బ్రహ్మముడి సీరియల్‌ ఈరోజు ఎపిసోడ్‌‌లో కావ్యకు కాల్ చేసిన యామిని సిద్ధార్థ్‌ను పంపించింది నేనే అని, అర్జంట్‌గా బోర్డ్ మీటింగ్ పెట్టించింది నేనే. ఈ ఒక్కదానికి షాక్ అయితే ఎలా. నీకు ఇకనుంచి షాక్‌ల మీద షాక్‌లు ఇస్తాను. నేను అనుభవిస్తున్న బాధ నువ్వు అనుభవించాలి. అందుకే నీకు ఈ శిక్ష విధించాను. నీకు మిగిలి ఉంది కేవలం రెండే రోజులు అని యామిని అంటుంది.

48 గంటలు మాత్రమే

నీ పవర్స్ సిద్ధార్థ్ చేతులోకి వెళ్లకుండా ఎలా ఆపుతావ్ అని యామిని అంటుంది. నాకు 48 గంటలు కూడా కాదు ఒక్క మూమెంట్ దొరికినా నేను గెలుస్తాను అని కావ్య అంటుంది. నువ్ గెలవాలంటే ఒక్క దారి ఉంది. ఈ లోకానికి రాజ్ బతికి ఉన్నాడని నమ్మించాలి. అలా చేయాలంటే రామ్‌కు గతం చెప్పి రాజ్‌గా చూపించాలి. అలా చేయగలవా. లేదు. నీ కుటుంబంలో కూడా నీ స్థానం పోతుంది. ఉన్నన్ని రోజులు కంపెనీలో ఎంజాయ్ చేయు అని యామిని కాల్ కట్ చేస్తుంది.

మరోవైపు అప్పు పోలీస్ స్టేషన్ ముందు ఇద్దరు కొట్టుకుంటే కానిస్టేబుల్‌తో పిలిపిస్తుంది. అప్పు కట్టట్లేదని, రెండేళ్లు అవుతుందని వారిలో ఒకతను చెబుతాడు.రెండు రోజుల తర్వాత ఇస్తానంటున్నాడుగా అని అప్పు అంటుంది. రెండు రోజుల తర్వాత మీకే డబ్బు ఇస్తాను. మీరే వాడికి ఇవ్వండి అతను, మీరే ఇవ్వండి. నాకు ఇవ్వకున్నా ఇచ్చానని చెబుతాడు అని మరో అతను అంటాడు.

బుట్టలో పడిన అప్పు

దాంతో అప్పు సరే అంటుంది. కొట్టుకున్న ఆ ఇద్దరు అప్పు మేడమ్ ఇంత త్వరగా బుట్టలో పడుతుంది అనుకోలేదు. వెంటనే యామిని మేడమ్‌కు ఫోన్ చేసి చెప్పాలి అని కాల్ చేసి చెబుతారు. ఆ అమౌంట్ నేను పంపించిస్తాను. ఆ అప్పు మాత్రం మన ఉచ్చులో నుంచి బయటపడకూడదు అని యామిని కాల్ కట్ చేస్తుంది. ఒసేయ్ అప్పు నన్ను చెంప దెబ్బ కొట్టావ్‌గా ఈసారి నేను కొట్టబోయే దెబ్బ ఎలా ఉంటుందో చూడు అని యామిని అనుకుంటుంది.

మరోవైపు ఇంట్లో రాజ్ కార్టూన్ చూస్తూ నవ్వుతుంటాడు. ఇంతలో రాజ్‌కు కావ్య కాల్ చేస్తుంది. మీతో అర్జంట్‌గా ఒక ముఖ్యమైన విషయం మాట్లాడాలి. ఇక్కడికి రండి అని కావ్య అంటే ప్రేమ గురించే అయింటుంది అని రాజ్ అనుకుంటాడు. మీ మనవరాలికి సిగ్గు ఎక్కువ అనుకుంటా సీక్రెట్‌గా కలవలానుకుంటుంది. నేను గుడ్ న్యూస్‌తో వచ్చేస్తాను అని ఇందిరాదేవి, అపర్ణకు చెప్పి బయలుదేరుతాడు రాజ్.

