




Best Web Hosting Provider In India 2024

ఏపీ, తెలంగాణ వెదర్ అప్డేట్స్ : మరో 3 రోజులు భారీ వర్షాలు – ఈ ప్రాంతాలకు ఐఎండీ హెచ్చరికలు
తెలుగు రాష్ట్రాలకు ఐఎండీ మరోసారి బిగ్ అలర్ట్ ఇచ్చింది. మరో మూడు రోజుల పాటు మోస్తారు నుంచి భారీ వర్షాలు కురిసే అవకాశం ఉందని పేర్కొంది. ఈ మేరకు పలు జిల్లాలకు హెచ్చరికలను జారీ చేసింది.
తెలుగు రాష్ట్రాలకు వాతావరణశాఖ మరోసారి హెచ్చరికలను జారీ చేసింది. మరో రెండు మూడు రోజుల పాటు మోస్తారు నుంచి భారీ వర్షాలు పడే అవకాశం ఉందని తెలిపింది. ప్రజలంతా అప్రమత్తంగా ఉండాలని సూచించింది. పలు జిల్లాలకు ఎల్లో హెచ్చరికలు జారీ అయ్యాయి.
ఏపీకి భారీ వర్ష సూచన…
ఏపీలో మరో మూడు రోజులపాటు పిడుగులతో కూడిన మోస్తారు నుంచి భారీ వర్షాలు అవకాశం ఉందని ఏపీ విపత్తుల నిర్వహణ సంస్థ పేర్కొంది. ప్రజలు అప్రమత్తంగా ఉండాలని సూచించింది.
ఇవాళ(జూలై 19) శ్రీకాకుళం,విజయనగరం, మన్యం,ఎన్టీఆర్,గుంటూరు,బాపట్ల, పల్నాడు,ప్రకాశం,నెల్లూరు,కర్నూలు, నంద్యాల, అనంతపురం,శ్రీ సత్యసాయి, వైఎస్సార్,అన్నమయ్య,చిత్తూరు, తిరుపతి జిల్లాల్లో మోస్తారు నుంచి భారీ వర్షాలు కురిసే అవకాశం ఉందని హెచ్చరించింది. విశాఖ,అనకాపల్లి, కాకినాడ,ఏలూరు,కృష్ణా జిల్లాల్లో కొన్నిచోట్ల పిడుగులతో కూడిన తేలికపాటి నుంచి మోస్తారు వర్షాలు పడొచ్చని అంచనా వేసింది.
తెలంగాణలోనూ భారీ వర్షాలు…
ఇక తెలంగాణలోనూ భారీ వర్షాలు పడనున్నాయి. శుక్రవారం హైదరాబాద్ తో పాటు పలుచోట్ల భారీ వర్షం కురిసింది. మరో రెండు మూడు రోజుల కూడా ఇదే పరిస్థితులు ఉండే అవకాశం ఉంది.
హైదరాబాద్ వాతావరణ కేంద్రం బులెటిన్ ప్రకారం….ఇవాళ (జూలై 19) రాష్ట్రంలోని పలుచోట్ల తేలికపాటి నుంచి ఒక మోస్తారు వర్షాలు పడొచ్చు. అయితే సిద్ధిపేట, రంగారెడ్డి, హైదరాబాద్, మేడ్చల్, వికారాబాద్, సంగారెడ్డి, మెదక్, కామారెడ్డి, మహబూబ్ నగర్, నాగర్ కర్నూల్ జిల్లాల్లో భారీ వర్షాలు పడ్ అవకాశం ఉంది. మరికొన్నిచోట్ల 30 – 40 కిమీ వేగంతో బలమైన ఉపరితల గాలులు వీస్తాయి.
రేపు రంగారెడ్డి, సంగారెడ్డి, నాగర్ కర్నూల్, వనపర్తి జిల్లాల్లో భారీ వర్షాలు పడొచ్చని హైదరాబాద్ వాతావరణ కేంద్రం తెలిపింది. ఈ జిల్లాలకు ఎల్లో హెచ్చరికలను జారీ చేసింది. మరికొన్నిచోట్ల ఉరుములు, మెరుపులతో కూడిన వర్షాలు పడే అకాశం ఉందని పేర్కొంది. జూలై 22వ తేదీన కూడా పలు జిల్లాల్లో భారీ వర్షాలు పడే ఛాన్స్ ఉంది.
టాపిక్