కన్నడ సినిమా ఇండస్ట్రీ నుంచి వచ్చిన లీగల్ థ్రిల్లర్ మూవీ యుద్ధకాండ ఛాప్టర్ 2. ఈ ఏడాది ఏప్రిల్ 18న థియేటర్లలో రిలీజైన ఈ సినిమా.. రెండు నెలల తర్వాత ఇప్పుడు ఓటీటీలోకి వచ్చింది. కన్నడతోపాటు తెలుగు, తమిళం, మలయాళం, హిందీ భాషల్లోనూ స్ట్రీమింగ్ అవుతుండటం విశేషం. ఐఎండీబీలో ఏకంగా 9.2 రేటింగ్ సొంతం చేసుకున్న సినిమా ఇది.

యుద్ధకాండ ఛాప్టర్ 2 ఓటీటీ స్ట్రీమింగ్

యుద్ధకాండ్ ఛాప్టర్ 2 సినిమా శుక్రవారం (జూన్ 20) నుంచి అమెజాన్ ప్రైమ్ వీడియోలో స్ట్రీమింగ్ అవుతోంది. ఈ మూవీకి మొదటి షో నుంచే పాజిటివ్ రివ్యూలు వచ్చాయి.

అలాంటి సినిమా ఇప్పుడు డిజిటల్ ప్రీమియర్ అయింది. ఒకేసారి కన్నడతోపాటు తెలుగు ఆడియోతోనూ రావడంతో ఇక్కడి ప్రేక్షకులను కూడా మూవీ అలరించబోతోంది. అజయ్ రావ్, అర్చన జోయిస్ లాంటి వాళ్లు నటించిన సినిమా ఇది.

యుద్ధకాండ ఛాప్టర్ 2 గురించి..

కన్నడ ఇండస్ట్రీ నుంచి కోర్టురూమ్ డ్రామాలు చాలా అరుదుగా వస్తుంటాయి. తాజాగా వచ్చిన యుద్ధకాండ ఛాప్టర్ 2 అలాంటి సినిమానే. పవన్ భట్ డైరెక్ట్ చేసిన ఈ సినిమాను తానే నిర్మించి లీడ్ రోల్లో నటించాడు అజయ్ రావు. ఈ మూవీ కోర్టులో జరిగే ఓ హత్యతో మొదలవుతుంది. ఈ హత్యను నివేదిత (అర్చన జోయిస్) చేసిందంటూ ఆమెపై ఐపీసీ 302 కింద కేసు నమోదవుతుంది. అయితే ఆమె తరఫున అడ్వొకేట్ భరత్ (అజయ్ రావు) కోర్టులో వాదిస్తాడు.

అవతలి వైపు అతని గురువు అయిన సీనియర్ లాయర్ రాబర్ట్ డిసౌజా (ప్రకాష్ బెలవాడి) ఉంటాడు. ఈ గురుశిశ్యుల కోర్ట్ రూమ్ డ్రామానే ఈ యుద్ధకాండ ఛాప్టర్ 2 మూవీ. ఈ సినిమాలో కోర్టు సన్నివేశాలు ఉత్కంఠభరితంగా ఉన్నాయి. మూవీలో అజయ్ రావు, అర్చన పోటాపోటీ నటన కూడా ప్రేక్షకులను ఆకట్టుకుంది. కోర్ట్ రూమ్ డ్రామాకు ఓ సోషల్ మెసేజ్ జోడించి తీసిన ఈ యద్ధకాండ ఛాప్టర్ 2 మూవీ అమెజాన్ ప్రైమ్ వీడియోలో అందుబాటులో ఉంది. తెలుగులోనూ స్ట్రీమింగ్ అవుతోంది.