ఈ మధ్యే ఓటీటీలోకి వచ్చిన తమిళ కామెడీ థ్రిల్లర్ మూవీ మారీశన్ తెలుగు ప్రేక్షకులను కూడా బాగా ఆకట్టుకుంది. ఇప్పుడు అలాంటిదే మరో తమిళ కామెడీ థ్రిల్లర్ మూవీ ఓటీటీలోకి వస్తోంది. నిజానికి ఇప్పటికే ఓ ఓటీటీలో ఉన్న ఈ సినిమా.. రెండేళ్ల తర్వాత రెండో ఓటీటీలోకి అడుగుపెడుతోంది.

తందట్టి ఓటీటీ రిలీజ్ డేట్

ఈ తమిళ కామెడీ థ్రిల్లర్ మూవీ పేరు తందట్టి (Thandatti). ఈ సినిమా ఇప్పటికే ప్రైమ్ వీడియోలో స్ట్రీమింగ్ అవుతోంది. ఇప్పుడు సన్ నెక్ట్స్ ఓటీటీలోకి కూడా రానుంది. శుక్రవారం (సెప్టెంబర్ 5) నుంచి ఈ సినిమా స్ట్రీమింగ్ కానున్నట్లు ఆ ఓటీటీ తెలిపింది.

“ఓ తెలివైన కథ, లోతైన ఎమోషన్స్, మీరు ఊహించని ఓ ట్విస్ట్. తందట్టి రేపటి నుంచి సన్ నెక్ట్స్ లో స్ట్రీమింగ్ కాబోతోంది” అనే క్యాప్షన్ తో ఆ ఓటీటీ ఈ విషయం వెల్లడించింది.

తందట్టి మూవీ గురించి..

తమిళ కామెడీ థ్రిల్లర్ మూవీ తందట్టి జూన్, 2023లో రిలీజైంది. ఇదొక డిఫరెంట్ స్టోరీతో వచ్చిన సినిమా. రిటైర్మెంట్ కు దగ్గరలో ఉన్న ఓ కానిస్టేబుల్ కు ఓ క్లిష్టమైన కేసు తగులుకుంటుంది. అది ఓ చనిపోయిన ముసలావిడ చెవి దుద్దులు కనిపించకుండాపోయిన కేసు. ఈ సినిమాను రామ్ సంగయ్య డైరెక్ట్ చేశాడు. పశుపతి, రోహిణి, వివేక్ ప్రసన్న, అమ్ము అభిరామిలాంటి వాళ్లు నటించారు.

కానిస్టేబుల్ వీర సుబ్రమణి పాత్రలో పశుపతి నటనకు మంచి ప్రశంసలు దక్కాయి. ఈ మూవీ థియేటర్లలో రిలీజైనప్పుడు పాజిటివ్ రివ్యూలు వచ్చాయి. ఐఎండీబీలో 6.7 రేటింగ్ నమోదైంది. ఈ సినిమా ఇప్పటికే అమెజాన్ ప్రైమ్ వీడియోలో స్ట్రీమింగ్ అవుతోంది. ఇక ఇప్పుడు సన్ నెక్ట్స్ ఓటీటీలోకి కూడా రాబోతోంది.

ఇక ఈ మధ్యే తమిళ కామెడీ థ్రిల్లర్ అయిన మారీశన్ నెట్‌ఫ్లిక్స్ లోకి వచ్చిన విషయం తెలిసిందే. వడివేలు, ఫహాద్ ఫాజిల్ లీడ్ రోల్స్ లో నటించిన ఈ సినిమా బాక్సాఫీస్ దగ్గర సక్సెస్ కావడంతోపాటు ఓటీటీలోనూ దూసుకెళ్తోంది. ఇప్పుడు అలాంటిదే మరో సినిమా వస్తుండటంతో వీకెండ్ అభిమానులకు మంచి టైంపాస్ కానుంది.