నేటి కాలంలో కుటుంబ వ్య‌వ‌స్థ బ‌ల‌హీన ప‌డుతోంది. అందుకు కార‌ణం మ‌నుషుల మ‌ధ్య ఎమోష‌న్స్ లేక‌పోవ‌టమే.. భావోద్వేగాలే బంధాల‌ను క‌ల‌కాలం నిలుపుతాయి. రెండు వేర్వేరు కుటుంబాలు, నేప‌థ్యాల నుంచి వచ్చిన వ్య‌క్తులు క‌లిసి ప్ర‌యాణించాలంటే వారి మ‌ధ్య ఎమోష‌న్స్ ఇంకెంత బ‌లంగా ఉండాలో ప్ర‌త్యేకంగా చెప్ప‌క్క‌ర్లేదు.

మలయాళ నటుడితో

ఇలాంటి సునిశిత‌మైన అంశాన్ని హృద్యంగా తెర‌కెక్కిస్తున్నారు ద‌ర్శ‌కుడు తాతినేని స‌త్య‌. ఈయ‌న ద‌ర్శ‌క‌త్వంలో మెగా కోడలు, హీరోయిన్ లావ‌ణ్య త్రిపాఠి, మ‌ల‌యాళ న‌టుడు దేవ్ మోహన్ ప్ర‌ధాన పాత్ర‌ల్లో తెరకెక్కుతున్న చిత్రం ‘సతీ లీలావతి’.

డైరెక్టర్ గత సినిమాలు

ప్రముఖ నిర్మాణ సంస్థ ఆనంది ఆర్ట్స్ సమర్పణలో దుర్గాదేవి పిక్చ‌ర్స్ బ్యానర్‌పై నాగ‌మోహ‌న్ సతీ లీలావతి చిత్రాన్ని నిర్మిస్తున్నారు. ఈ సినిమాకు భీమిలీ కబడ్డీ జట్టు, ఎస్‌.ఎం.ఎస్‌ (శివ మ‌న‌సులో శృతి) ఫేమ్ తాతినేని స‌త్య దీన్ని రూపొందిస్తున్నారు.

ఎమోషనల్‌గానే కాకుండా

భార్యా భ‌ర్తల మ‌ధ్య ఉండే అనుబంధాన్ని ఎమోష‌నల్‌గానే కాకుండా కామెడీ ఎంట‌ర్‌టైనింగ్‌గానూ చెప్పే ప్ర‌య‌త్న‌మే స‌తీ లీలావ‌తి చిత్రం అని మేకర్స్ చెబుతున్నారు. సతీ లీలావతి సినిమా చిత్రీక‌ర‌ణ పూర్త‌య్యింది. పోస్ట్ ప్రొడ‌క్ష‌న్ కార్య‌క్ర‌మాలు శ‌ర‌వేగంగా జ‌రుగుతున్నాయి.

సతీ లీలావతి రిలీజ్ ప్లాన్

అనుకున్న ప్లానింగ్ ప్ర‌కారం మేక‌ర్స్ సినిమాను శ‌ర‌వేగంగా పూర్తి చేసి సతీ లీలావతి సినిమాను విడుద‌ల చేయ‌టానికి మేక‌ర్స్ స‌న్నాహాలు చేస్తున్నారు. ఫీల్ గుడ్ మూవీగా అందరినీ ఆకట్టుకునేలా, అన్ని వర్గాల ప్రేక్షకుల్ని మెప్పించేలా సతీ లీలావతి చిత్రాన్ని తెర‌కెక్కిస్తున్నారు.

కాళ్లు చేతులు నోరు కట్టేసి

అయితే, తాజాగా ఇవాళ (జూన్ 21) సతీ లీలావతి ఫస్ట్ లుక్ పోస్టర్‌ను మేకర్స్ రిలీజ్ చేశారు. ఇందులో కుర్చీలో దేవ్ మోహన్‌ కాళ్లు చేతులు కట్టేసి ఉంచారు. దేవ్ మోహన్ నోటికి కూడా కట్లు కట్టారు. అతనిముందు లావణ్య త్రిపాఠి మైక్ పట్టుకుని అరవడం ఫస్ట్ లుక్‌లో చూడొచ్చు.

మిక్కీ జే మేయర్ సంగీతం

భార్యాభర్తల మధ్య గొడవలను ఈ ఫస్ట్ లుక్‌తో చూపించినట్లుగా ఉంది. ఈ పోస్టర్ క్యూరియాసిటీ క్రియేట్ చేస్తోంది. ఇదిలా ఉంటే, సతీ లీలావతి సినిమాకు సంగీత దర్శకుడిగా మిక్కీ జే మేయర్ ఉన్నారు. అలాగే, కెమెరామెన్‌గా బినేంద్ర మీనన్, ఎడిటర్‌గా సతీష్ సూర్య పని చేస్తున్నారు.

కమల్ హాసన్ మూవీ టైటిల్

ఇదిలా ఉంటే, సతీ లీలావతి సినిమా 1995లో వచ్చిన సూపర్ హిట్ చిత్రం. ఈ సినిమాలో కమల్ హాసన్ హీరోగా చేశారు. కమల్ హాసన్ మూవీ టైటిల్‌తో వరుణ్ తేజ్ భార్య, మెగా కోడలు లావణ్య త్రిపాఠి సినిమా రావడం ఇంట్రెస్ట్ క్రియేట్ చేస్తోంది.