బ్రహ్మముడి సీరియల్‌ ఈరోజు ఎపిసోడ్‌‌లో కావ్య పుట్టింటికి వెళ్తుంది. ఏదైనా గొడవ జరిగిందా అని కనకం అడుగుతుంది. దాంతో తల్లిపై కావ్య అరుస్తుంది. పుట్టింటికి రావాలంటే నీ పర్మిషన్ అడిగి రావాలా. మొన్న టీవీలో ఎవరో అన్నారు అమ్మాయికి సొంతిల్లు లేదని. చూస్తుంటే అది నిజమే అనిపిస్తుంది అని కావ్య అంటుంది.

కనకం ఫోన్ లాక్కున్న కావ్య

కావ్య లోపలికి వెళ్తుంది. చూస్తుంటే అక్కడ గొడవ జరిగినట్లే ఉంది. కాల్ చేసి అడుగు అని కృష్ణమూర్తి అంటాడు. దాంతో కనకం కాల్ చేస్తుంటే వెనుక నుంచి వచ్చిన కావ్య ఫోన్ లాగేసుకుంటుంది. ఏంటిది అని కావ్య అడుగుతుంది. నువ్వు నిజం చెప్పట్లేదు. అందుకే చెప్పాల్సిన వాళ్లు చెబుతారని కనకం అంటుంది. ఏం జరగలేదని చెప్పాగా. ఆరాలు తీయడం ఆపేసి ముందు టిఫిన్ చేయమని ఫోన్ పట్టుకుని కావ్య లోపలికి వెళ్తుంది.

మరోవైపు కావ్య గురించి అపర్ణ ఇంట్లో గొడవ జరుగుతుంది. కనకం ఫోన్ లిఫ్ట్ చేయట్లేదని అపర్ణ అంటే.. కావ్య పుట్టింటికి వెళ్తే కనకం మనకు కాల్ చేయకుండా ఆగేదా. కావ్య అక్కడికి వెళ్లలేదు. మనం వెళ్లి పోలీస్ స్టేషన్‌లో కావ్య కనిపించడం లేదని కంప్లైంట్ ఇవ్వడం మంచిది అని రుద్రాణి అంటుంది. ఇప్పుడు నీకు సంతోషంగా ఉందా అని రాజ్‌ను అపర్ణ, ఇందిరాదేవి అంటారు.

కళావతి ఎక్కడికి వెళ్లిందో నాకు తెలుసు. నేను వెళ్లి తీసుకొస్తాను అని రాజ్ వెళ్లిపోతాడు. మరోవైపు కావ్య గురించి అప్పు ఏడుస్తుంది. నేను ఇందుకే అక్కకు నిజం చెబుతానన్నాను. నువ్వే ఆపావు అని కల్యాణ్‌ను అంటుంది అప్పు. వదినకు ఏం కాదు అని కల్యాణ్ నచ్చజెప్పుతాడు.

అక్క చచ్చిపోతుంది

మనం బాధలు పడకూడదని తను బాధలు పడటానికి వెళ్లింది. బిడ్డ పుట్టేవరకు అక్క తను ఎక్కడుందో తెలియనివ్వదు. బిడ్డ పుడితే అక్క చచ్చిపోతుంది.. చచ్చిపోతుంది అంటూ అప్పు ఏడుస్తూనే ఉంటుంది. కల్యాణ్ ఓదార్చుతాడు. మరోవైపు ఎప్పుడులేనిది అమ్మాయి ఏంటీ ఇంత కోపంగా ఉందని కనకంను కృష్ణమూర్తి అడుగుతాడు. నేను కనుక్కుంటాను అని కావ్యకు టిఫిన్ పెడుతుంది కనకం.

కావ్యను ఎలా రావడం గురించి కనకం తిడుతుంది. ఇంతలో రాజ్ వచ్చి తను మా గురించి ఆలోచిస్తే ఇలా ఎందుకు వస్తుందని అంటాడు. కావ్య గురించి టెన్షన్ పడుతున్నట్లు రాజ్ చెబితే.. మీ వల్ల నేను కూడా పడుతున్నాను రాజ్ అంటాడు. రాజ్‌కు సపోర్ట్ చేస్తూ అల్లుడు గారు ఏది చేసిన మంచికే చేస్తారు. అదేదో చేయొచ్చుగా అని కనకం అంటుంది.

