హైదరాబాద్, జూన్ 19, 2025: హైదరాబాద్ రియల్ ఎస్టేట్ మార్కెట్‌లో మరో భారీ ప్రాజెక్టు ప్రారంభమైంది. జీహెచ్‌ఆర్ ఇన్‌ఫ్రా, లక్ష్మీ ఇన్‌ఫ్రా, అర్బన్‌బ్లాక్స్ రియాలిటీ.. ఈ మూడు దిగ్గజ సంస్థలు కలిసి “ది కాస్కేడ్స్ నియోపోలిస్” అనే మెగా లగ్జరీ రెసిడెన్షియల్ ప్రాజెక్ట్‌ను ప్రారంభించాయి. అక్షరాలా రూ. 3169 కోట్లతో, 217 మీటర్ల ఎత్తులో, 63 అంతస్తుల 5 భారీ టవర్లతో ఇది హైదరాబాద్ స్కైలైన్‌కు సరికొత్త అందాన్ని తీసుకురానుంది. మార్చి 2030 నాటికి ప్రాజెక్ట్ పూర్తయి, మీ చేతికి తాళాలు అందజేయాలని లక్ష్యంగా పెట్టుకున్నారు.

ది కాస్కేడ్స్ నియోపోలిస్ ప్రత్యేకతలు ఇవీ

ఈ ప్రాజెక్ట్ కేవలం ఒక కట్టడం కాదు.. ఇది సమకాలీన డిజైన్, పర్యావరణ స్నేహపూర్వక జీవనం, స్మార్ట్ హోమ్ టెక్నాలజీల అద్భుత సమ్మేళనం అని జాయింట్ వెంచర్ చెబుతోంది.

ప్రాజెక్ట్ వివరాలు:

• నియోపోలిస్‌లో 7.34 ఎకరాల్లో విస్తరించి ఉంది.
• 2560 చదరపు అడుగుల నుండి 4825 చదరపు అడుగుల విస్తీర్ణంలో 1,189 అద్భుతమైన 3BHK మరియు 4BHK అపార్ట్‌మెంట్‌లు ఉన్నాయి.
• 54వ అంతస్తులో ప్రైవేట్ పూల్స్‌తో 10 ప్రత్యేకమైన ట్రిపుల్ పెంట్‌హౌస్‌లు ఉన్నాయి.
• వాహనాల పార్కింగ్ కోసం 7 అంతస్తుల పార్కింగ్ సౌకర్యం (2 బేస్‌మెంట్లు + 5 పోడియంలు) ఉంది.

అంతర్జాతీయ స్థాయి నిర్మాణం, అదిరిపోయే సౌకర్యాలు

ఈ ప్రాజెక్ట్‌కు ప్రపంచ ప్రఖ్యాత వాస్తుశిల్పులు పనిచేశారు. UHA లండన్ (కాన్సెప్ట్ ఆర్కిటెక్ట్), కూపర్స్ హిల్ సింగపూర్ (ల్యాండ్‌స్కేప్ ఆర్కిటెక్ట్), స్టూడియో HBA సింగపూర్ (ఇంటీరియర్ డిజైన్ – సౌకర్యాలు), బ్యూరో హాపోల్డ్ (UK) (స్ట్రక్చరల్ ఇంజనీరింగ్) వంటి దిగ్గజ సంస్థలు దీని రూపకల్పనలో పాలుపంచుకున్నాయి. జలపాతాల నుండి ప్రేరణ పొంది ఈ టవర్లను డిజైన్ చేశారు.

క్వింటెసెన్షియల్లీ ద్వారా అంతర్జాతీయ భద్రతా సేవలు: భద్రతకు అత్యంత ప్రాధాన్యత ఇస్తారు. ప్రపంచవ్యాప్తంగా ప్రత్యేకమైన అనుభవాలను అందించే వివేకవంతమైన పర్సనలైజ్డ్ లైఫ్‌స్టైల్ నిర్వహణ సేవలు కూడా అందుబాటులో ఉంటాయి.

ఆరోగ్యం, పర్యావరణ పరిరక్షణకు ప్రాధాన్యత: ఈ ప్రాజెక్ట్ WELL ప్రీ-సర్టిఫికేషన్, IGBC ప్లాటినం ప్రీ-సర్టిఫికేషన్‌లను లక్ష్యంగా పెట్టుకుంది. ఇది సాధిస్తే, దక్షిణ భారతదేశంలోనే మొట్టమొదటి నివాస ప్రాజెక్ట్ అయ్యే అవకాశం ఉంది.

