లేటెస్ట్ ఇంటర్వ్యూలో తన భార్య శోభిత ధూళిపాళ గురించి నాగ చైతన్య ఆసక్తికర విషయాలు పంచుకున్నాడు. హైదరాబాద్ లో ఉన్నప్పుడు శోభితాతో ఎలా గడుపుతానో చెప్పుకొచ్చాడు. మ్యాన్స్ వరల్డ్ ఇండియాతో మాట్లాడిన చైతన్య.. భార్యతో కలిసి బ్రేక్ ఫాస్ట్, డిన్నర్ ను పంచుకుంటామని చెప్పారు. ఆదివారాల్లో దంపతులు సినిమా చూసి, ఆర్డర్ చేసి, వాకింగ్ కు వెళ్తుంటారు.

క్రియేటివ్ పర్సన్స్

శోభిత ధూళిపాళకు డ్రైవింగ్ నేర్పించానని, అది కూడా రేస్ ట్రాక్ లో అని నాగ చైతన్య చెప్పాడు. శోభిత, తాను వెకేషన్స్ ప్లాన్ చేసుకోవడంలో ఎలాంటి టర్న్ తీసుకుంటామో కూడా పంచుకున్నాడు నాగచైతన్య. “ఆమె చదవడంలో ముందు ఉంది. నేను రేసింగ్ లో ఉన్నాను. కానీ మేమిద్దరం క్రియేటివ్ పర్సన్స్. సెలవులను ప్లాన్ చేసుకుంటాం. ఒకసారి ఆమె లీడ్ తీసుకుంటుంది. మరోసారి నేను” అని చై చెప్పుకొచ్చాడు.

రేస్ ట్రాక్ లో

పాదచారులు, ఇతర ఒత్తిడి లేకుండా రేస్ ట్రాక్ పై ఎలా డ్రైవింగ్ చేయాలో శోభితకు నేర్పిన సమయాన్ని గుర్తు చేసుకున్నాడు చైతన్య. “ఆమె డ్రైవింగ్ చేయడం ప్రారంభించిన తర్వాత, ఆపడానికి ఇష్టపడలేదు” అని అతను చెప్పాడు. మీరు ఎవరిని ఎక్కువగా ఆరాధిస్తారు అని అడిగినప్పుడు.. “చాలా మంది” అని సమాధానమిచ్చాడు. “మా నాన్న, అమ్మ తొలి రెండు స్థానాల్లో ఉంటారు. నా భార్యను మూడవ స్థానంలో ఉంచా” అని చైతన్య అన్నాడు. అక్కినేని నాగార్జున, అతని మొదటి భార్య లక్ష్మి దంపతుల కుమారుడు చైతన్య.

గతేడాది పెళ్లి

చైతన్య, శోభిత గత ఏడాది డిసెంబర్ 4న వివాహం చేసుకున్నారు. హైదరాబాద్ లోని ప్రఖ్యాత అన్నపూర్ణ స్టూడియోలో సన్నిహితులు, కుటుంబ సభ్యుల సమక్షంలో ఈ వేడుక జరిగింది. గత ఏడాది ఆగస్టులో శోభితతో తన నిశ్చితార్థ వేడుకకు సంబంధించిన ఫోటోలను షేర్ చేసి తన బంధాన్ని ధృవీకరించాడు చై. వీళ్లు పెళ్లికి ముందు కొన్నాళ్లు డేటింగ్ చేశారు.

చైతన్య గతంలో నటి సమంత రూత్ ప్రభును వివాహం చేసుకున్నారు. వీరిద్దరూ 2017లో వివాహం చేసుకున్నారు. 2021 అక్టోబర్లో ఒక సంయుక్త ప్రకటనలో వారు సోషల్ మీడియాలో విడిపోతున్నట్లు ప్రకటించారు.

చివరి సినిమాలు

చైతన్య చివరగా చందూ మొండేటి దర్శకత్వం వహించిన తెలుగు రొమాంటిక్ యాక్షన్ థ్రిల్లర్ చిత్రం తండేల్ లో కనిపించాడు. ఇందులో సాయి పల్లవి కూడా నటించింది. వందనా కటారియా దర్శకత్వం వహించిన లవ్, సితారలో శోభితను చివరిసారిగా అభిమానులు చూశారు. ఇందులో రాజీవ్ సిద్ధార్థ కూడా నటించారు. ఈ చిత్రం గత ఏడాది జీ5లో విడుదలైంది.