నిన్ను కోరి సీరియల్ ఈరోజు ఎపిసోడ్‌లో సారీ చంద్రకళ అని శ్యామల అంటుంది. చంద్రకళను విరాట్ ప్రేమించి పెళ్లి చేసుకున్నాడు. ఇంటి పనులు చక్కగా చేస్తుంది. అది చాలు. తన పుట్టింటి వాళ్ల గురించి అవసరం లేదు. వాళ్లే వచ్చి కలుస్తారు. అంతవరకు ఎవరి పనులు వాళ్లు చూసుకుంటే మంచిది. అనవసరంగా చంద్రకళను బాధపెట్టే పని చేస్తే నేను ఊరుకోను అని శ్యామల వెళ్లిపోతుంది.

పనిగట్టుకుని

హమ్మయ్య అని బతికిపోయినట్లు చంద్రకళ ఊపిరి తీసుకుంటుంది. కామాక్షి నీతో మాట్లాడాలి నీ కూతురుని తీసుకుని రా అని జగదీశ్వరి వెళ్లిపోతుంది. హమ్మా బతికించావ్ దేవుడా. ఎక్కడ నిజం తెలిసిపోతుందా అని భయపడ్డాను అని చంద్రకళ అనుకుంటుంది. శ్యామలకు పనిగట్టుకుని ఎందుకు చంద్రకళ గురించి చెప్పాలని చూస్తున్నావ్ అని తిడుతుంది జగదీశ్వరి.

నీకు చివరిసారిగా చెబుతున్నా చంద్రకళ పుట్టింటి గురించి శ్యామలకు తెలియకూడదు. ఇదే నీకు చివరి అవకాశం. శ్రుతి నీ కూడా ఇదే చెబుతున్నా అని ఫైనల్ వార్నింగ్ ఇచ్చి వెళ్లిపోతుంది జగదీశ్వరి. శ్యామలకు తెలిస్తే గొడవ అయి చంద్రకళ వెళ్లిపోతుంది కదా. అత్తయ్య ఎందుకు భయపడుతుంది అని శ్రుతి అంటుంది. చంద్ర స్థానంలో నిన్ను ఉంచడమే నా లక్ష్యం. అంతవరకు ఎవరు ఏమన్నా పట్టించుకోను అని కామాక్షి అంటుంది.

మనం డైరెక్ట్‌గా చెప్పకూడదు. మన ఇన్వాల్‌మెంట్ లేనట్లుగా శ్యామలకు చంద్ర పుట్టింటి వాళ్ల గురించి తెలిసినట్లుగా ఉండాలి అని శాలిని అంటుంది. తర్వాత డిజైన్స్ వేస్తున్న క్రాంతి తనను తానే పొగుడుకుంటాడు. చంద్ర వదిన వల్లే ఇదంతా. హ్యాట్సాఫ్ టు చంద్ర వదిన అని క్రాంతి అంటాడు. అది చూసిన శాలిని ఈ ప్రాజెక్ట్ సక్సెస్ అయితే చంద్ర జపం చేస్తాడని అనుకున్న శాలిని ఆ డిజైన్స్ ఫొటో తీస్తుంది.

ద్వితీయ లగ్నం

శాలిని ఫొటోలు తీయడం చంద్ర చూస్తుంది. కానీ, శాలిని మురిసిపోతుందని చంద్ర అనుకుని వెళ్లిపోతుంది. చంద్ర నిన్ను పొగిడినవాళ్లే తిట్టేలా చేస్తాను అని శాలిని కన్నింగ్ ప్లాన్ వేస్తుంది. మరోవైపు విరాట్ సంతోషంగా చంద్రకోసం ఎదురుచూస్తుంటే చంద్ర వస్తుంది. ద్వితీయ లగ్నం భగ్నం కాకూడదని ఈరోజు కూడా పిన్ని గారు ఈ ఏర్పాట్లు చేశారని చంద్ర అంటుంది.

బాగుంది. నువ్వు కూడా బాగున్నావని విరాట్ అంటాడు. పిచ్చెక్కిస్తున్నావ్. కంట్రోల్ చేసుకోలేకపోతున్నాను అని రొమాంటిక్‌గా చంద్రను పొగుడుతాడు విరాట్. తర్వాత చంద్రను ప్రేమగా హత్తుకుంటాడు విరాట్. తర్వాత ఇద్దరు బెడ్‌పై వాలిపోతారు. ఇంతలో నో అంటూ శ్రుతి అరుస్తూ నిద్రలోనుంచి లేస్తుంది. అయిపోయిందమ్మా. రెండో కార్యం కూడా జరిగిపోయిందని శ్రుతి అంటుంది.

కంట్రోల్ తప్పిన విరాట్

అదంతా నీ కలే అని కామాక్షి అంటుంది. అది నిజమైతే ఎలా. వాళ్ల మధ్య నిజంగా ఏం జరిగిందో తెలియకుంటే మనశ్శాంతిగా ఉండలేను అని శ్రుతి అంటుంది. డోర్ తీస్తే శ్యామల వస్తుంది. నోరు మూసుకుని పడుకో అని శ్రుతిని అంటుంది కామాక్షి. మరోవైపు చంద్రకళ విరాట్ దగ్గరికి వెళ్తుంది. పాలు తాగిన విరాట్ ఎంగిలిని తుడిచి ఇస్తాడు. గదిలోకి వచ్చేముందే పాల గ్లాస్ ఎంగిలి చేసి ఇచ్చాను అని చంద్రకళ అంటుంది.

సోఫాపై చంద్రకళ పడుకుంటుంది. చంద్రకళ రొమాంటిక్‌గా మాట్లాడుతుంది. సోఫాపై పడుకున్న చంద్రను చూసి కంట్రోల్ చేసుకోలేకపోతాడు విరాట్. చంద్ర దగ్గరికి వెళ్తాడు. ఇంతలో లేచిన చంద్ర ఏంటీ దొంగచూపులు చూస్తున్నావ్ అని అడుగుతుంది.

నడుము చూస్తు

వాటర్ కోసం అని బాటిల్ తీసుకుంటాడు విరాట్. తర్వాత చంద్ర నడుము చూస్తు కంట్రోల్ తప్పిన విరాట్ పొరపాటుగా సోఫాపై నీళ్లు పోస్తాడు. అక్కడితో నేటి నిన్ను కోరి సీరియల్ ఎపిసోడ్ ముగుస్తుంది.