కన్నడ సూపర్ హిట్ యాక్షన్ డ్రామా కోత్తలవాడి (Kothalavadi) డిజిటల్ ప్రీమియర్ కు సిద్ధమైంది. ఆగస్టు 1న థియేటర్లలో రిలీజైన ఈ సినిమాకు పాజిటివ్ రివ్యూలు వచ్చాయి. ప్రేక్షకులు ఈ సినిమాకు ఐఎండీబీలో 8.9 రేటింగ్ ఇచ్చారు. దీంతో ఈ సినిమా ఓటీటీ రిలీజ్ పై ఆసక్తి నెలకొంది.

కోత్తలవాడి ఓటీటీ రిలీజ్ డేట్

కోత్తలవాడి ఓ కన్నడ రూరల్ యాక్షన్ డ్రామా. ఈ సినిమా థియేటర్లలో రిలీజైన నెల రోజుల తర్వాత శుక్రవారం (సెప్టెంబర్ 5) నుంచి అమెజాన్ ప్రైమ్ వీడియోలో స్ట్రీమింగ్ కానుంది. ఈ మధ్యే ఈ మూవీ డైరెక్టర్ పుష్ప అరుణ్‌కుమార్ ఈ సినిమా ఐదు భాషల హక్కులను ప్రైమ్ వీడియోకి ఇచ్చినట్లు వెల్లడించాడు.

దీంతో ఇప్పుడీ కోత్తలవాడి కన్నడతోపాటు తెలుగు, మలయాళం, తమిళం, హిందీల్లోనూ స్ట్రీమింగ్ కాబోతోంది. ఈ సినిమాకు థియేటర్లలో పాజిటివ్ రివ్యూలు వచ్చిన నేపథ్యంలో ఓటీటీలో మరింత మంచి రెస్పాన్స్ వస్తుందని భావిస్తున్నారు.

కోత్తలవాడి మూవీ గురించి..

కోత్తలవాడి సినిమాలో పృథ్వీ అంబర్, గోపాలకృష్ణ దేశ్‌పాండేలతోపాటు కావ్య శైవ, రాజేష్ నటరంగాలాంటి వాళ్లు కూడా నటించారు. ఈ రూరల్ యాక్షన్ డ్రామా కోత్తలవాడి అనే ఊరి చుట్టూ తిరుగుతుంది. అక్కడి ఓ అవినీతి వ్యక్తి గ్రామస్థులను అక్రమ ఇసుక తవ్వకాలకు పురిగొల్పుతాడు. అయితే ఈ క్రమంలో వారి మధ్య ఆధిపత్య పోరు మొదలవుతుంది.

అలాంటి పరిస్థితుల్లో ఆ గ్రామస్థులు ఏం చేశారన్నది ఈ కోత్తలవాడి సినిమా కథ. ఈ మూవీకి మొదటి షో నుంచే పాజిటివ్ రివ్యూలు వచ్చాయి. దాదాపు ప్రతి వెబ్ సైట్ కనీసం 3 స్టార్ రేటింగ్ ఇచ్చింది. అంతేకాదు అటు ప్రేక్షకులు కూడా ఐఎండీబీలో 8.9 రేటింగ్ ఇవ్వడం విశేషం. 2 గంటల 44 నిమిషాల నిడివితో వచ్చిన ఈ సినిమాలో లీడ్ రోల్స్ నటనకు కూడా ప్రశంసలు దక్కాయి.

ఈ సినిమాను డైరెక్ట్ చేసిన పుష్ప అరుణ్‌కుమార్ కు ఇదే తొలి మూవీ. అయినా ప్రేక్షకులను ఆకట్టుకోవడంలో సక్సెస్ అయ్యాడు. మరి ఈ సినిమాకు ప్రైమ్ వీడియోలో ఎలాంటి రెస్పాన్స్ వస్తుందో చూడాలి. మరికొన్ని గంటల్లోనే సినిమా డిజిటల్ ప్రీమియర్ కానుంది.