పోస్ట్ చేశాడు. వీళ్లిద్దరూ కలిసి తమ 71వ వివాహ వార్షికోత్సవాన్ని జరుపుకున్నారు. ఈ ప్రత్యేక సందర్భాన్ని పురస్కరించుకుని, వారిద్దరూ దండలు వేసుకొని కనిపించారు.

ధర్మేంద్ర, ప్రకాశ్ కౌర్‌ పెళ్లి రోజు

బాబీ డియోల్ పోస్ట్ చేసిన ఫొటోలో అతని తల్లి ప్రకాశ్ కౌర్ ధర్మేంద్ర పక్కన కూర్చుని ఉంది. వారిద్దరూ కెమెరా వైపు చూస్తూ నవ్వుతున్నారు. క్యాప్షన్‌లో బాబీ ఇలా రాశారు.. “హ్యాపీ యానివర్సరీ, మా, పాపా (రెట్ హార్ట్ ఎమోజీలు)”

ఈ ఫొటో సోషల్ మీడియాలో వైరల్ అవుతోంది. ఈ ఫొటోకు పలువురు అభిమానులు, శ్రేయోభిలాషులు కామెంట్స్ చేశారు. నటుడు అర్జున్ రాంపాల్ స్పందిస్తూ.. “గాడ్ బ్లెస్ (రెండ్ హార్ట్ ఎమోజీలు)” అని అన్నాడు. “అత్యంత ఆరాధనీయమైన ఫొటో. అంకుల్-ఆంటీకి వార్షికోత్సవ శుభాకాంక్షలు” అని ఒక స్నేహితుడు అన్నాడు. మరొకరు “మోస్ట్ లవ్లీ కపుల్‌కి హ్యాపీ యానివర్సరీ” అని అనడం విశేషం.

ధర్మేంద్ర వ్యక్తిగత జీవితం

బాలీవుడ్ నటుడు ధర్మేంద్ర తన బాలీవుడ్ అరంగేట్రం చేయడానికి ముందు 1954లో ప్రకాశ్ కౌర్‌ను పెళ్లి చేసుకున్నాడు. అప్పుడు అతనికి కేవలం 19 ఏళ్లు మాత్రమే. ప్రకాశ్ కౌర్‌తో ధర్మేంద్రకు నటులు సన్నీ డియోల్, బాబీ డియోల్‌ సహా నలుగురు పిల్లలు ఉన్నారు. 1970లో ‘తుమ్ హసీన్ మై జవాన్’ సినిమా కోసం పనిచేస్తున్నప్పుడు అతడు తొలిసారిగా హేమా మాలినిని కలిశారు. ఆ తర్వాత వీళ్లిద్దరూ పెళ్లి చేసుకున్నారు. వీళ్లకు ఇద్దరు కుమార్తెలు ఇషా డియోల్, అహనా డియోల్‌ ఉన్నారు.

ధర్మేంద్ర చివరిసారిగా షాహిద్ కపూర్, కృతి సనన్ ప్రధాన పాత్రల్లో నటించిన రొమాంటిక్ కామెడీ ‘తేరీ బాతోన్ మే ఐసా ఉల్ఝా జియా’లో నటించాడు. అందులో అతని కిస్ సీన్ వైరల్ అయింది. మరోవైపు బాబీ డియోల్ విషయానికి వస్తే.. సందీప్ రెడ్డి వంగా దర్శకత్వం వహించిన ‘యానిమల్’ మూవీతో అతడు మళ్లీ గాడిలో పడ్డాడు. ఆ తర్వాత సూర్యతో కలిసి ‘కంగువ’లో కూడా అతడు కనిపించాడు.