ఓటీటీలో హారర్ థ్రిల్లర్ జానర్ సినిమాలు ఇష్టపడే వారి కోసం మరో మూవీ వస్తోంది. ఈ తమిళ మూవీ పేరు పరమశివన్ ఫాతిమా (Paramashivan Fathima). టైటిల్ వెరైటీగా ఉంది కదూ. మూవీ స్టోరీ మరింత వెరైటీగా ఉంటుంది. గత నెల 6న థియేటర్లలో రిలీజైన ఈ సినిమా నెల రోజుల్లోపే ఇప్పుడు డిజిటల్ ప్రీమియర్ కు సిద్ధమైంది.

పరమశివన్ ఫాతిమా ఓటీటీ రిలీజ్ డేట్

తమిళ హారర్ థ్రిల్లర్ మూవీ పరమశివన్ ఫాతిమా వచ్చే శుక్రవారం (జులై 4) నుంచి ఆహా తమిళం ఓటీటీలో స్ట్రీమింగ్ కానుంది. ఈ విషయాన్ని ఆ ఓటీటీ మంగళవారం (జులై 1) వెల్లడించింది.

“ఈ కథను తెలుసుకుందాం”, “దీని తర్వాత ఏం జరుగుతుంది” అనే క్యాప్షన్లతో రెండు ట్వీట్స్ చేసింది. ఓ పోస్టర్, మరో వీడియో రిలీజ్ చేసింది. జూన్ 6న థియేటర్లలో రిలీజై ఐఎండీబీలో 7.4 రేటింగ్ సాధించిన ఈ మూవీ నెల రోజుల్లోపే ఓటీటీలోకి వచ్చేస్తోంది.

పరమశివన్ ఫాతిమా మూవీ గురించి..

పరమశివన్ ఫాతిమా మూవీలో విమల్, ఛాయా దేవి, ఎమ్మెస్ భాస్కర్ లాంటి వాళ్లు నటించారు. మూవీని ఇసక్కి కర్వన్నన్ డైరెక్ట్ చేశాడు. దీపక్ చక్రవర్తి మ్యూజిక్ అందించాడు. ఈ హారర్ థ్రిల్లర్ సినిమాకు ఎ సర్టిఫికెట్ లభించింది. ఇది రెండు ఊళ్ల చుట్టూ తిరిగే స్టోరీ.

ఓ ఊళ్లో హిందువులు ఎక్కువుగా ఉంటే.. మరో ఊళ్లో క్రిస్టియన్ జనాభా ఎక్కువ. అయితే ఈ రెండు ఊళ్లలోనూ కొన్ని వరుస హత్యలు జరుగుతుంటాయి. గతంలో జరిగిన మత ఘర్షణలకు ప్రతీకారం తీర్చుకోవడానికి ఆత్మలు చేసే హత్యలుగా అక్కడి వాళ్లు భావిస్తుంటారు. తర్వాత ఏం జరిగిందన్నది ఈ సినిమాలో చూడాలి.

ఈ మూవీకి చాలా వరకు నెగటివ్ రివ్యూలే వచ్చాయి. సినిమా కథనం కూడా ముందే అంచనా వేసేలా ఉండటంతో హారర్ థ్రిల్లర్ జానర్ కు అర్థం లేకుండా పోయిందన్న విమర్శలూ వచ్చాయి. మరి ఆహా తమిళం ఓటీటీలో ఈ సినిమాకు ఎలాంటి రెస్పాన్స్ వస్తుందన్నది చూడాలి.