వారిద్దరూ దంపతులు..! ఈజీ మనీ దిశగా ఆలోచించారు. ఇందుకోసం ఏకంగా వారు ఎంచుకున్న ఆప్షన్… న్యూడ్ వీడియోల వ్యాపారం. ఇందుకోసం ప్రత్యేకంగా ఓ సెటప్ ఏర్పాటు చేసుకున్నారు. పక్కా ప్రణాళికతో నిర్వాహకుల్లా వ్యవహరించారు. కానీ వారి న్యూడ్ వీడియోలనే ఆన్ లైన్ లో అప్ లోడ్ చేయడం, లైవ్ స్ట్రీమింగ్ ఆప్షన్ ఇవ్వటం వంటివి చేస్తున్నారు. ఒక్కో దానికి ఒక్కో రేటు నిర్ణయించి… ఈ సరికొత్త దందాను సాగిస్తున్నారు. విషయం పోలీసులు దృష్టికి రావటంతో…. వీరి వ్యవహారమంతా బయటికి వచ్చింది.

ఇన్‌స్టాగ్రామ్‌ ఖాతా ఓపెన్….

నగరంలోని అంబర్‌పేట ప్రాంతంలో నివసముంటున్న దంపతులు ఇదంతా చేస్తున్నట్లు పోలీసులు గుర్తించారు. అప్పులు ఎక్కువ అవ్వటంతో… సులభంగా డబ్బులు సంపాదించేందుకు ఈ మార్గాన్ని ఎంచుకున్నారు. ‘స్వీటీ తెలుగు కపుల్ 2027’ అనే పేరుతో ఇన్‌స్టాగ్రామ్‌లో ఒక ఖాతాను క్రియేట్ చేశారు. ఈ పేరు మీదనే వారి దందాను సాగించటం మొదలుపెట్టారు.

క్లిప్పింగులతో ఆకర్షించి….

వారి న్యూడ్ వీడియోలను క్లిప్పింగులుగా కట్ చేసి పోస్ట్ చేసేవారు. వీటి ద్వారా జనాలను ఆకర్షించే ప్రయత్నాలు షురూ చేశారు. పూర్తి వీడియో కావాలంటే నేరుగా మెసేజ్ చేయాలంటూ సూచనలు ఇచ్చేవారు. వీరిని అనుసరించి… సదరు నెంబర్లను ఆశ్రయించే వారికి రేట్లు చెప్పేవారు.

రికార్డ్ చేసిన వీడియో క్లిప్‌ కావాలంటే రూ.500గా నిర్ణయించినట్లు తెలిసింది. అంతేకాకుండా… లైవ్ స్ట్రీమింగ్ వీక్షించేందుకు రూ.2000 చెల్లించాలని బేరం పెట్టేవారు. ఇలా వీడియోలు, లింక్ లు పంపుతూ డబ్బులను అర్జిస్తున్నారు. గత కొద్ది నెలలుగా ఈ వ్యవహారం సాగుతున్నట్లు తెలుస్తోంది. ఈ విషయం కాస్త…టాస్ఖ్ ఫోర్స్ పోలీసుల దృష్టికి చేరటంతో… రంగంలోకి దిగారు. పక్కా ఆపరేషన్ నిర్వహించి… దంపతుల జాడను కనిపెట్టారు.

నేరుగా అక్కడికి చేరుకుని వీరి దందా వ్యవహారం గురించి పూర్తి తెలుసుకున్నారు. ఇంట్లో ఉన్న కొన్ని కెమెరాలు, లైటింగ్ పరికరాలు, కంప్యూటర్ తో పాటు హార్డ్ డిస్క్‌లను స్వాధీనం చేసుకున్నారు. వీరిపై ఐటీ చట్టంలోని పలు సెక్షన్ల కింద కేసు నమోదు చేసి… దర్యాప్తు చేస్తున్నారు. ఈ కేసుకు సంబంధించి పోలీసుల నుంచి అధికారికంగా మరిన్ని వివరాలు తెలియాల్సి ఉంది.