ముఖ్యమైన విషయం అన్నారు

వెళ్లి కావ్యను కలుస్తాడు రాజ్. ఏదో ముఖ్యమైన విషయం అన్నారు. ఏంటది అని రాజ్ అడుగుతాడు. మీకు ఇది వరకు మా బాస్ గురించి చెప్పానుగా. ఆయనకు ఇప్పుడు సమస్య వచ్చింది అని సిద్ధార్థ్ గురించి చెబుతుంది కావ్య. అయితే, మీ బాస్‌ను రమ్మనండి అని రాజ్ అంటాడు. ఆయన రాలేరు. దాదాపుగా యాక్సిడెంట్ అయినట్లే. ఆయనకు బదులు మీరు ఆఫీస్‌కు రావొచ్చుగా అని కావ్య అడుగుతుంది.

దాంతో రాజ్ కంగారుపడిపోతాడు. ఈసారి మీ బాస్‌లాగే మార్చేస్తాను అంటే ఎలా ఒప్పుకుంటాను అని రాజ్ అంటాడు. మీరు నాలాంటి వాళ్లకు ఎందుకు హెల్ప్ చేస్తారు. యామిని వాళ్లలాంటి కోసం అయితే చచ్చిపోతానంటే పెళ్లి చేసుకుంటారు అని అలుగుతుంది కావ్య. తర్వాత సిద్ధార్థ్ చెడ్డతనం గురించి, ఉద్యోగుల పరిస్థితి గురించి చెబుతుంది కావ్య.

చీటింగ్ కేసు పెడతారు

నా మీద చీటింగ్ కేసు పెడతారండి అని రాజ్ అంటే కావ్య అదంతా నేను చూసుకుంటాను అంటుంది. ఒప్పుకోక తప్పుతుందా. సరే చేసేద్దాం అని రాజ్ అంటాడు. దాంతో రాజ్‌ను ప్రేమగా హగ్ చేసుకుంటుంది కావ్య. ఎమోషనల్ అవుతుంది. దాంతో రాజ్ సంతోషిస్తాడు. రాజ్ కూడా రెండు చేతులు వేసి హగ్ చేసుకోబోతుంటే కావ్య సిగ్గుపడుతూ దూరంగా జరుగుతుంది. అలా రాజ్‌తోనే యామినిని దెబ్బకొట్టాలని ప్లాన్ చేస్తుంది కళావతి.

ఇక మీకు బాస్‌లా ట్రైనింగ్ ఇవ్వాలిగా. పదండి ఇంటికి అని కావ్య రాజ్‌ను తీసుకెళ్తుంది. అసలు మీ బాస్ ఎలాంటి వాడు అని రాజ్ అడుగుతాడు. దాంతో తన భర్త రాజ్ గురించి రాజ్‌కే చెబుతుంది కావ్య. మంచివాడి ముసుగులో ఉన్న చెడ్డవాడు అయింటాడు. లేదా చెడ్డవాడు అనిపించుకుంటూ మంచి పనులు చేసే మంచి మనసున్న వాడిలా ఉన్నాడు అని రాజ్ అంటాడు.

హగ్ చేసుకున్న రేవతి

రోడ్డు మీద రేవతి తన కొడుకు రెండు వేలు పెట్టి షూ కొనలేకపోతుంది. అది చూసిన కావ్య, రాజ్ ఆ షూస్ కొని రేవతి ఇంటికి తీసుకెళ్తారు. అక్కడ రాజ్‌ను చూసిన రేవతి ఏడుస్తూ ఎలా ఉన్నావురా అని హగ్ చేసుకుంటుంది. అక్కడితో నేటి బ్రహ్మముడి సీరియల్ ఎపిసోడ్ ముగుస్తుంది.