Kamal Haasan Linguswamy: కమల్ హాసన్ మోసం చేశాడు: నిర్మాతల మండలికి డైరెక్టర్ ఫిర్యాదు

Kamal Haasan Linguswamy: తిరుపతి బ్రదర్స్ కు చెందిన సినీ నిర్మాతలు లింగుస్వామి, సుభాష్ చంద్రబోస్ నిర్మాతల మండలిలో కమల్ హాసన్ పై ఫిర్యాదు చేశారు. 2015లో వచ్చిన ఉత్తమ విలన్ సినిమా కోసం ఈ ముగ్గురూ కలిసి పనిచేశారని, ఇది తమను అప్పుల్లోకి నెట్టిందని నిర్మాతలు చెబుతున్నారు.

లింగుస్వామి ఫిర్యాదు

ఇటీవల టూరింగ్ టాకీస్ కు ఇచ్చిన ఇంటర్వ్యూలో లింగుస్వామి మాట్లాడాడు. ఉత్తమ విలన్ బాక్సాఫీస్ వద్ద విఫలమైన తర్వాత రూ.30 కోట్ల బడ్జెట్ తో నిర్మాణ సంస్థతో మరో సినిమా చేస్తానని కమల్ హాసన్ మాటిచ్చాడని అతడు వెల్లడించాడు. నిర్మాణ సంస్థ ఎక్స్, యూట్యూబ్లో వీడియోలను పంచుకుంది. ఇందులో కమల్ స్క్రిప్ట్ ను చాలాసార్లు మార్చాడని లింగుస్వామి వివరించాడు. ఇది బాక్సాఫీస్ వైఫల్యానికి కారణమని ఆరోపించాడు. ‘దృశ్యం‘ రీమేక్ కోసం తనను సంప్రదించారని, కానీ తాను మరో నిర్మాతతో సినిమా చేశానని చెప్పుకొచ్చాడు.

ఈ వీడియోలో లింగుస్వామి మాట్లాడుతూ.. “మొదట వేలు నాయకర్ (మణిరత్నం 1987 చిత్రం నాయకన్ చిత్రంలో కమల్ పాత్ర) వంటి వ్యక్తి తన సోదరుడిని గూండాల నుండి రక్షిస్తాడంటూ ఒక సూపర్ కమర్షియల్ చిత్రం గురించి చెప్పారు. సిద్ధార్థ్ సోదరుడిగా నటించాల్సి ఉంది. కానీ కమల్ తో సమస్య ఏమిటంటే అతను తరచుగా తన మనసు మార్చుకుంటూ ఉంటాడు. అంతకుముందే ఆ పని చేసి సక్సెస్ అయ్యాడు. నేను డైరెక్టర్ అయి ఉంటే మరోలా ఉండేది కానీ నిర్మాతగా వెళ్లాను” అన్నాడు.

లింగుస్వామి తాజా ప్రకటన

తిరుపతి బ్రదర్స్ అధికారిక ఎక్స్ అకౌంట్ కూడా గత నెల మధ్యలో ఒక ప్రకటనను షేర్ చేసింది. పద్మశ్రీ కమల్ హాసన్ నటించిన ఉత్తమ విలన్ సినిమా తమ సంస్థకు భారీ ఆర్థిక నష్టాన్ని, ఆర్థిక సంక్షోభాన్ని కలిగించిందని, ఈ విషయం కమల్ హాసన్ కు కూడా బాగా తెలుసని అన్నారు. ఉత్తమ విలన్ భారీ నష్టాన్ని పూడ్చుకోవడానికి తిరుపతి బ్రదర్స్ కోసం మరో సినిమాను నిర్మిస్తానని ఆయన మా సంస్థకు లిఖితపూర్వక హామీ ఇచ్చారు.

తిరుపతి బ్రదర్స్ ఆ పనుల్లో బిజీగా ఉండగా, ఉత్తమ విలన్ బిగ్గెస్ట్ ప్రాఫిట్ మూవీ అని లింగుస్వామి చెప్పినట్లు వలై పేచు అనే యూట్యూబ్ ఛానల్ దుష్ప్రచారం చేస్తోంది. ఇది పూర్తిగా గర్హనీయం. సోషల్ మీడియాలో ఇలాంటి తప్పుడు సమాచారాన్ని వ్యాప్తి చేయవద్దని కోరుతున్నట్లు ఆ సంస్థ తెలిపింది.

ఉత్తమ విలన్ గురించి..

ఉత్తమ విలన్ మూవీ గురించి చెప్పాలంటే.. కమల్ రచన, రమేష్ అరవింద్ దర్శకత్వం వహించిన కామెడీ డ్రామా. బ్రెయిన్ ట్యూమర్ తో బాధపడుతున్న ఓ ప్రముఖ నటుడి కథే ఈ సినిమా. చనిపోవడానికి ముందు తన జీవితాన్ని కీర్తించాలనుకుని, ప్రతిసారీ మరణాన్ని మోసం చేసే ఒక వ్యక్తి గురించి జానపద హాస్యాన్ని తెరకెక్కించాలంటూ అతను తన గురువు దగ్గరికి వెళ్తాడు.

కమల్ హాసన్, కె.విశ్వనాథ్, కె.బాలచందర్, జయరామ్, ఆండ్రియా, పూజా కుమార్, నాజర్, పార్వతి తిరువోతు, ఊర్వశి తదితరులు నటించిన ఈ చిత్రం బాక్సాఫీస్ వద్ద పెద్దగా ఆడకపోయినప్పటికీ మంచి రివ్యూలు అందుకుని కల్ట్ స్టేటస్ సాధించింది. ఇది తెయ్యం అనే కేరళ కళారూపానికి మరింత పాపులారిటీని తీసుకువచ్చింది.