Best Web Hosting Provider In India 2024
ప్రపంచంలోనే అత్యంత ధనవంతుడు.. వీధుల్లో నిరుపేదవాడు.. నాగార్జున, ధనుష్, రష్మిక మూవీపై నిర్మాతల కామెంట్స్
నాగార్జున, ధనుష్, రష్మిక మందన్నా కలిసి నటించిన తొలి తెలుగు మూవీ కుబేర. పాపులర్ డైరెక్టర్ శేఖర్ కమ్ముల దర్శకత్వం వహించిన కుబేర సినిమాను నిర్మాతలు సునీల్ నారంగ్, పుస్కుర్ రామ్ మోహన్ రావు నిర్మించారు. కుబేర మూవీ కాన్‌ఫ్లిక్ట్ ఏంటీ అనే ప్రశ్నపై నిర్మాతలు ఇంట్రెస్టింగ్ సమాధానం ఇచ్చారు.
టాలీవుడ్ కింగ్ నాగార్జున, కోలీవుడ్ స్టార్ హీరో ధనుష్, నేషనల్ క్రష్ రష్మిక మందన్నా తొలిసారిగా కలిసి నటించిన సినిమా కుబేర. తెలుగు పాపులర్ డైరెక్టర్ శేఖర్ కమ్ముల దర్శకత్వం వహించిన కుబేర సినిమాకు నిర్మాతలు సునీల్ నారంగ్, పుస్కుర్ రామ్ మోహన్ రావు నిర్మించారు.
జూన్ 20న కుబేర రిలీజ్
శేఖర్ కమ్ముల అమిగోస్ క్రియేషన్స్ ప్రైవేట్ లిమిటెడ్‌తో కలిసి ఎస్‌వీసిఎల్ఎల్‌పీ బ్యానర్‌పై సునీల్ నారంగ్, రామ్ మోహన్ రావు భారీ బడ్జెట్‌తో, హై ప్రొడక్షన్ వాల్యూస్‌తో కుబేర సినిమాను నిర్మించారు. తెలుగుతోపాటు తమిళం, హిందీ, కన్నడ, మలయాళ వంటి ఐదు భాషల్లో జూన్ 20న ప్రపంచవ్యాప్తంగా కుబేర సినిమా విడుదల కానుంది.
కుబేర కాన్‌ఫ్లిక్ట్
ప్రమోషన్స్‌లో భాగంగా ఇప్పటికే విడుదల చేసిన కంటెంట్‌కు ట్రెమండస్ రెస్పాన్స్ వచ్చింది. దేవి శ్రీ ప్రసాద్ సంగీతం అందించిన పోయిరా మామ, ‘ట్రాన్స్ ఆఫ్ కుబేర’, పీపీ డమ్ డమ్ సాంగ్స్ చార్ట్ బస్టర్స్‌గా నిలిచాయి. ఇక రీసెంట్‌గా ఇంటర్వ్యూలో కుబేర కాన్‌ఫ్లిక్ట్ ఏంటీ అనే ప్రశ్నకు సమాధానం ఇచ్చిన నిర్మాతలు సునీల్ నారంగ్, పుస్కుర్ రామ్ మోహన్ రావు మూవీ గురించి ఇంట్రెస్టింగ్ విశేషాలు చెప్పారు.
కుబేర కథలో మిమ్మల్ని ఎగ్జైట్ చేసిన ఎలిమెంట్ ఏమిటి?
-శేఖర్ కమ్ముల గారు మంచి ఎమోషన్స్‌తో ఆడియన్స్‌ని టచ్ చేస్తూ ఫీల్ ఉండే సినిమాలను తీస్తారు. ఈ సినిమా కూడా అలాంటిదే. ఇందులో ఉండే ఎమోషన్స్ ఆడియన్స్‌కి కనెక్ట్ అవుతాయి.
దేవిశ్రీప్రసాద్ గారి మ్యూజిక్ గురించి ?
దేవి శ్రీ ప్రసాద్ అద్భుతమైన మ్యూజిక్ డైరెక్టర్. ఈ సినిమా కోసం చాలా డిఫరెంట్ సాంగ్స్ ఇచ్చారు. బ్యాక్‌గ్రౌండ్ స్కోర్ కూడా చాలా అద్భుతంగా వచ్చింది. ధనుష్ గారు రెండు పాటలు పాడారు. ఇది డైరెక్టర్ గారు, దేవి శ్రీ గారి కలెక్టివ్ డెసిషన్.
కుబేర కాన్‌ఫ్లిక్ట్ ఏమిటి?
-మోస్ట్ రిచెస్ట్ మ్యాన్ ఇన్ ద వరల్డ్ (ప్రపంచంలోనే అత్యంత ధనవంతుడు), ది పూరెస్ట్ మ్యాన్ ఇన్ ది స్ట్రీట్స్ (వీధుల్లోనే నిరుపేద) ఇది కాన్‌ఫ్లిక్ట్.
తమిళ్‌లో కూడా మీరే రిలీజ్ చేస్తున్నారా?
-లేదండి. రాహుల్ అనే డిస్ట్రిబ్యూటర్‌కి ఇచ్చాము.
సునీల్ గారు.. మీ అమ్మాయి జాన్విని నిర్మాతగా చేయాలనే భావిస్తున్నారా?
-కచ్చితంగా అండి. తనకి సినిమా నిర్మాణం పట్ల చాలా ఆసక్తి ఉంది. చాలా యాక్టివ్‌గా ఉంటుంది. అలాగే మా బ్రదర్ వాళ్ల అబ్బాయికి కూడా ప్రొడక్షన్‌పై ఆసక్తి ఉంది.
నెక్ట్స్ ప్రాజెక్ట్స్ గురించి?
-శేఖర్ కమ్ముల గారితో మరో సినిమా చేయనున్నాం. అయితే ఇంకా హీరో ఎవరనేది ఫైనల్ కాలేదు.
సంబంధిత కథనం
