ఒళ్లు గగుర్పొడిచే వీడియో ఒకటి ప్రస్తుతం సోషల్​ మీడియాలో వైరల్​గా మారింది. ఓ ఇంట్లో.. ఓ గ్యాస్​ సిలిండర్​ లీక్​ అయ్యింది. సిలిండర్​ పైపు పాములా బుసలు కొట్టింది. సిలిండర్​ని ఫిక్స్​ చేసేందుకు ఇద్దరు ప్రయత్నించారు. కానీ కొంతసేపటికి భారీ పేలుడు సంభవించింది. ఆ దృశ్యాలు ఇంట్లోని సీసీటీవీ కెమెరాకు చిక్కాయి.

అసలేం జరిగింది..?

సోషల్​ మీడియాలో వైరల్​ అయిన ఈ గ్యాస్​ సిలిండర్​ లీక్​ వీడియో లొకేషన్​పై క్లారిటీ లేదు. కానీ ఈ ఘటన జూన్​ 18 మధ్యాహ్నం 3 గంటల ప్రాంతంలో జరిగినట్టు సీసీటీవీ ఫుటేజ్​ ద్వారా తెలుస్తోంది.

వీడియోలో ఒక ఇల్లు ఉంది. లీక్​ అవుతున్న సిలిండర్​ పైపును ఓ మహిళ పట్టుకుని కనిపించింది. కానీ ఆ సిలిండర్​ కింద పడి గిర్రగిర్ర తిరగడం మొదలుపెట్టింది. అది చూసి, ఆమె బయటకు పరుగులు తీసింది.అక్కడి నుంచి కొంతసేపటి వరకు ఆ సిలిండర్​లో గ్యాస్​ లీక్​ అవుతూ వచ్చింది. ఆ పైపు పాములా బుసలు కొట్టింది.

1 నిమిష తర్వాత.. గ్యాస్​ లీక్​ ఆగిపోయి, పైపు పడిపోయింది. ఇంతలో ఆ మహిళతో పాటు ఒక పురుషుడు ఇంటికి రెండువైపుల నుంచి లోపలికి ప్రవేశించారు. సిలిండర్​ని పైకి తీసే ప్రయత్నం చేశారు.

కానీ వెనక కిచెన్​లో నుంచి మంటలు మొదలయ్యాయి. వెంటనే భారీ పేలుడు సంభవించింది! హాల్​లో మంటలు అంటుకున్నాయి. ఆ మహిళ, పరుషుడు ప్రాణభయంతో బయటకు పరుగులు తీశారు.

సోషల్​ మీడియాలో వైరల్​గా మారిన దృశ్యాలను ఇక్కడ చూడండి :

ఘర్​ కే కలేష్​ అనే ట్విట్టర్​ అకౌంట్​ నంచి ఈ వీడియో అప్​లోడ్​ అయ్యింది.

“వాళ్లు అదృష్టవంతులు. కిటికీలు, డోర్లు ఓపెన్​ చేసి ఉండటంతో గ్యాస్​ బయటకు వెళ్లిపోయింది. పేలుడు ప్రభావం తక్కువగా ఉంది,” అని పోస్టు క్యాప్షన్​లో రాసి ఉంది.

ఈ వీడియోకి 12.5 మిలియన్​ వ్యూస్​ వచ్చాయి. నెటిజన్లు విపరీతంగా స్పందిస్తున్నారు.

“వాళ్లు చాలా అదృష్టవంతులు. ఒక్క సెకన్​ తర్వాత పెద్ద విషాదం జరిగుండేది,” అని ఒకరు కామెంట్​ చేశారు.

“ఈ పూర్తి వ్యవహారం తీవ్ర విషాదానికి దారి తీసేది. ప్రొఫెషనల్​ సాయం లేకుండా మీకు మీరుగా గ్యాస్​ లీక్​ని ఫిక్స్​ చేయాలని దయచేసి చూడకండి,” అని మరొకరు రాసుకొచ్చారు.

“వెన్నులో వణుకు వచ్చింది. ఏదో సినిమాలో సీన్​లా అనిపించింది. కానీ ఇది నిజంగా జరిగింది,” అని ఇంకొకరు కామెంట్​ చేశారు.

“చూడటానికే భయంగా ఉంది. కానీ, గ్యాస్​ వాసన వస్తుంటే మెయిన్​ వాల్వ్​ మూసేయండి,” అని ఓ నెటిజన్​ టిప్​ ఇచ్చారు.