విద్యుత్ పొదుపు వ్యవస్థలు, అధిక-పనితీరు గల నిర్మాణ సామగ్రి, కామన్ ఏరియాలకు సౌరశక్తి, వర్షపు నీటి సంరక్షణ, ఇండోర్ వాతావరణాన్ని మెరుగుపరచడానికి అధునాతన ఎయిర్ ప్యూరిఫికేషన్ వ్యవస్థలు వంటివి ఉంటాయి. ఇవి పర్యావరణానికి మేలు చేయడమే కాకుండా, మీ విద్యుత్ బిల్లులను కూడా తగ్గిస్తాయి.

డెవలపర్లు ఏమంటున్నారు?

జీహెచ్‌ఆర్ ఇన్‌ఫ్రాకు ప్రాతినిధ్యం వహించిన కార్తీష్ రెడ్డి మాట్లాడుతూ, “శారీరకంగా, భావోద్వేగంగా ఆరోగ్యాన్ని పెంపొందించే ప్రదేశాలను సృష్టించడమే మా లక్ష్యం. నియోపోలిస్ ప్రాంతం చుట్టూ పచ్చని ప్రదేశాలు, విశాలమైన రోడ్లు ఆహ్లాదకరమైన వాతావరణాన్ని అందిస్తాయి. ల్యాండ్‌స్కేప్డ్ గార్డెన్స్ నుండి వెల్‌నెస్ జోన్‌ల వరకు సమగ్ర వెల్‌నెస్‌పై దృష్టి సారించడం ద్వారా ‘ది కాస్కేడ్స్ నియోపోలిస్’ ఒక లగ్జరీ జీవనానికి మించి, నివాసితులు కేవలం జీవించడమే కాకుండా అభివృద్ధి చెందడానికి కూడా సహాయపడుతుంది” అన్నారు.

లక్ష్మీ ఇన్‌ఫ్రాకు ప్రాతినిధ్యం వహించిన లక్ష్మీ నారాయణ మాట్లాడుతూ, “నియోపోలిస్‌లో మేం అసాధారణమైన ప్రాజెక్టు నిర్మిస్తున్నాం. ప్రాజెక్టులను సకాలంలో పూర్తి చేసేందుకు మా అనుభవం, రెరా రిజిస్ట్రేషన్‌తో సహా అన్ని అనుమతులు, స్టేట్ బ్యాంక్ ఆఫ్ ఇండియా నుండి రూ. 900 కోట్ల మంజూరుతో సరైన నిధుల ప్రణాళిక, ప్రాజెక్టులను సకాలంలో అప్పగించడమనే మా గ్రూప్ కంపెనీల విశ్వసనీయత.. ఇవన్నీ పెట్టుబడిదారులు, కొనుగోలుదారుల విశ్వాసానికి దోహదపడతాయి” అని చెప్పారు.

రెండు హెలిప్యాడ్లు

అర్బన్‌బ్లాక్స్ రియాలిటీకి ప్రాతినిధ్యం వహించిన శరత్ మాట్లాడుతూ, “ప్రతి ప్రాజెక్ట్‌కీ ప్రత్యేకతను తీసుకురావడానికి మేం ప్రయత్నిస్తాం. ఈ ప్రాజెక్ట్ ప్రపంచ స్థాయి జీవన అనుభవాన్ని అందిస్తుంది. ఆకర్షణీయమైన గ్లాస్ లిఫ్టర్‌లతో కూడిన స్కై లాంజ్, రూఫ్‌టాప్ ఇన్ఫినిటీ పూల్‌తో స్కై గార్డెన్, ప్యాడిల్ టెన్నిస్, పికిల్ బాల్ కోర్ట్, యోగా డెక్, అవుట్‌డోర్ జిమ్ వంటివి ప్రధాన ఆకర్షణలు. రెండు హెలిప్యాడ్‌లు, అన్ని టవర్లను అనుసంధానించే స్కై బ్రిడ్జి, 200,000+ చదరపు అడుగుల విస్తీర్ణంలో 7-అంతస్తుల సౌకర్యాలు, 50,000+ చదరపు అడుగుల క్లబ్‌హౌస్ వంటివి ఉన్నాయి” అని వివరించారు.