అబార్షన్ చేయించుకో అని తనకు తెలియకుండానే చెబుతుంది కనకం. నీకు విషయం తెలియకా అలా అంటున్నావ్ అని కావ్య అంటుంది. రాజ్ ఇంటికి రమ్మంటే నిర్ణయమైన మార్చుకోండి, లేకుంటే కారణమైన చెప్పండి అని కావ్య వెళ్లిపోతుంది. దాంతో కోపంగా రాజ్ వెళ్లిపోతాడు. ఇద్దరి మధ్య ఏదో పెద్ద సమస్య జరిగినట్లుందని కృష్ణమూర్తి అంటాడు.

సంతోషంలో అప్పు

కావ్య పుట్టింట్లో ఉందని అప్పుకు కల్యాణ్ చెబుతాడు. దాంతో అప్పు సంతోషిస్తుంది. ఒక పెద్ద కేసు సాల్వ్ అయినట్లుందని అప్పు అంటుంది. మరోవైపు కృష్ణమూర్తి ఫోన్ నుంచి అప్పుకు కాల్ చేస్తుంది కనకం. కానీ, అప్పు పడుకోవడంతో పోన్ తీయదు. రాజ్ ఇంటికి వస్తాడు. తనకోసం వెయిట్ చేసిన అపర్ణ వాళ్లు కావ్య గురించి అడుగుతారు. కావ్య అడ్రస్ దొరికిందని, తన పుట్టింట్లోనే ఉందని రాజ్ చెబుతాడు.

రమ్మంటే రాలేదు. అందుకే వదిలేసి వచ్చాను అని రాజ్ అంటాడు. దాంతో అపర్ణ తిడుతుంది. అబార్షన్‌కు కారణం చెప్పకుండా రానంది. ఇంకేం చేయాలి. తన కాళ్లు పట్టుకుని బతిమిలాడాలా అని రాజ్ అంటాడు. పట్టుకుంటే తప్పేంటి అని ఇందిరాదేవి అంటుంది. తను రానంది, వదిలేసి వచ్చానంటే ఏంట్రా అర్థం అని రాజ్‌ను అంటుంది అపర్ణ.

రాజ్‌ను అంటావేంటీ. ఆ కావ్యది తప్పేం లేదా. కడుపుతో ఉన్నానన్న ఇంగితి కూడా లేకుండా ఇంట్లోంచి వెళ్లిపోయి తప్పు చేస్తే రాజ్‌ను అంటావేంటీ అని రుద్రాణి అంటుంది. దాంతో రుద్రాణిని ఇందిరాదేవి తిడుతుంది. కావ్యను ఎలా ఒప్పిస్తావో నాకు తెలియదు. కావ్యను తీసుకురా అని అపర్ణ అంటుంది.

భార్యాభర్తల పంతాలు

భర్తగా నేను చేయాల్సింది చేశాను. తనకు రావాలని ఉంటే వస్తుంది లేకుంటే లేదు. తనకే అంతుంటే నాకెంత ఉండాలి. పంతాలు తనకేనా ఉండేది నాకు ఉండవా. రాకపోతే రాకపోని అని రాజ్ కోపంగా వెళ్లిపోతాడు. అంతా వెళ్లిపోతారు. రాజ్ మొండిగా ఉండటం గురించి అపర్ణ టెన్షన్ పడుతుంది. ఆ రోజు విడాకుల్లా ఇది కూడా డ్రామానే అయి ఉంటుంది. పదా వెళ్లి మాట్లాడుదాం అని ఇందిరాదేవి అంటుంది.

స్వప్నకు కనకం కాల్ చేస్తే అది చూసి రుద్రాణి లిఫ్ట్ చేస్తుంది. కావ్య రావడం గురించి నిజం చెప్పకుండా కనకంతో ఆడుకుంటుంది రుద్రాణి. అక్కడితో నేటి బ్రహ్మముడి సీరియల్ ఎపిసోడ్ ముగుస్తుంది.