సుజీత్ దర్శకత్వం వహించిన గ్యాంగ్‌స్టర్ చిత్రం ‘ఓజీ’ సెప్టెంబర్ 25న విడుదలై బాక్సాఫీస్ ను షేక్ చేస్తోంది. పవన్ కళ్యాణ్ నటించిన ఈ చిత్రం ప్రపంచవ్యాప్తంగా రూ.200 కోట్ల కలెక్షన్లు రాబట్టింది. పవన్ సినీ కెరీర్ లో ఇదే అత్యధిక వసూళ్లు సాధించిన సినిమాగా నిలిచింది. రూ.200 కోట్ల సినిమా పవన్ కు ఇదే మొదటిది.

ఓజీ కలెక్షన్స్

ఓజీ.. పవన్ కల్యాణ్ కెరీర్‌లోనే అత్యధిక వసూళ్లు సాధించిన చిత్రంగానే కాకుండా, ఆయనకు ఇది మొదటి రూ. 200 కోట్ల సినిమా కూడా. సక్నిల్క్ ప్రకారం ఈ తెలుగు చిత్రం శనివారం నాటికి భారతదేశంలో రూ. 121.70 కోట్ల నికర వసూళ్లు రాబట్టింది. దీనికి ఓవర్సీస్ నుండి వచ్చిన రూ. 55 కోట్ల వసూళ్లను కలిపితే, ఓజీ శనివారం నాటికి ప్రపంచవ్యాప్తంగా మొత్తం రూ. 200.85 కోట్లు వసూలు చేసింది. రామ్ చరణ్ ‘గేమ్ ఛేంజర్‘ (రూ. 186.25 కోట్లు), సల్మాన్ ఖాన్ ‘సికిందర్’ (రూ. 184.6 కోట్లు) వసూళ్లను ఇది అధిగమించింది.

ఓజీ డే4

భారతదేశంలో నాలుగు రోజుల్లో రూ. 130 కోట్ల మార్కును దాటి, మొదటి వారాంతంలో మంచి వసూళ్లు సాధించే దిశగా సాగుతోంది ఓజీ. సక్నిల్క్ ప్రకారం ఆదివారం (సెప్టెంబర్ 28) సాయంత్రం 6 గంటల వరకు ఇండియాలో సుమారు రూ. 13.05 కోట్లు వసూలు చేసింది. దీంతో మొత్తం ఇండియా కలెక్షన్లు రూ. 134.75 కోట్లకు చేరుకున్నాయి. ఈ చిత్రం ప్రీమియర్‌ల ద్వారానే రూ.21 కోట్లు రాబట్టింది. మొదటి రోజు రూ. 63.75 కోట్ల ఓపెనింగ్ సాధించింది. శుక్రవారం 70% వసూళ్లు తగ్గినప్పటికీ ఓజీ రూ. 18.75 కోట్లు వసూలు చేసింది. శనివారం కూడా రూ. 18.5 కోట్లు రాబట్టి తన జోరును కొనసాగించింది.

తెలుగు నుంచే

ఓజీ వసూళ్లలో ఎక్కువ భాగం తెలుగు నుంచే వచ్చాయి. తమిళం, కన్నడలో రూ. 1 కోటి కంటే తక్కువ వసూళ్లు వచ్చాయి. హిందీ వసూళ్లు కూడా బాగానే ఉన్నప్పటికీ, మూడు రోజుల్లో రూ. 1.4 కోట్లు దాటాయి. పవన్ కల్యాణ్ మునుపటి చిత్రం ‘హరి హర వీర మల్లు’, సుజీత్ గత చిత్రం ‘సాహో’ ఆశించినంతగా రాణించకపోయినప్పటికీ ఓజీ పై భారీ అంచనాలు నెలకొన్నాయి.

ఇది రెండవ ప్రపంచ యుద్ధ సమయంలో భారతదేశానికి వచ్చిన ఓజస్ గంభీర (పవన్) అనే సమురాయ్ కథ. అతను సత్య దాదా (ప్రకాష్ రాజ్) కుడిభుజంగా ఎదుగుతాడు. ఊహించని సంఘటన కారణంగా అతను అన్నింటినీ వదులుకుని, కణ్మణి (ప్రియాంక మోహన్), వారి కుమార్తె తారతో ప్రశాంతమైన జీవితాన్ని గడుపుతాడు. పరిస్థితులు అతన్ని మళ్లీ కత్తి పట్టేలా చేస్తాయి.