వారం వారం ఓటీటీలోకి డిఫరెంట్ కాన్సెప్ట్ మూవీస్ క్యూ కడుతూనే ఉంటాయి. ఈ వారం కూడా విభిన్న చిత్రాలు ఆడియన్స్ ను ఎంటర్ టైన్ చేసేందుకు వచ్చేశాయి. ఇందులో ఓ తమిళ్ మూవీ స్పెషల్ గా ఉంది. సూపర్ నేచురల్ హారర్ థ్రిల్లర్ గా వచ్చిన ఈ సినిమా స్టోరీ ఇంట్రెస్టింగ్ గా ఉంది. ఆ మూవీనే ‘జిన్: ది పెట్’. ఈ సినిమా ఈ రోజు (జూన్ 20) ఓటీటీలోకి వచ్చేసింది.

ఏ ఓటీటీలో అంటే

తమిళ్ సూపర్ నేచురల్ హారర్ థ్రిల్లర్ మూవీ జిన్: ది పెట్ శుక్రవారం ఓటీటీలోకి వచ్చేసింది. సన్ నెక్ట్స్ ఓటీటీలో డిజిటల్ స్ట్రీమింగ్ అవుతోంది. ఈ సినిమా ప్రస్తుతానికైతే తమిళంలో మాత్రమే అందుబాటులో ఉంది. ఈ రోజు నుంచే ఓటీటీలోకి వచ్చిన ఈ సూపర్ నేచురల్ థ్రిల్లర్ మూవీ ఆడియన్స్ ను ఎంగేజ్ చేసే అవకాశముంది. జిన్ అంటే ఇస్లామిక్ లో ‘ఫ్రీ విల్ తో ఉన్న సూపర్ నేచురల్ జీవి’ అని అర్థం. మంచి, చెడు శక్తులను ఇది హ్యాండిల్ చేయగలదు.

థియేటర్లో రెస్పాన్స్

తమిళ్ సినిమా జిన్: ది పెట్ మూవీ మే 30న థియేటర్లలో రిలీజ్ అయింది. గ్రిప్పింగ్ స్టోరీ లైన్ తో వచ్చిన ఈ మూవీ అంచనాలను మాత్రం అందుకోలేకపోయింది. థియేటర్లలో టాక్ ఏమంత గొప్పగా రాలేదు. హారర్ సీన్స్ బాగానే ఉన్నా ఆడియన్స్ ను మాత్రం ఎంగేజ్ చేయలేకపోయింది. మరి ఓటీటీలో ఈ మూవీకి ఎలాంటి రిజల్ట్ వస్తుందో చూడాలి.

ముగెన్ రావు, భవ్య లీడ్ రోల్ ప్లే చేసిన జిన్: ది పెట్ మూవీకి టీఆర్ బాలా డైరెక్టర్. ఫైయిరీ టేల్ పిక్చర్స్, ఏఆర్ టూరింగ్ టాకీస్ బ్యానర్లపై టీఆర్ బాలా, అనిల్ కుమార్ రెడ్డి, రాఘవేంద్ర బెల్లంకొండ సినిమాను ప్రొడ్యూస్ చేశారు.

కథ ఏమిటంటే?

శక్తి (ముగెన్ రావు)కి జీవితంలో వరుసగా ఎదురు దెబ్బలు తగులుతుంటాయి. జాబ్, లవ్ ఇలా ఏదీ కలిసిరాలేదు. ఆ సమయంలో ఓ మాంత్రికుడు జిన్ తో కూడిన ఓ మ్యాజిక్ బాక్స్ ను ఇస్తాడు. అది ఇంట్లోకి రాగానే శక్తి లైఫ్ మారిపోతుంది. ప్రియ (భవ్య)తో పెళ్లి జరుగుతుంది. అంతా బాగానే ఉంది అనుకునే టైమ్ లో ఆ జిన్ విచిత్రంగా ప్రవర్తిస్తుంది. ఆ బాక్స్ కారణంగా ఇంట్లో సమస్యలు వస్తాయి. నెగెటివ్ ఎనర్జీతో జిన్ దుష్టశక్తిగా మారేలా కనిపిస్తుంది.

ఆ టైమ్ లో బాక్స్ నుంచి బయటకు వచ్చే జిన్ అందరినీ భయపెడుతుంది. మరి ఆ జిన్ నుంచి హీరో ఎలా బయటపడ్డాడు? తన కుటుంబాన్ని ఎలా కాపాడుకున్నాడు? అసలు జిన్ కథ ఏమిటీ? అన్నదే స్టోరీ లైన్.