కళ్యాణి ప్రియదర్శన్ లీడ్ రోల్ లో నటించిన సూపర్ హీరో సినిమా ‘లోకా చాప్టర్ 1: చంద్ర’ థియేటర్లలో అదరగొడుతోంది. ప్రపంచవ్యాప్తంగా బాక్స్ ఆఫీస్ వద్ద దూసుకుపోతోంది. ప్రారంభంలోనే మంచి స్టార్ట్ ఇచ్చిన ఈ మలయాళ యాక్షన్ సినిమా వీక్ డేస్ లో కూడా అద్భుతంగా రాణించింది. దీంతో ఏడు రోజుల్లోనే ప్రపంచవ్యాప్తంగా రూ.105.50 కోట్ల వసూళ్లు సాధించింది.

లోకా ఇండియాలో ఇలా

ఆగస్టు 28న లోకా చాప్టర్ 1 మూవీ థియేటర్లలో రిలీజైంది. దీనికి స్టార్ హీరో దుల్కర్ సల్మాన్ ప్రొడ్యూసర్. మలయాళ తొలి ఫీమేల్ సూపర్ హీరో మూవీ ఇది. ఏడో రోజు ముగిసే సరికి ఈ సినిమా ఇండియాలో రూ.46 కోట్ల నెట్ కలెక్షన్లు సొంతం చేసుకుంది. దేశీయ గ్రాస్ కలెక్షన్లు రూ.53.50 కోట్లుగా ఉన్నాయి. మొదటి సోమవారం కలెక్షన్లలో కేవలం 28% తగ్గుదల మాత్రమే నమోదు కాగా, మంగళవారం ఆశ్చర్యకరంగా 6% పెరుగుదల కనిపించింది. బుధవారం కేవలం 12% తగ్గుదలతో పెద్ద ఎదురుదెబ్బ తప్పించుకుంది.

లోకా రూ.100 కోట్లు

విదేశాల్లోనూ లోకా చాప్టర్ 1 అద్భుతంగా రాణిస్తోంది. మిడిల్ ఈస్ట్ కంట్రీస్, యుఎస్ లో బలమైన ప్రదర్శనల ద్వారా దీనికి మరింత ఊపు లభించింది. ట్రేడ్ అంచనాల ప్రకారం లోకా చాప్టర్ 1 విదేశాల్లో $6 మిలియన్లు (రూ.52 కోట్ల గ్రాస్) వసూలు చేసింది. దీంతో ఏడు రోజుల తర్వాత దాని ప్రపంచవ్యాప్త వసూళ్లు రూ.105.50 కోట్లకు చేరుకున్నాయి. కేవలం రూ.30 కోట్ల బడ్జెట్ తో తెరకెక్కిన లోకా అదిరే కలెక్షన్లు రాబడుతుంది.

ఆ సినిమాలను దాటి

లోకా చాప్టర్ 1 దక్షిణాది సూపర్ హిట్లను ఓడించింది. ప్రపంచవ్యాప్త బాక్స్ ఆఫీస్ వద్ద లోకా చాప్టర్ 1 నేరు (రూ.86 కోట్లు), భీష్మ పర్వం (రూ.89 కోట్లు), గురువాయూర్ అంబలనడయిల్ (రూ.90 కోట్లు) వంటి అనేక మలయాళ హిట్ చిత్రాల లైఫ్ టైమ్ కలెక్షన్లను అధిగమించింది. అలాగే కళ్యాణి ప్రియదర్శన్ నటించిన ఈ చిత్రం ప్రస్తుతం అత్యధిక వసూళ్లు సాధించిన ఫీమేల్ లీడ్ దక్షిణాది చిత్రం కూడా నిలిచింది. కీర్తి సురేష్ నటించిన మహానటి (రూ.85 కోట్లు), అనుష్క శెట్టి నటించిన అరుంధతి (రూ.69 కోట్లు) బాక్స్ ఆఫీస్ వసూళ్లను దాటేసింది.

లోకా చాప్టర్ 1 గురించి

డొమినిక్ అరుణ్ దర్శకత్వం వహించి, దుల్కర్ సల్మాన్ నిర్మించిన సినిమా లోకా చాప్టర్ 1. దుల్కర్ వేఫరర్ సినిమాటిక్ యూనివర్స్ లో ఇది ఫస్ట్ పార్ట్. ఈ చిత్రంలో నాస్లెన్, సాండీ, అరుణ్ కురియన్, చందు సాలిమ్కుమార్, నిశాంత్ సాగర్, రాఘునాథ్ పాలేరి, విజయరాఘవన్, నిత్య శ్రీ మరియు శరత్ సభా కూడా నటించారు. ఈ చిత్రం విమర్శకుల నుండి సర్వత్రా ప్రశంసలు అందుకుంది.