ఇప్పుడు ఇండియాలో ఒక మూవీ గురించి ఎక్కువగా డిస్కషన్ జరుగుతోంది. చిన్న సినిమాగా వచ్చిన ఈ హారర్ థ్రిల్లర్ బాక్సాఫీస్ దగ్గర అదరగొడుతోంది. ముఖ్యంగా సోషల్ మీడియాలో ఈ మూవీ గురించి పోస్టులు కుప్పలు తెప్పలుగా వస్తున్నాయి. ఇంటర్నెట్ లో ట్రెండింగ్ గా ఉంది ఈ సినిమా. అదే ‘వశ్ లెవల్ 2’. సూపర్ హిట్ ‘వశ్’ మూవీకి సీక్వెల్ గా వచ్చింది ఈ సూపర్ నేచురల్ సైకలాజికల్ హారర్ థ్రిల్లర్. బాక్సాఫీస్ ను షేక్ చేస్తున్న ఈ మూవీ ఓటీటీ రిలీజ్ పై బజ్ నెలకొంది.

సూపర్ హిట్

సూపర్ నేచురల్ సైకలాజికల్ హారర్ థ్రిల్లర్ ‘వశ్ లెవల్ 2’ సినిమాపై అన్ని వర్గాల నుంచి ప్రశంసలు కురుస్తున్నాయి. ఈ గుజరాతీ ఫిల్మ్ వేరే లెవల్ అంటూ నెటిజన్లు కామెంట్లు చేస్తున్నారు. గ్రిప్పింగ్ స్టోరీ లైన్, థ్రిల్ పంచే సీన్లతో మూవీ అదిరిపోయిందని అంటున్నారు. ఆగస్టు 27న థియేటర్లలో రిలీజైన ఈ మూవీ సూపర్ హిట్ టాక్ తెచ్చుకుంది. కేవలం రూ.5 కోట్ల బడ్జెట్ తో తెరకెక్కిన ఈ సినిమా ఇప్పటికే డబుల్ కలెక్షన్లు రాబట్టింది.

ఏ ఓటీటీలోకి?

హారర్ థ్రిల్లర్ ‘వశ్ లెవల్ 2’ ఓటీటీ రిలీజ్ పై బజ్ నెలకొంది. బిగ్ బాస్ తెలుగు సీజన్ 6లో అలరించిన బ్యూటీ మోనాల్ గజ్జర్ ఈ మూవీలో కీ రోల్ ప్లే చేసింది. ఈ సినిమా షీమారోమీ ఓటీటీలోకి వచ్చేందుకు ఎక్కువ అవకాశాలున్నాయి. థియేటర్లలో మూవీ బాగా నడుస్తోంది కాబట్టి కనీస విండో నాలుగు వారాల నుంచి ఎనిమిది వారాల వరకూ ఈ మూవీ ఓటీటీలోకి వచ్చే సంకేతాలు కనిపిస్తున్నాయి. అంటే ఈ మూవీని డిజిటల్ స్ట్రీమింగ్ లో చూడాలంటే కనీసం మరో నెల వెయిట్ చేయక తప్పదు.

కథ ఏమిటంటే?

దెయ్యం నుంచి 12 ఏళ్ల క్రితం తన కూతురు ఆర్యను కాపాడుకుంటాడు అథర్వ. కానీ ఆ ప్రాబ్లెం తిరిగి వస్తుంది. తన కూతురితో పాటు ఆమె స్నేహితులు పాఠశాలలో ఎవరో ఆడించే బొమ్మలుగా మారిపోతారు. దీంతో అథర్వ మరోసారి కూతురిని రక్షించుకోవడానికి సిద్ధమవుతాడు. అసలు ఆ దెయ్యం ఎవరు? ఆర్యకు ఏమైంది? అనేది తీవ్రమైన ఉత్కంఠ కలిగిస్తుంది.

ఈ సినిమాలో ఆర్యగా జానకి బోడీవాలా అద్భుతంగా నటించింది. హితు కనోడియా, హితెన్ కుమార్, మోనాల్ గజ్జర్, విశ్వ రావల్ తదితరులు తమ పాత్రలు గొప్పగా పోషించారు. ఈ సినిమాకు క్రిష్ణదేవ్ యాగ్నిక్ డైరెక్టర్. కథ కూడా ఆయనదే. కల్పేష్ సోని, కృనాల్ సోని ప్రొడ్యూసర్లు.