బిగ్ బాస్ 9 తెలుగు సీజన్ నుంచి ఐదో వారం ఫ్లోరా సైని, దమ్ము శ్రీజ ఇద్దరు ఎలిమినేట్ అయ్యారు. ఎలిమినేట్ అయిన కంటెస్టెంట్స్‌ను బిగ్ బాస్ బజ్ ఇంటర్వ్యూ పేరుతో ఇంటర్వ్యూ చేస్తారన్న విషయం తెలిసిందే. ఈ నేపథ్యంలో బిగ్ బాస్ తెలుగు 9 బజ్ ఇంటర్వ్యూకి ఫ్లోరా సైని, దమ్ము శ్రీజ హాజరయ్యారు.

ఎలిమినేట్ కంటెస్టెంట్స్‌తో

వారిని పలు విధాలుగా ప్రశ్నలు వేస్తూ బజ్ ఇంటర్వ్యూ హోస్ట్, బిగ్ బాస్ మాజీ కంటెస్టెంట్, హీరో శివాజీ ఆడుకున్నాడు. ఇద్దరు ఎలిమినేట్ కంటెస్టెంట్స్‌తో జరిగిన బజ్ ఇంటర్వ్యూను ఒకే ప్రోమో ద్వారా చూపించారు. ఆ ఇంటర్వ్యూ ఎలా సాగిందో ఇక్కడ చూద్దాం.

ఒక్కసారే అన్నా

“కామనర్స్, సెలబ్రిటీలు అని చాలా గట్టిగా పెట్టేసుకున్నారు మీరు” అని శివాజీ అంటే.. “అలా నేను ఒక్కసారే అన్నాను” అని శ్రీజ చెప్పింది. “మీరు మైనస్ అవడానికి మెయిన్ కారణమే అది” అని శివాజీ చెప్పాడు. “అసలు గేమ్ ఎందుకు ఇంప్రూవ్ చేసుకోలేకపోయారు” అని ఫ్లోరా సైనిని అడిగాడు శివాజీ.

తోలు బొమ్మలాగా

“నేను రోజు రోజు ఇంప్రూవ్ చేసుకుని వచ్చాను” అని ఫ్లోరా సైని అంటే.. “లేదండి” అని మొహం మీదే చెప్పేశాడు శివాజీ. “సంజన మిమ్మల్ని తోలు బొమ్మలగా ఆడించింది” అన్నట్లుగా హీరో శివాజీ అన్నాడు. దానికి ఫేక్ అని ఫ్లోరా సైని బోర్డ్ చూపించింది. సంజన ఫేక్ అని ఫ్లోరా అన్నట్లుగా ప్రోమో కట్ చేశారు.

శ్రీజకు గొంతు ఎక్కువ

“గేమ్సా, ఎమోషన్సా ఎందులో ఇచ్చావమ్మా” అని శ్రీజను అడిగాడు శివాజీ. “ఒక మనిషిని నువ్వు నెగెటివ్.. నెగెటివ్, ఎవరికి సెట్ కావు. ఎవరితో మాట్లడకూడదు అంటే ఆటోమాటిక్‌గా ఎక్కడో డౌన్ అవుతాం” అని శ్రీజ చెప్పింది. “శ్రీజకు గొంతు ఎక్కువ ఏది పడితే అది అనేస్తుంది” అని శివాజీ అన్నాడు. “నేను ఒక గ్రూప్ ఆఫ్ పీపుల్ దగ్గర కూర్చుంటే ఉండేవారు కాదు. వెళ్లిపోయేవారు” అని శ్రీజ తెలిపింది.

ఎంత టార్చర్ పెట్టుంటారో

“మీ హౌజ్‌మేట్స్ మిమ్మల్ని చూసి పారిపోతున్నారంటే ఆ రెండు వారాలు మీరు వాళ్లను ఎంత టార్చర్ పెట్టారో అర్థం కావట్లేదా” అని శివాజీ అన్నాడు. డిమోన్ పవన్ ఫొటో చూపించి తను ప్లాన్‌డ్‌గా లవ్ యాంగిల్ నడిపించాలని చూశాడన్నట్లుగా శ్రీజ చెప్పింది. తర్వాత టాపిక్ మారినట్లు తెలుస్తోంది.

దమ్ముంటే టచ్ చేయి..

“దమ్ముంటే టచ్ చేయండి. కొడతాను నేను, తంతాను నేను అంటే” అని శ్రీజ చెబుతుంటే.. “టచ్ చేయి.. మరి దమ్ముంటే టచ్ చేయి.. నోరెందుకు మాట్లాడుతుంది. చేయి కదా మాట్లాడాలి” అని హీరో శివాజీ కోపంగా అన్నాడు. అక్కడితో అక్టోబర్ 13 నాటి బిగ్ బాస్ తెలుగు 9 బజ్ ఇంటర్వ్యూ ప్రోమో ముగిసింది.